Wenaxarü naxümatü ga Tupanaarü mugü 4:1 - Tupanaarü Ore

¹ Rü ñu̱xma Pa Chautanüxügü Pa Iraétanüxü̃x, ¡rü nüxü̃ pexĩnüe i ngẽma Tupanaarü mugü ga pexü̃ changúexẽxẽxü̃ nax aixcüma mea peyanguxẽẽxü̃ca̱x rü nagu pemaxẽxü̃ca̱x rü ngẽmaãcü penayaxuxü̃ca̱x i ngẽma naane i nũxcümaü̃güxü̃ i perü o̱xigüarü Cori ya Tupana tá pexna ãxü̃!

Wenaxarü naxümatü ga Tupanaarü mugü 4:1 Referans Kwoze

Romanos 10:5

Rü Moiché nanaxümatü nachiga nax ñuxãcü Tupanape̱xewa tamexü̃ ya wüxíe ega naga taxĩnügu i ngẽma mugü, rü ñanagürü: “Yíxema naga ĩnüxe i ngẽma mugü rü tá tamaxü̃”, ñanagürü.

Wenaxarü naxümatü ga Tupanaarü mugü 8:1

Rü ñanagürü ga Moiché: —¡Ẽcü nagu pexĩ i ngẽma mugü i ñu̱xma pexna chaxãxü̃ nax namáxü̃ca̱x i perü maxü̃ rü pimuxü̃ca̱x, rü ngẽmaãcü penayaxuxü̃ca̱x i ngẽma naane ga perü o̱xigümaxã nüxü̃ yaxuxü̃ ga Tupana!

Echequié 20:11

Rü yéma nüxna chanaxã ga chorü mugü i maxü̃ tüxna ãxü̃ ya yíxema naga ĩnüexe.

Lebítanüxü̃arü puracüchiga 18:5

Rü chanaxwa̱xe i aixcüma nagu pexĩ i ngẽma chorü mugü rü chorü ucu̱xẽgü. Rü yíxema nagu maxü̃́xẽ rü tá tamaxü̃. Erü choma nixĩ i perü Cori ya Tupana chixĩxü̃.

Wenaxarü naxümatü ga Tupanaarü mugü 30:16

Rü ngẽxguma tá naga pexĩnüegu i ngẽma mugü i ñu̱xma pexü̃ chamuxü̃, rü nüxü̃ pengechaxü̃gu ya perü Cori ya Tupana, rü nagu pexĩxgu i ngẽma nüma nanaxwa̱xexü̃, rü peyanguxẽẽgu i norü mugü rü ucu̱xẽgü, rü mucü ya taunecü tá pemaxẽ, rü tá pimu, rü nüma ya Cori ya Tupana rü tá pexü̃ narüngü̃xẽxẽ nawa i ngẽma nachixü̃ane i nawa tá pengẽxmagüxü̃.

Wenaxarü naxümatü ga Tupanaarü mugü 5:33

¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.

Wenaxarü naxümatü ga Tupanaarü mugü 5:1

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Lebítanüxü̃arü puracüchiga 22:31

Rü pemax, ¡rü aixcüma nagu pexĩ i chorü mugü rü mea peyanguxẽxẽ! Rü choma nixĩ ya Cori ya Tupana.

Lebítanüxü̃arü puracüchiga 19:37

Rü ngẽmaca̱x chanaxwa̱xe nax aixcüma nagu pemaxẽxü̃ i ngẽma chorü mugü rü chorü ucu̱xẽgü. Rü name nax aixcüma peyanguxẽẽxü̃. Rü choma nixĩ ya Cori ya Tupana” —ñanagürü.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Echequié 37:24

Rü yimá chorü duü̃ ya Dabítaxa tá nixĩ ya chorü duü̃xü̃güarü ãẽ̱xgacü ixĩcü. Rü nüxica tátama nixĩ i norü dauruxü̃ yixĩxü̃. Rü nümagü rü tá chauga naxĩnüe rü tá nagu namaxẽ i chorü mugü rü ucu̱xẽgü.

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Echequié 20:21

—Natürü woo i ngẽma nanegü rü naxacügü rü chomaxã nanueama. Rü tama naga naxĩnüe rü tama nayanguxẽẽgü rü tama nagu namaxẽ i ngẽma chorü mugü i maxü̃ tüxna ãxü̃ ya yíxema nagu maxü̃́xẽ. Rü woo chorü ngü̃chigaarü ngunexü̃gü rü tama nanaxauregü. Rü yexguma ga choma rü chorü numaxã nagu charüxĩnü nax wüxicana chi yexma chianexü̃gu chanadaixü̃.

