Wenaxarü naxümatü ga Tupanaarü mugü 4:8 - Tupanaarü Ore

⁸ ¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Wenaxarü naxümatü ga Tupanaarü mugü 4:8 Referans Kwoze

Wiyaegü 119:86

Pa Tupanax ¡Choxü̃ rüngü̃xẽxẽ! Erü ngẽma chorü uanügü rü chowe ningẽxü̃tanü woo taxuxü̃ma i chixexü̃ chaxüyane. Rü guxü̃ma i ngẽma curü mugü rü aixcüma nawe̱xgu.

Wiyaegü 119:96

Rü nüxü̃ chacua̱x rü guxü̃ma i ta̱xacü i ngẽxmaxü̃ rü nayarüxo. Natürü ngẽma curü mugü rü taguma inayarüxo. -13-

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.

Wenaxarü naxümatü ga Tupanaarü mugü 26:19

Rü nüma ya Cori ya Tupana rü tá pexü̃ narüngü̃xẽxẽ nax wüxi i nachixü̃ane i guxü̃ i togü i nachixü̃anegüarü yexera peporaexü̃ca̱x. Rü tá pexü̃ natachigaxẽxẽ rü tá pexü̃ nanamuü̃exẽxẽ i ngẽma togü i nachixü̃anegü. Rü pema tá nixĩ i duü̃xü̃gü i perü Cori ya Tupana pexü̃ unetaxü̃ nax norü duü̃xü̃gü pixĩgüxü̃, yema pemaxã nüxü̃ yaxuxü̃rüxü̃ —ñanagürü ga Moiché.

Wiyaegü 89:14

Rü ngẽxguma curü tochicaxü̃wa curütoxgux nax cunangugüxü̃ca̱x i wüxichigü i duü̃xü̃arü maxü̃, rü guxü̃ma wüxiguraxü̃ãcüma cunangugü rü aixcüma nawe̱xgu i ngẽma namaxã cuxueguxü̃ i wüxichigü. Rü cuma rü aixcüma ngechaü̃wa̱xecü rü ixaixcümacü quixĩ.

Wiyaegü 97:2

Rü pamüemaxü̃ i caixanexü̃maxã ínaxümaeguãchi. Rü nüma nixĩ i ãẽ̱xgacü i aixcüma mea nangugüxü̃ i wüxichigü i duü̃xü̃güarü maxü̃. Rü aixcüma nawe̱xgu i ngẽma namaxã naxueguxü̃ i wüxichigü.

Wiyaegü 119:144

Erü ngẽma curü mugü rü guxü̃guma name. ¡Rü choxna naxã i cua̱x nax ngẽmaãcü nagu chamaxü̃xü̃ca̱x i ngẽma curü mugü! -19-

Wiyaegü 119:160

Rü guxü̃ma i curü ore rü aixcüma nixĩ. Rü curü mugü rü namexẽchi rü taguma inayarüxo. -21-

Ochéa 8:12

Rü choma rü nüxna chanaxã i muxü̃ma i chorü mugü, natürü i nümagü rü nüxü̃ naxoe.

Neemía 9:13

Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

Wiyaegü 119:138

Erü guxü̃ma i ngẽma curü mugü rü aixcüma name rü aixcüma tá ningugü.

Ichaía 42:21

Rü nüma ya Tupana rü wüxi ya Tupana ya ípoxü̃wa̱xecü nixĩ, rü ngẽmaca̱x nanatachigaxẽẽchaü̃ i norü ngu̱xẽẽtaegü i mexẽchixü̃.