Wenaxarü naxümatü ga Tupanaarü mugü 4:6 - Tupanaarü Ore

⁶ ¡Rü peyanguxẽxẽ rü aixcüma nagu pexĩ i ngẽma mugü nax ngẽmaãcü i ngẽma togü i duü̃xü̃gü nüxü̃ yacua̱xãchitanüxü̃ca̱x nax aixcüma petanüwa nangẽxmaxü̃ i cua̱x! Rü ngẽxguma nümagü nüxü̃ naxĩnüegu i ñaa mugü rü ñanagürügü tá: “Rü nataxuma i to i duü̃xü̃gü i ñaa Iraétanüxü̃rüxü̃ nüxü̃ icua̱xüchixü̃”, ñanagürügü tá.

Wenaxarü naxümatü ga Tupanaarü mugü 4:6 Referans Kwoze

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Wiyaegü 111:10

Rü yíxema aixcüma cua̱x tüxü̃́ ngẽxmaxe rü Cori ya Tupanaxü̃ ticua̱xüü̃gü. Rü yíxema Cori ya Tupanaxü̃ icua̱xüü̃güxe rü aixcüma tümaãẽxü̃ ticua̱x. Rü name nixĩ i guxü̃guma nüxü̃ ticua̱xüü̃gü.

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

Nüxíraxü̃xü̃ ga popera ga ãẽ̱xgacügüchiga 4:34

Rü muxü̃ma ga to ga nachixü̃anecüã̱xarü ãẽ̱xgacügü rü Charomóü̃xü̃tawa nanamu ga norü ngü̃xẽẽruü̃gü nax naxü̃tawa yayauxgüãxü̃ca̱x ga norü ucu̱xẽgü.

Popera ga Chantiágu ümatüxü̃ 3:13

Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Yeremía 8:9

Natürü ngẽma nüxü̃ icuáxü̃ rü tá naxãnee, rü tá namuü̃e ñoma naeü̃ i yütagu nguxü̃rüxü̃. ¿Rü ngexü̃ i perü cua̱x i ñu̱xma nax tama penayauxgüxü̃ i ngẽma chorü ore?

Ucu̱xẽgüchiga 1:7

Norü ügü nax cua̱xwa inguxü̃, rü ngẽma nixĩ nax Tupanaga ixĩnüxü̃. Natürü ngẽma tama naãxẽxü̃ cuáxü̃, rü nüxü̃ naxo i ngẽma cua̱x rü ucu̱xẽ i mexü̃.

Wiyaegü 19:7

Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Maraquía 3:12

Rü guxü̃táma i ngẽma togü i nachixü̃anegü rü tá pexü̃ nixuchigagü nax ípetaãẽgüxü̃ erü pemax rü tá pexü̃́ nangẽxma i wüxi i nachixü̃ane i mexẽchixü̃”. Rü choma i Cori ya Tupana ya Guxãétüwa Ngẽxmaxe nüxü̃ chixu i ngẽma —ñanagürü.

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Ucu̱xẽgüchiga 14:8

Yimá yatü ya naãẽxü̃ cuácü, rü ngẽmamaxã nixĩ i nüxü̃ nacuáxü̃ i nacüma i mexü̃. Natürü ngẽma naechitamare maxü̃xü̃, rü nacüma i chixexü̃tama nixĩ i nawomüẽẽxü̃.

Danié 4:9

“Pa Betachá i Guxü̃ i Chorü Ucu̱xẽruü̃güerux, rü choma nüxü̃ chacua̱x rü yimá Tupana ya Üünecüãxẽ cumaxã inacua̱x rü ngẽmaca̱x nüxü̃ cucua̱x i guxü̃ma i ẽxü̃guxü̃. Rü chanaxwa̱xe i ícurüxĩnü i ngẽma cumaxã tá nüxü̃ chixuxü̃ i chaunegüwa nüxü̃ chadauxü̃ rü ñu̱xũchi chanaxwa̱xe i chomaxã nüxü̃ quixu nax ta̱xacüchiga yixĩxü̃.

Wenaxarü naxümatü ga Tupanaarü mugü 29:9

Rü ngẽmaca̱x penaxwa̱xe nax peyanguxẽẽxü̃ rü naga pexĩnüexü̃ i guxü̃ma i ngẽma unetaarü dexagü nax ngẽmaãcü mea pexü̃́ yaxũxü̃ca̱x i guxü̃ma i ta̱xacü i pexüxü̃wa.

Wenaxarü naxümatü ga Tupanaarü mugü 32:46

Rü yemawena ga Moiché rü Iraétanüxü̃maxã nidexa rü ñanagürü: —¡Mea pegüãẽgu namaxã penguxü̃ i ngẽma ñu̱xma pexü̃ changúexẽxẽxü̃! ¡Rü ñu̱xũchi pexacügümaxã nüxü̃ pixu nax nümagü rü ta mea nagu namaxẽxü̃ rü yanguxẽxẽgüãxü̃ i guxü̃ma i ngẽma mugü i ñu̱xma pemaxã nüxü̃ chixuxü̃!

Wenaxarü naxümatü ga Tupanaarü mugü 32:47

Erü ñaa ore i pemaxã nüxü̃ chixuxü̃ rü tama wüxi i ore i natüca̱xmamare ixĩxü̃ nixĩ. Rü ngẽxguma tá aixcüma mea peyanguxẽẽgu, rü mucütáma ya taunecü nawa pemaxẽ i ngẽma naane i ñu̱xma tá nagu pichocuxü̃ i natü i Yudáü̃arü tocutüwa ngẽxmaxü̃ —ñanagürü ga Moiché.

Echequié 5:5

Rü nüma ya Cori ya Tupana rü ñanagürü ta choxü̃: —Dücax ya yima ĩane ya Yerucharéü̃. Rü choma nixĩ ga chanataxẽẽxü̃ natanüwa ya yima togü i nachixü̃anecüã̱xarü ĩanegü.

Ochéa 8:12

Rü choma rü nüxna chanaxã i muxü̃ma i chorü mugü, natürü i nümagü rü nüxü̃ naxoe.

Wiyaegü 19:8

Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

Ucu̱xẽgüchiga 1:4

Ñaa ucu̱xẽgü rü naxca̱x nixĩ i ngẽma ngextü̱xücügü i taxũta cua̱xwa ngugüxü̃, rü nüma ya ãẽ̱xgacü nanaxwa̱xe nax ñaa ucu̱xẽgüwa nangúexü̃ nax ngẽmaãcü aixcüma cua̱xwa nangugüxü̃ca̱x.

Ucu̱xẽgüchiga 1:5

Yíxema cua̱x tüxü̃́ ngẽxmaxe rü itarüxĩnü i ñaa ucu̱xẽgü nax ngẽmaãcü yexera cua̱x tüxü̃́ ngẽxmaxü̃ca̱x, rü yexera tümaãẽxü̃ tacuáxü̃ca̱x.

Ucu̱xẽgüchiga 14:34

Wüxi i nachixü̃anearü duü̃xü̃gü rü nataãẽgü ega norü ãẽ̱xgacü mea namaxã icua̱xgu. Natürü ngẽxguma chixexü̃gu namaxẽgu i norü duü̃xü̃gü, rü taxü̃ i ãnewa nangẽxma i ngẽma nachixü̃ane.

Ichaía 42:21

Rü nüma ya Tupana rü wüxi ya Tupana ya ípoxü̃wa̱xecü nixĩ, rü ngẽmaca̱x nanatachigaxẽẽchaü̃ i norü ngu̱xẽẽtaegü i mexẽchixü̃.