Wenaxarü naxümatü ga Tupanaarü mugü 4:9 - Tupanaarü Ore

⁹ ¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Wenaxarü naxümatü ga Tupanaarü mugü 4:9 Referans Kwoze

Wenaxarü naxümatü ga Tupanaarü mugü 6:7

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Wenaxarü naxümatü ga Tupanaarü mugü 11:19

¡Rü ñaa oremaxã penangúexẽxẽ i pexacügü, rü nachigagu namaxã pidexagü i pepatawa, rü namagüwa. Rü ngẽxgumarüxü̃ ta i ngẽxguma pepeechaü̃gu rü íperüdagügu rü ñaa oremaxã penangúexẽxẽ!

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Wenaxarü naxümatü ga Tupanaarü mugü 32:46

Rü yemawena ga Moiché rü Iraétanüxü̃maxã nidexa rü ñanagürü: —¡Mea pegüãẽgu namaxã penguxü̃ i ngẽma ñu̱xma pexü̃ changúexẽxẽxü̃! ¡Rü ñu̱xũchi pexacügümaxã nüxü̃ pixu nax nümagü rü ta mea nagu namaxẽxü̃ rü yanguxẽxẽgüãxü̃ i guxü̃ma i ngẽma mugü i ñu̱xma pemaxã nüxü̃ chixuxü̃!

Efesios 6:4

Rü pemax, Pa Papagü rü Pa Mamagüx, rü tama name i penanuexẽxẽ i pexacügü. Rü name nixĩ i mea peyaxucu̱xẽgü rü naãxẽxü̃ nüxü̃ pecua̱xẽxẽ rü penangúexẽxẽ i ngẽma tórü Coriarü ore.

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Yema Cuáü̃ nüxü̃ dauxü̃ i yixcüra tá ngupetüxü̃chiga 3:3

¡Rü nüxna nacua̱xãchi ga yema ngu̱xẽẽtae ga mexü̃ ga noxri nüxü̃ cuxĩnüxü̃ rü cuyaxuxü̃, rü nagu ixũ! ¡Rü nüxü̃ rüxo i ngẽma chixexü̃ i cuxüxü̃ rü Tupanaca̱x nataegu! Natürü ngẽxguma tama nüxü̃ curüxoxgu i curü chixexü̃, rü ñoma wüxi i ngĩ́ta̱xáxü̃ i ngürüãchi ínguxü̃rüxü̃ tá cuxü̃tawa chaxũ. Rü taxũtáma nüxü̃ cucua̱x nax ñuxguacü yixĩxü̃.

Ucu̱xẽgüchiga 1:8

Pa Chaunex ¡naga naxĩnü i ñaa cunatüarü ucu̱xẽ! ¡Rü taxṹ i nüxü̃ cuxoxü̃ i ngẽma cué namaxã cuxü̃ ngu̱xẽẽxü̃!

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

Ucu̱xẽgüchiga 3:21

Pa Chaunex ¡mea cugüãẽgu namaxã nanguxü̃ i ñaa ucu̱xẽgü, rü taxṹ i nüxü̃ curüngü̃maxü̃ nax nagu cumaxü̃xü̃!

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Yochué 4:21

Rü nüma ga Yochué rü Iraétanüxü̃xü̃ ñanagürü: —Rü ngẽxguma tá pexna nacagügu i pexacügü rü ñagügu: “¿Ta̱xacüchiga nixĩ ya yimá nutagü?” ñagügu. Rü namaxã tá nüxü̃ pixu nax ñuxãcü paanexü̃wa yachoü̃xü̃ ga yema Iraétanüxü̃ nawa ga yema natü ga Yudáü̃.

Ucu̱xẽgüchiga 7:1

Pa Chaunex, ¡naga naxĩnü i chorü ore, rü cugüãẽgu namaxã nanguxü̃ i chorü mugü!

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Wenaxarü naxümatü ga Tupanaarü mugü 4:23

¡Natürü pexuãxẽgü nax tama nüxü̃ iperüngümaexü̃ca̱x ga yema uneta ga Cori ya perü Tupana pemaxã nüxü̃ ixuxü̃! ¡Rü taxũtáma pegüca̱x penaxü i ta̱xacürü naxchicüna̱xãgü nax namaxã petupanaã́xü̃ca̱x! Erü nüma ya Cori ya perü Tupana rü nanachu̱xu i ngẽma.

