Wenaxarü naxümatü ga Tupanaarü mugü 4:10 - Tupanaarü Ore

¹⁰ Rü yema ngunexü̃ ga Cori ya perü Tupanape̱xewa peyexmagügu ga ma̱xpǘne ga Oréxwa, rü nüma ga Cori ya Tupana rü chomaxã nidexa rü ñanagürü: “¡Wüxigu nangutaque̱xexẽxẽ i duü̃xü̃gü nax ngẽmaãcü nüxü̃ naxĩnüexü̃ca̱x i chorü ore, rü ñu̱xũchi guxü̃ma i ngunexü̃gü i nagu namaxẽxü̃gu chauga naxĩnüexü̃ca̱x! Rü name nixĩ i nümagü rü naxacügüxü̃ namaxã nangúexẽẽxü̃ i chorü ore nax ngẽmaãcü i ngẽma naxacügü rü ta chauga naxĩnüexü̃ca̱x”, ñanagürü.

Wenaxarü naxümatü ga Tupanaarü mugü 4:10 Referans Kwoze

Ínachoxü̃xü̃chiga 19:9

Rü nüma ga Cori ya Tupana rü ñanagürü Moichéxü̃: —Dücax, cumaxã nüxü̃ chixu, rü wüxi i caixanexü̃ i pamüemaxü̃wa tá chaugü cuxü̃ chawe̱x nax ngẽmaãcü i ngẽma duü̃xü̃gü rü choxü̃ nax naxĩnüexü̃ca̱x nax cumaxã chidexaxü̃ rü ngẽmaãcü guxü̃guma cuxü̃́ yaxõgüãxü̃ca̱x —ñanagürü. Rü yemawena rü nüma ga Moiché rü wenaxarü Cori ya Tupanamaxã nüxü̃ nixu ga yema duü̃xü̃güarü ore.

Wenaxarü naxümatü ga Tupanaarü mugü 17:19

Rü ngẽma norü napane i ngẽma mugü rü guxü̃gutáma naxme̱xwa nangẽxma nax guxü̃ma i ngunexü̃gü i nagu namaxü̃xü̃gu nawa nangúxü̃ca̱x. Rü ngẽmaãcü i nüma ya ãẽ̱xgacü rü tá Cori ya Tupanaxü̃ nangechaxü̃ rü tá naga naxĩnü rü nagu namaxü̃ i guxü̃ma i ñaa mugü.

Wenaxarü naxümatü ga Tupanaarü mugü 5:2

Rü nüma ga Cori ya Tupana rü wüxi ga uneta tamaxã naxü ga ma̱xpǘne ga Oréxwa.

Ínachoxü̃xü̃chiga 20:20

Rü nüma ga Moiché rü nanangãxü̃ rü ñanagürü nüxü̃: —¡Taxṹ i peba̱i̱xãchiexü̃! Erü nüma ya Tupana rü núma naxũ nax pexü̃ nawéaxü̃ca̱x i norü pora nax nüxü̃ pemuü̃exü̃ca̱x rü guxü̃guma naga pexĩnüexü̃ca̱x rü tama chixexü̃ pexügüxü̃ca̱x —ñanagürü.

Ínachoxü̃xü̃chiga 20:18

Rü guxü̃ma ga yema Iraétanüxü̃ rü nüxü̃ naxĩnüe ga yema duruanexü̃ rü guma cornétagüga. Rü nüxü̃ nadaugü ga yema ãẽmacü rü guma ma̱xpǘne ga caixanexü̃ nagu nguxü̃ne. Rü yexguma yemaxü̃ naxĩnüegu rü nüxü̃ nadaugügux, rü namuü̃e rü nüxna nayáxü̃gugü ga guma ma̱xpǘne.

