Wenaxarü naxümatü ga Tupanaarü mugü 4:43 - Tupanaarü Ore

⁴³ Rü daagü nixĩ ga guma ĩanegü ga cu̱xchicaxü̃ruxü̃ ixĩgüne: Rü wüxi nixĩ ga guma ĩane ga Rubéü̃tanüxü̃ca̱x ixĩxü̃ne. Rü guma nixĩ ga Béche ga chianexü̃arü metachinüxü̃wa yexmane. Rü nai nixĩ ga guma ĩane ga Gáxtanüxü̃ca̱x ixĩxü̃ne, Rü guma nixĩ ga Ramóx ga Garaáxanewa yexmane. Rü nai nixĩ ga guma ĩane ga ngãxü̃tücumü ga Manachétanüxü̃ca̱x ixĩxü̃ne. Rü guma nixĩ ga Goráü̃ ga Bacháü̃anewa yexmane.

Wenaxarü naxümatü ga Tupanaarü mugü 4:43 Referans Kwoze

Yochué 20:8

Rü natü ga Yudáü̃arü tocutüwa ga metachinüxü̃ ga naxnücüane ga Yericúarü éstewaama rü nüxü̃ naxunetagü ga Béche ga Rubéü̃tanüxü̃arü naanewa yexmane. Rü Gáxtanüxü̃arü naanewa rü nüxü̃ naxuneta ga Ramóx ga Garaáxanewa yexmane. Rü Manachétanüxü̃arü naanewa rü nüxü̃ naxuneta ga Goráü̃ ga Bacháü̃anewa yexmane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:80

Rü Gáxtanüxü̃arü naanewa nüxna nanaxãgü ga ĩanegü ga Ramóx ga Garaáxanewa yexmane, rü ñu̱xũchi Maanaíü̃, rü Ebóü̃ rü Yachéx, guxü̃nema ga norü naxü̃nachitaxü̃gümaxã.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:71

Rü Guerchóü̃tanüxü̃ rü naxẽ̱xpü̱x ga natücumüarü mu rü ngãxü̃tücumü ga Manachétanüxü̃arü naanewa nüxna nanaxãgü ga guma ĩane ga Goráü̃ ga Bacháü̃anewa yexmane, rü ñu̱xũchi ĩane ga Atarú guxü̃ma ga norü naxü̃nachitaxü̃gümaxã.

Nüxíraxü̃xü̃ ga popera ga ãẽ̱xgacügüchiga 4:13

Rü Ben-guébe rü ãẽ̱xgacü nixĩ ga ĩane ga Ramóx ga Garaáxanewa yexmane. Rü naxme̱xwa nayexmagü ga Garaáxarü ĩanexacügü ga Manaché nane ga Yaír namaxã icuáxü̃ne Rü yexgumarüxü̃ ta naxme̱xwa nayexma ta ga Argóx ga Bacháü̃anewa yexmaxü̃. Rü yéma nayexmagü ga 60 ga ĩanegü ga itaxü̃ne rü ípoxegugüne. Rü norü ĩã̱xgü rü bróũchenaxca̱x nixĩgü.

Yochué 21:38

Rü Gáxtanüxü̃arü ĩanegütanüwa rü nüxna nanaxãgü ga daa ĩanegü: Ramóx ga ĩane ga cu̱xchicaruxü̃ ixĩxü̃ne ga Garaáxanewa yexmane, rü ñu̱xũchi Maanaíü̃, rü Ebóü̃, rü Yachéx. Rü 4 ga ĩanegü nixĩ ga nüxna naxãgüne norü wocachitaü̃gümaxãchigü.

Yochué 21:27

Rü ngãxü̃tücumü ga Manachétanüxü̃arü ĩanegüwa rü yema Lebítanüxü̃ ga Guerchóü̃taagüna nanaxã ga taxre ga norü ĩanegü namaxã ga norü wocachitaü̃güchigü. Rü daagü nixĩ: Goráü̃ ga ĩane ga Bacháü̃anewa ngẽxmane ga cu̱xchicaruxü̃ ixĩxü̃ne, rü ñu̱xũchi Beeterá.

Wenaxarü naxümatü ga Tupanaarü mugü 4:44

Ñaagü nixĩ ga yema Tupanaarü mugü ga Iraétanüxü̃xü̃ namaxã nangúexẽẽxü̃ ga Moiché.

Yochué 21:36

Rü Rubéü̃tanüxü̃arü ĩanegütanüwa rü nüxna nanaxãgü ga daa ĩanegü: Béche norü wocachitaü̃gümaxã, rü Yaácha norü wocachitaü̃gümaxã, rü Caremóx norü wocachitaü̃gümaxã, rü Mepáax norü wocachitaü̃gümaxã. Rü guxü̃wama rü 4 ga ĩanegü nixĩ ga nüxna naxãgüne norü wocachitaü̃gümaxãchigü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:63

Rü Merarítanüxü̃ rü naxẽ̱xpü̱x ga natücumüarü mu rü sortéuãcü nüxna nanaxã ga 12 ga ĩanegü ga Rubéü̃anewa, rü Gáxanewa, rü Chaburóü̃anewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:66

Rü ñuxre ga Queáxtanüxü̃ rü sortéuãcü nanayauxgü ga ĩanegü ga Efraíü̃arü naanewa yexmagüne.