Popera ga Chantiágu ümatüxü̃ 2:22

Rü ngẽmawa nüxü̃ tacua̱x rü tama nayaxõmare ga Abráü̃, natürü Tupanaga naxĩnü rü ta. Rü yema Tupanaga naxĩnüxü̃wa tüxü̃ nüxü̃ nacua̱xẽxẽ nax aixcüma Tupanaaxü̃́ yaxõõxü̃.

Wenaxarü naxümatü ga Tupanaarü mugü 31:19

Rü ñu̱xma rü chanaxwa̱xe nax cuma rü Yochué penaxümatüxü̃ i ñaa wiyae, rü ñu̱xũchi Iraétanüxü̃xü̃ namaxã penangúexẽẽxü̃ nax nagu nawiyaegüxü̃ca̱x rü ngẽmawa nüxna nacua̱xãchiexü̃ca̱x i ngẽma choma pemaxã nüxü̃ chixuxü̃.

Ore i mexü̃ ga Luca ümatüxü̃ 8:18

¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Yochué 1:18

Rü guxãma ya yíxema tama cuga ĩnüxe i ngẽxguma toxü̃ cumu̱xgu rü tá tayu. Rü ngẽma cuxna naxca̱x taca̱xaxü̃xicatama nixĩ nax cuporaxü̃ rü taguma curümaãchixü̃ —ñanagürügü.

Wenaxarü naxümatü ga Tupanaarü mugü 4:15

Rü yema ngunexü̃ ga Cori ya Tupana üxüemaarü ngãxü̃wa pemaxã yadexaxgu ga ma̱xpǘne ga Oréxwa rü taxuxü̃ma ga naxchicüna̱xãxü̃ pedau. ¡Rü ngẽmaca̱x pexuãẽgü nax tama nagu peyixü̃ca̱x i ngẽma chixexü̃ nax pegüca̱x penaxüxü̃ i naxchicüna̱xãgü inayatüraü̃xü̃ rüe̱xna nangexeraü̃xü̃ rü bai i naeü̃güchicüna̱xãgü, rüe̱xna werigüchicüna̱xãgü, rüe̱xna ngẽma waixü̃mügu nügü itúgüxü̃chicüna̱xãgü, rüe̱xna choxnigüchicüna̱xãgü nax ngẽmaxü̃ picua̱xüü̃güxü̃ca̱x!

Ínachoxü̃xü̃chiga 10:2

Rü ngẽmaãcü i cuma rü tá cunegümaxã rü cutaagümaxã nüxü̃ quixu nax ñuxãcü nüxü̃ chacugüxü̃ ga Equítuanecüã̱xgü rü ñuxãcü taxü̃ ga guxchaxü̃gü naxca̱x íchanguxẽẽxü̃. Rü ngẽmawa tá nüxna pecua̱xãchie nax choma chixĩxü̃ ya Cori ya Tupana —ñanagürü.

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Wenaxarü naxümatü ga Tupanaarü mugü 4:10

Rü yema ngunexü̃ ga Cori ya perü Tupanape̱xewa peyexmagügu ga ma̱xpǘne ga Oréxwa, rü nüma ga Cori ya Tupana rü chomaxã nidexa rü ñanagürü: “¡Wüxigu nangutaque̱xexẽxẽ i duü̃xü̃gü nax ngẽmaãcü nüxü̃ naxĩnüexü̃ca̱x i chorü ore, rü ñu̱xũchi guxü̃ma i ngunexü̃gü i nagu namaxẽxü̃gu chauga naxĩnüexü̃ca̱x! Rü name nixĩ i nümagü rü naxacügüxü̃ namaxã nangúexẽẽxü̃ i chorü ore nax ngẽmaãcü i ngẽma naxacügü rü ta chauga naxĩnüexü̃ca̱x”, ñanagürü.

Wenaxarü naxümatü ga Tupanaarü mugü 6:2

Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

Wenaxarü naxümatü ga Tupanaarü mugü 6:12

Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Wenaxarü naxümatü ga Tupanaarü mugü 6:20

Rü ngẽxguma wüxi i ngunexü̃ pexacügü pexna caxgux rü ñagügu: “¿Ta̱xacüchiga nixĩ i ñaa mugü rü ñaa ucu̱xẽgü i tamaxã nüxü̃ yaxuxü̃ ya tórü Cori ya Tupana?” ñagügu, rü pema rü tá penangãxü̃ rü ñapegürügü tá: “Toma ga nũxcüma rü ãẽ̱xgacü ga Equítuanecüã̱x ga Faraóü̃me̱xẽwa tayexmagü rü norü mugüruü̃gü tixĩgü. Natürü nüma ga tórü Cori ya Tupana rü norü poramaxã toxü̃ ínanguxü̃xẽxẽ.