Ínachoxü̃xü̃chiga 19:16

Rü yexguma noxri yangunegu ga pa̱xmaacüarü ngunexü̃gu rü naxãẽmacüane rü nidu̱xruane. Rü wüxi ga caixanexü̃ ga pamüemaxü̃ guma ma̱xpǘneétügu ínarüxĩ. Rü wüxi ga tagaxü̃ ga nacornétagaraü̃xü̃ yéma inanaxũ. Rü yexguma yemaxü̃ naxĩnüegu ga duü̃xü̃gü rü muü̃maxã nidu̱xrue.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:5

Rü ñu̱xũchi yema tochicaxü̃xü̃tawa inanaxũ ga wüxi ga naga ga ñaxü̃: “Name nixĩ i tórü Tupanaxü̃ picua̱xüü̃gü i guxãma i pema i buxü̃gü, rü yaxü̃gü, rü guxü̃ma i pema i nüxü̃ pengechaü̃ãcüma nax nüxü̃́ pepuracüexü̃”, ñanagürügü.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Ore i mexü̃ ga Luca ümatüxü̃ 1:50

Rü nüma ya Tupana rü guxü̃gutáma nüxü̃́ tangechaü̃tümüü̃gü ya guxãma ya yíxema aixcüma nüxü̃ cua̱xüü̃güxe.

1 Chamué 12:24

Rü ñu̱xma i pema rü penaxwa̱xe i Cori ya Tupanaaxü̃́ peyaxõgü rü aixcüma nüxü̃ picua̱xüü̃gü. ¡Rü nagu perüxĩnüe nax ñuxãcü poraãcü pexü̃ nax nangü̃xẽxẽxü̃!

Wenaxarü naxümatü ga Tupanaarü mugü 14:23

Rü ngẽma nachica ya Tupana nüxü̃ unetaxü̃ nax nüma nawa nangẽxmaxü̃ca̱x, rü ngéma tá penana i perü diésmu i Tupanaca̱x ípexüxüchixü̃ i perü triguwa rü bínuwa rü chíxü̃wa rü ngẽma nüxíra buexü̃ i perü wocaxacügüwa rü perü carnéruxacügüwa, nax ngéma Tupanape̱xewa penangṍxü̃ca̱x. Rü ngẽmaãcü i pema rü tá pengúe nax guxü̃gutáma Tupanaga pexĩnüexü̃ rü nüxü̃ pengechaü̃güxü̃.

Wenaxarü naxümatü ga Tupanaarü mugü 5:29

¡Rü chierüx guxü̃guma aixcüma ngẽmaguxicatama naxĩnüeechagu, rü choxü̃ nangechaü̃gügu rü guxü̃ i ngunexü̃gügu yanguxẽẽgüãgu i chorü mugü i nümagü rü naxacügü nax ngẽmaãcü guxü̃guma nataãẽgüxü̃ca̱x!

Ínachoxü̃xü̃chiga 19:1

Rü yema Iraétanüxü̃ rü yexguma Equítuanewa ínachoxü̃gu rü Refidíü̃wa nangugü rü yexma nayapexgü. Rü yéma inaxĩãchi rü Chinaíarü chianexü̃wa nangugü. Rü yexguma rü marü tomaepü̱x ga tauemacü ningegü nax Equítuanewa ínachoxü̃xü̃. Rü Chinaí ya ma̱xpǘnearü to̱xma̱xtawa nangugü rü yéma nayexmagü.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Wenaxarü naxümatü ga Tupanaarü mugü 11:19

¡Rü ñaa oremaxã penangúexẽxẽ i pexacügü, rü nachigagu namaxã pidexagü i pepatawa, rü namagüwa. Rü ngẽxgumarüxü̃ ta i ngẽxguma pepeechaü̃gu rü íperüdagügu rü ñaa oremaxã penangúexẽxẽ!

Wenaxarü naxümatü ga Tupanaarü mugü 12:1

Rü ngẽxguma nawa pemaxẽgu i ngẽma naane i Cori ya perü Tupana perü o̱xigümaxã unetaxü̃ rü penaxwa̱xe nax guxü̃guma naga pexĩnüexü̃ rü nagu pexĩxü̃ i ngẽma mugü rü ucu̱xẽgü i pemaxã nüxü̃ chixuxü̃.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Wenaxarü naxümatü ga Tupanaarü mugü 6:2

Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

Wenaxarü naxümatü ga Tupanaarü mugü 6:7

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Wiyaegü 145:4

Rü papagü rü naxacügüwa tá nanangúexẽẽgü nax cuxü̃ yacua̱xüü̃güxü̃ naxca̱x i ngẽma cuxüxü̃. Rü tá nüxü̃ nixugügü i ngẽma mexü̃gü i curü poramaxã cuxüxü̃.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.