Wenaxarü naxümatü ga Tupanaarü mugü 4:41 - Tupanaarü Ore

^41-42 Rü yexguma ga Moiché rü nüxü̃ naxuneta ga tomaepü̱x ga ĩanegü ga natü ga Yudáü̃arü éstewa yexmagüne nax yíxema máetacüraxü̃xe ngexnerüxüne ya yima ĩanegügu tayarücúxü̃ca̱x rü taxuxü̃ma tüxü̃ üpetüxü̃ca̱x.

Wenaxarü naxümatü ga Tupanaarü mugü 4:41 Referans Kwoze

Iraétanüxü̃arü muxchiga 35:6

Rü yima ĩanegü ya Lebítanüxü̃güna naxãgünetanüwa rü 6 ya ĩanegü tá nixĩ ya cu̱xchicaruü̃gü ixĩgüne nax ngẽmaãcü ngẽxma tayarücúxü̃ca̱x ya yíxema máetaxe. Rü naétü ya yimá 6 ya ĩanegü, rü nai ya 42 ya ĩanegü tá Lebítanüxü̃na naxãgü.

Wenaxarü naxümatü ga Tupanaarü mugü 19:2

Rü ngẽxguma yanguxgu i ngẽma rü pema rü tá ípenaxüxüchi ya tomaepü̱x ya ĩanegü nax cu̱xchicaruü̃gü yaxĩgüxü̃ca̱x nawa i ngẽma naane ya Tupana tá pexna ãxü̃. Rü ñu̱xũchi tá peyamexẽẽgü i ngẽma nama ya yima ĩanegüwa nadagüxü̃. Rü ñu̱xũchi ngẽma naane i Cori ya perü Tupana pexna ãxü̃ rü tomaepü̱xgu tá peyayauxye nax ngẽmaãcü ngẽma máetacüraxü̃xü̃ ngexnerüxüne ya yima tomaepü̱x ya ĩanegu yanacúxü̃ca̱x nax ngẽmaãcü tama yama̱xgüãxü̃ca̱x i ngẽma natanüxü̃ i ngẽma duü̃xü̃ i yuxü̃.

Wenaxarü naxümatü ga Tupanaarü mugü 19:7

Rü ngẽmaca̱x nixĩ i pexü̃ chamuxü̃ nax nüxü̃ pexunetaxü̃ ya tomaepü̱x ya ĩanegü nax cu̱xchicaruü̃gü yaxĩgüxü̃ca̱x.

Wenaxarü naxümatü ga Tupanaarü mugü 19:14

Rü ngẽma naane i Cori ya perü Tupana tá pexna ãxü̃wa rü taxũtáma peyaxügachi i pemücüanearü üyeanearü cua̱xruxü̃, erü ngẽma üyeanearü cua̱xruxü̃gü rü woetama nũxcümacürüwa nayexmagü.