Wenaxarü naxümatü ga Tupanaarü mugü 8:11

¡Rü pexuãẽgü nax tama nüxü̃ perüngümaexü̃ca̱x ya perü Cori ya Tupana! ¡Rü taxṹ i nüxü̃ perüxoexü̃ i ngẽma norü mugü rü norü ucu̱xẽgü i ñu̱xma pexü̃ chamuxü̃!

Wenaxarü naxümatü ga Tupanaarü mugü 12:1

Rü ngẽxguma nawa pemaxẽgu i ngẽma naane i Cori ya perü Tupana perü o̱xigümaxã unetaxü̃ rü penaxwa̱xe nax guxü̃guma naga pexĩnüexü̃ rü nagu pexĩxü̃ i ngẽma mugü rü ucu̱xẽgü i pemaxã nüxü̃ chixuxü̃.

Wenaxarü naxümatü ga Tupanaarü mugü 16:3

Rü ngẽxguma penangõ̱xgu i ngẽma õna i Üpetüchigaarü ngunexü̃gu pengṍxü̃ rü paũ i ngearü pu̱xẽẽruü̃ã́xü̃maxã tá penangõ̱x. Rü wüxi i yüxü tá nixĩ i penangṍxü̃ i ngẽma paũ i ngearü pu̱xẽẽruü̃ã́xü̃. Erü ngẽma paũwa tá nüxna pecua̱xãchie nax ñuxãcü ngúxü̃ pingegüxü̃ ga Equítuanewa, rü yemaca̱x ñu̱xãẽãcüma nawa ípechoxü̃. Rü ngẽmaãcü i pema rü ñu̱xma nax pemaxẽxü̃gu rü tá nüxna pecua̱xãchie ga yema ngunexü̃ ga nagu Equítuanewa ípechoxü̃xü̃.

Wenaxarü naxümatü ga Tupanaarü mugü 17:19

Rü ngẽma norü napane i ngẽma mugü rü guxü̃gutáma naxme̱xwa nangẽxma nax guxü̃ma i ngunexü̃gü i nagu namaxü̃xü̃gu nawa nangúxü̃ca̱x. Rü ngẽmaãcü i nüma ya ãẽ̱xgacü rü tá Cori ya Tupanaxü̃ nangechaxü̃ rü tá naga naxĩnü rü nagu namaxü̃ i guxü̃ma i ñaa mugü.

Ãẽ̱xgacügü ga guxchaxü̃güarü mexẽxẽruü̃gü 3:7

Rü yema nacümagü ga Iraétanüxü̃ nagu maxẽxü̃ rü Cori ya Tupanape̱xewa rü poraãcü nachixe. Yerü Cori ya Tupanaxü̃ inarüngümae rü Baáchicüna̱xãgüxü̃ rü Acheráchicüna̱xãgüxü̃ nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 8:34

Rü norü Cori ya Tupanaxü̃ narüngümae woo nüma ga Tupana rü naxme̱xwa ínananguxü̃xẽxẽ ga guxü̃ma ga norü uanügü ga nüxna ngaicamagüxü̃

Yeremía 17:21

Erü Cori ya Tupana rü ñanagürü: —¡Pexuãxẽ nax tama ngü̃xchigaarü ngunexü̃gu peyangexü̃ i pexweta rü tama nua Yerucharéü̃arü ĩã̱xgüwa namaxã pichocuxü̃!

Yochué 23:11

¡Rü pexuãxẽgü rü pegüna pedaugü nax tama nüxü̃ íperüngümaexü̃ca̱x! ¡Rü nüxü̃ pengechaü̃gü ya perü Cori ya Tupana!

Ichaía 42:20

Rü woo nüxü̃ nadaugügu i cua̱xruü̃gü ya Tupana naxca̱x üxü̃, natürü nüxü̃́ nanataxuraü̃gümare. Rü woo Tupanaarü orexü̃ naxĩnüegu, natürü ñoma taxuxü̃ma naxĩnüexü̃rüü̃mare nixĩgü.