Wenaxarü naxümatü ga Tupanaarü mugü 34:4 - Tupanaarü Ore

⁴ Rü nüma ga Cori ya Tupana rü ñanagürü Moichéxü̃: —Ñaa nixĩ i ngẽma naane ga curü o̱xigü ga Abraáü̃, rü Ichaá, rü Acóbumaxã nüxü̃ chixuxü̃ rü tá nataagüna chaxãxü̃. Rü ngẽmaca̱x chanaxwa̱xe nax cuxetümaxãxü̃chi nüxü̃ cudauxü̃, rü woo i cuma rü taxũtáma nawa cungu —ñanagürü.

Wenaxarü naxümatü ga Tupanaarü mugü 34:4 Referans Kwoze

Wenaxarü naxümatü ga Tupanaarü mugü 32:52

Rü ngẽmaca̱x i cuma rü yáxü̃wamare tá nüxü̃ cudawenü i ngẽma naane i Iraétanüxü̃na tá chaxãxü̃, natürü taxũtáma nagu cuxücu —ñanagürü ga Tupana.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Naanearü ügüchiga 28:13

Rü yexgumarüxü̃ ta nüxü̃ nadau ga Cori ya Tupana ga naxü̃tagu chicü. Rü nüma ga Tupana rü ñanagürü nüxü̃: —Choma nixĩ i curü o̱xi ya Abraáü̃arü Tupana, rü cunatü ya Ichaáarü Tupana chixĩxü̃. Rü tá cuxna chanaxã i ñaa naane i nawa cupexü̃ nax cuxrü rü cutaagüarü yixĩxü̃ca̱x.

Iraétanüxü̃arü muxchiga 20:12

Natürü nüma ga Cori ya Tupana rü Moichéxü̃ rü Aróü̃xü̃ ñanagürü: —Ñu̱xma nax tama aixcüma choxü̃́ peyaxõgüxü̃ rü tama choxü̃ picua̱xüü̃güxü̃ i nape̱xewa i ngẽma Iraétanüxü̃, rü ngẽmaca̱x i pema rü marü taxũtáma ñaa duü̃xü̃gümaxã nawa pengugü i ngẽma naane i pexna chaxãxü̃ —ñanagürü ga Tupana.

Naanearü ügüchiga 13:15

Rü choma rü tá cuxna chanaxã i guxü̃ma i ngẽma naane i nüxü̃ cudauxü̃. Rü guxü̃gutáma cuxrü rü cutaagüarü tá nixĩ.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Yochué 21:43

Rü yemaacü nixĩ ga Cori ya Tupana ga Iraétanüxü̃na naxãxü̃ ga guxü̃ma ga yema naane ga norü o̱xigümaxã naxueguxü̃. Rü nümagü ga Iraétanüxü̃ rü nagu naxãchiü̃güxü̃ rü nawa namaxẽ.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Wenaxarü naxümatü ga Tupanaarü mugü 1:8

Choma rü marü pexna chanaxã i ngẽma naane. ¡Rü ngéma pexĩ rü penayaxu i ngẽma naane i choma ya Cori ya Tupana yema nũxcümaü̃güxü̃ ga perü o̱xigü ga Abraáü̃, rü Ichaá, rü Acóbu, rü ñu̱xũchi nataagümaxã chaxueguxü̃ nax nüxna chanaxãxü̃!” ñanagürü ga Tupana.

Wenaxarü naxümatü ga Tupanaarü mugü 1:37

Rü pegagu nixĩ ga Cori ya Tupana ga chomaxã nanuxü̃ rü ñaxü̃ choxü̃: “Woo i cuma rü taxũtáma nawa cungu i ngẽma naane.

Ãẽ̱xgacügü ga guxchaxü̃güarü mexẽxẽruü̃gü 1:16

Yema Quenéutanüxü̃ ga Moiché na̱xtütanüxü̃ ixĩgüxü̃ rü Yericúwa ínachoxü̃ wüxigu namaxã ga Yudátanüxü̃. Rü Yudáanearü naxnücüanewa naxĩ ga Aráxarü súrwaama. Rü yexma nayaxãchiü̃gü natanügu ga yémacüã̱xgü.