Echequié 11:20

Rü ñu̱xũchi i nümagü rü tá naga naxĩnüe i chorü mugü rü tá nagu namaxẽ. Rü nümagü rü tá chorü duü̃xü̃gü nixĩgü, rü choma rü tá norü Tupana chixĩ.

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Wenaxarü naxümatü ga Tupanaarü mugü 30:19

Rü ñoma i ngunexü̃gu rü Tupanape̱xewa rü duü̃xü̃güpe̱xewa pexna chaca nax pematama nüxü̃ pixuxü̃ca̱x i ngexü̃rüüxü̃ tá yixĩxü̃ i penaxwa̱xexü̃, rü ngẽma maxü̃ rüe̱xna ngẽma yu. ¿Rü tá penaxwa̱xe i Tupanaarü ngü̃xẽxẽ rüe̱xna norü poxcu? ¡Ẽcü penayaxu i maxü̃ nax pema rü petaagü rü ta namaxẽxü̃ca̱x!

Wenaxarü naxümatü ga Tupanaarü mugü 16:20

Rü name nax guxü̃guma ngẽma aixcüma ixĩxü̃guxicatama nax pexĩxü̃ nax ngẽmaãcü nawa pemaxẽxü̃ca̱x, rü pexrü yixĩxü̃ca̱x i ngẽma naane i Cori ya perü Tupana tá pexna ãxü̃.

Wenaxarü naxümatü ga Tupanaarü mugü 11:1

¡Rü nüxü̃ pengechaü̃gü ya perü Cori ya Tupana! ¡Rü peyanguxẽẽgü i norü ngu̱xẽẽtaegü, rü norü ucu̱xẽgü rü norü mugü rü guxü̃ma i ngẽma pemaxã nüxü̃ yaxuxü̃!

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Wenaxarü naxümatü ga Tupanaarü mugü 4:8

¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Lebítanüxü̃arü puracüchiga 20:8

¡Rü aixcüma mea nagu pemaxẽ i chorü mugü! ¡Rü peyangu̱xẽxẽ! Rü choma nixĩ i Cori ya Tupana i chaugüxü̃́ pexü̃ chimexẽẽgüxü̃.

Ore i mexü̃ ga Cuáü̃ ümatüxü̃ 15:14

Pema rü chomücügü pixĩgü i ngẽxguma chauga pexĩnüegu.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Ínachoxü̃xü̃chiga 18:20

¡Rü ngẽma duü̃xü̃gü rü nangúexẽxẽ i ngẽma Tupanaarü mugü rü norü ngu̱xẽẽtaegü rü namaxã nüxü̃ ixu nax ñuxãcü tá namaxẽxü̃ rü ta̱xacü tá naxügüxü̃!

Wenaxarü naxümatü ga Tupanaarü mugü 1:3

Rü 40 ga taunecü marü nangupetü nax Equítuanewa ínachoxü̃xü̃ ga yema Iraétanüxü̃. Rü Moiché rü marü nüxü̃ narüporamae ga gumá Amoréutanüxü̃arü ãẽ̱xgacü ga Chióü̃ ga Ebóü̃gu ãchiü̃cü rü gumá Bacháü̃arü ãẽ̱xgacü ga Óx ga Atarúgu ãchiü̃cü ga Edréianewa. Rü yexguma norü 40 ga taunecüwa nanguxgu ga norü 11 ga tauemacüarü ügügu, rü yexguma nixĩ ga Moiché Iraétanüxü̃maxã nüxü̃ yaxuxü̃ ga guxü̃ma ga yema ore ga Tupana namaxã nüxü̃ ixuxü̃ naxca̱x ga yema Iraétanüxü̃.

Wenaxarü naxümatü ga Tupanaarü mugü 4:40

¡Rü peyanguxẽxẽ i ngẽma norü mugü i ñaa ngunexü̃gu pemaxã nüxü̃ chixuxü̃! Rü ngẽmaãcü tá mea pexü̃ rü petanüxü̃xü̃ nangupetü rü ñu̱xũchi mucü ya taunecü tá nawa pemaxẽ i ngẽma naane i Cori ya perü Tupana tá pexna ãxü̃ nax guxü̃gutáma pexrü yixĩxü̃ca̱x —ñanagürü ga Moiché.

Wenaxarü naxümatü ga Tupanaarü mugü 30:20

¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.

