Wenaxarü naxümatü ga Tupanaarü mugü 34:1 - Tupanaarü Ore

¹ Rü Moáanearü chianexü̃wa inaxũãchi ga Moiché nax ma̱xpǘneanexü̃ ga Nébuwa naxũxü̃ca̱x. Rü guma ma̱xpǘne ga Pichágu naxĩnagü. Rü guma ma̱xpǘne rü Yericúarü to̱xma̱xtawa nayexma. Rü yéma nixĩ ga Cori ya Tupana nüxü̃ nawéxü̃ ga guxü̃ma ga Garaáxane rü ñu̱xmata Dáü̃arü naanegu nüxü̃ nadauxẽxẽ.

Wenaxarü naxümatü ga Tupanaarü mugü 34:1 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 21:10

Rü yexguma Tupanaãxẽ ya Üünecü choxü̃ ngo̱xetüxẽẽgu, rü yema orearü ngeruxü̃ rü wüxi ga ma̱xpǘne ga taxü̃newa choxü̃ naga. Rü choxü̃ nüxü̃ nadauxẽxẽ ga guma ĩane ya üünene ga Yerucharéü̃ ga daxũguxü̃ ga naanewa Tupanaxü̃tawa írüxĩxü̃ne.

Yochué 19:47

Natürü ga yema norü naane rü naxíxra rü tama nüxü̃́ ningu. Rü yemaca̱x ga ñuxre ga Dáü̃tanüxü̃ rü naxca̱x ínayaxüãchi ga guma ĩane ga Lechéü̃, rü nanadai ga guxü̃ma ga norü duü̃xü̃gü rü noxrüxü̃ nanayauxgü ga guma ĩane. Rü guma ĩanewa namaxẽ, rü ñu̱xũchi nanaxüchicüxü ga naéga, rü Dáü̃gu nanaxüégagü nax yemaacü norü o̱xina nawa nacua̱xãchigüxü̃ca̱x. Rü yema nixĩ ga naane ga Dáü̃tücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Wenaxarü naxümatü ga Tupanaarü mugü 32:49

—¡Máxpü̱xanexü̃ i Abaríü̃wa naxũ! ¡Rü nagu naxĩnagü ya yima ma̱xpǘne ya Nébu ya Moátanüxü̃arü naanewa ngẽxmane ya ĩane ya Yericúarü to̱xma̱xtawa! Rü ngéma tá nagu cudawenü i ngẽma Canaáü̃ane. Rü ngẽma naane tá nixĩ i Iraétanüxü̃na chaxãxü̃.

Iraétanüxü̃arü muxchiga 27:12

Nüma ga Cori ya Tupana rü Moichéxü̃ ñanagürü: —¡Daa ma̱xpǘne ya Abaríü̃gu naxĩnagü, rü nagu nadawenü i ngẽma naane i Iraétanüxü̃na chaxãxü̃!

Ãẽ̱xgacügü ga guxchaxü̃güarü mexẽxẽruü̃gü 18:29

Rü noxri ga guma ĩane rü Lái nixĩ ga naéga. Natürü nüma ga Dáü̃tanüxü̃ rü norü o̱xi ga Dáü̃ ga Iraé nanegu nanaxüégagü. Rü ngẽmaca̱x i ñu̱xma rü Dáü̃ nixĩ i naéga.

Wenaxarü naxümatü ga Tupanaarü mugü 34:4

Rü nüma ga Cori ya Tupana rü ñanagürü Moichéxü̃: —Ñaa nixĩ i ngẽma naane ga curü o̱xigü ga Abraáü̃, rü Ichaá, rü Acóbumaxã nüxü̃ chixuxü̃ rü tá nataagüna chaxãxü̃. Rü ngẽmaca̱x chanaxwa̱xe nax cuxetümaxãxü̃chi nüxü̃ cudauxü̃, rü woo i cuma rü taxũtáma nawa cungu —ñanagürü.

Wenaxarü naxümatü ga Tupanaarü mugü 32:52

Rü ngẽmaca̱x i cuma rü yáxü̃wamare tá nüxü̃ cudawenü i ngẽma naane i Iraétanüxü̃na tá chaxãxü̃, natürü taxũtáma nagu cuxücu —ñanagürü ga Tupana.

Wenaxarü naxümatü ga Tupanaarü mugü 3:27

¡Rü yima ma̱xpǘne ya Pichátape̱xegu naxĩnagü rü ngẽma nórteguama, rü súrguama, rü ésteguama, rü oésteguama nadawenü! ¡Natürü taxũtáma quixüe i ngẽma natü i Yudáü̃!

Iraétanüxü̃arü muxchiga 33:47

Rü Amóü̃-dibrataíü̃wa inaxĩãchi rü Abaríü̃arü máxpüxanexü̃wa nangugü ga Nébuarü éstewa. Rü yexma narücho.

Iraétanüxü̃arü muxchiga 21:20

Rü Bamúxwa inaxĩãchi rü ngate ga Moátanüxü̃arü naanewa ngẽxmaxü̃wa nangugü. Rü yéma rü inaxĩãma rü ñu̱xmata ma̱xpǘne ga Picháchitaeruwa nangugü. Rü guma ma̱xpǘnechitaeruwa nüxü̃ tadau ga yema chianexü̃.

Naanearü ügüchiga 14:14

Rü yexguma Abráü̃ nüxü̃ cua̱xgu ga namágü ga Loxü̃ nax yayauxgüxü̃, rü nanaxĩtaque̱xexẽxẽ ga norü duü̃xü̃gü ga naxü̃tawa yaexü̃. Rü 318 ga yatügü nixĩ ga guxü̃wama. Rü yemamaxã inaxũãchi nax yema ãẽ̱xgacügüwe nax nangegüxü̃ca̱x. Rü ĩane ga Dáü̃gu nüxü̃ inayangau.

Naanearü ügüchiga 13:14

Rü yexguma marü yaxũgachigu ga Lox, rü Cori ya Tupana rü Abráü̃maxã nidexa rü ñanagürü: —¡Ngẽma ícuchixü̃watama rü mea guxü̃gu nadawenü i nórtegu rü súrgu rü éstegu rü oéstegu!

Iraétanüxü̃arü muxchiga 23:14

Rü nüma ga Baláx rü wüxi ga naane ga dauxü̃taechica ga Chopíü̃gu ãégaxü̃wa nanaga ga ma̱xpǘne ga Pichátape̱xewa. Rü yexma nanaxü ga 7 ga ãmarearü guruxü̃. Rü wüxichigüwa nayagu ga wüxi ga wocaxacü rü wüxi ga carnéru.

Yochué 22:9

Rü yemaacü ga Rubéü̃tanüxü̃, rü Gáxtanüxü̃, rü yema ngãxü̃tücumü ga Manachétanüxü̃ rü nüxna nixĩgachitanü ga yema togü ga Iraétanüxü̃ ga Chilówa ga Canaáü̃anewa yexmagüxü̃. Rü yemaacü naxca̱x nawoegu ga napatagü rü naanegü ga Garaáxarü naanewa yexmagüxü̃, yema Cori ya Tupana Moichémaxã nüxü̃ ixuxü̃rüxü̃.