Lebítanüxü̃arü puracüchiga 19:19

¡Ẽcü aixcüma nagu namaxü̃ i ngẽma chorü mugü! ¡Rü taxũtáma natoraxü̃xü̃ i naeü̃güxü̃ cunaxüxacüxẽxẽ i ngẽma cuxü̃nagü! ¡Rü taxũtáma naguxü̃raxü̃ne i naxchiremaxã cunato i ngẽma cuane! ¡Rü taxũtáma nagu quicu̱x i ngẽma naxchiru i naguxü̃raxü̃ne i tüwa üxü̃!

Wenaxarü naxümatü ga Tupanaarü mugü 1:8

Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.

Wenaxarü naxümatü ga Tupanaarü mugü 6:1

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.

Wenaxarü naxümatü ga Tupanaarü mugü 6:24

Rü yemawena ga nüma ga Cori ya Tupana rü toxü̃ namu nax mea tayanguxẽẽxü̃ca̱x i guxü̃ma i ñaa norü mugü rü naga taxĩnüexü̃ca̱x nax mea toxü̃ naxüpetüxü̃ca̱x rü nüma toxü̃ namaxẽxẽẽxü̃ca̱x ñu̱xmata ñoma i ngunexü̃wa nangu.

Wenaxarü naxümatü ga Tupanaarü mugü 7:11

Rü ngẽmaca̱x name nixĩ nax peyanguxẽẽxü̃ i ngẽma mugü, rü ngu̱xẽẽtaegü, rü ucu̱xẽgü i ñoma i ngunexü̃gu pemaxã nüxü̃ chixuxü̃ nax nagu pexĩxü̃ca̱x.

Wenaxarü naxümatü ga Tupanaarü mugü 8:11

¡Rü pexuãẽgü nax tama nüxü̃ perüngümaexü̃ca̱x ya perü Cori ya Tupana! ¡Rü taxṹ i nüxü̃ perüxoexü̃ i ngẽma norü mugü rü norü ucu̱xẽgü i ñu̱xma pexü̃ chamuxü̃!

Wenaxarü naxümatü ga Tupanaarü mugü 9:1

Moiché rü Iraétanüxü̃xü̃ ñanagürü: —¡Iperüxĩnüe, Pa Iraétanüxü̃x! Marü nawa nangu nax pichoü̃xü̃ i ngẽma natü i Yudáü̃ rü nagu pichocuxü̃ i ngẽma naane rü ípenawoxü̃xü̃ i ngẽma duü̃xü̃gütücumügü i pexü̃ rümumaegüxü̃ rü pexü̃ rüporamaegüxü̃ i nawa maxẽxü̃ ya yima ĩanegü ya itaxü̃ne ya ima̱xtapü̱xarü poxeguã̱xgüne.

Wenaxarü naxümatü ga Tupanaarü mugü 13:1

Rü ngẽxguma petanüwa nango̱xgu i wüxi i ngo̱xetüwa̱xexü̃ rüe̱xna wüxi i orearü uruxü̃ i pemaxã naxunagüxü̃ i wüxi i cua̱xruxü̃, rüe̱xna ta̱xacü i yixcüra tá ngupetüxü̃, rü woo yanguxgu i ngẽma pemaxã nüxü̃ yaxuxü̃ rü ngẽmawena rü pexü̃ ñaxgu: “¡Ngĩxã nawe tarüxĩ i to i tupanagü i pema tama nüxü̃ pecuáxü̃, rü ngĩxã rü nüxü̃ ticua̱xüü̃gü!” ñaxgu pexü̃, rü tama name i naga pexĩnüe. Erü nüma ya Cori ya perü Tupana rü pexü̃ naxǘ rü aixcüma perü maxü̃nemaxã rü guxü̃ i peãẽmaxã nüxü̃ pengechaü̃.

Yochué 3:9

Rü yexguma ga Yochué rü yema Iraétanüxü̃xü̃ ñanagürü: —¡Nua pexĩ rü iperüxĩnüe i norü ore i Cori ya tórü Tupana nüxü̃ ixuxü̃!

Yeremía 11:6

Rü yexguma ga Cori ya Tupana rü choxü̃ ñanagürü: —¡Yudáanearü ĩanegüwa, rü Yerucharéü̃arü namagüwa duü̃xü̃gümaxã nüxü̃ yarüxu i ñaa ore i ñaxü̃: “Inaxĩnüe nax ta̱xacüchiga yixĩxü̃ i tüxü̃ namuxü̃ i ñaa uneta, rü ñu̱xũchi naga naxĩnüe!