Wenaxarü naxümatü ga Tupanaarü mugü 33:3 - Tupanaarü Ore

³ Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Wenaxarü naxümatü ga Tupanaarü mugü 33:3 Referans Kwoze

Ore i mexü̃ ga Luca ümatüxü̃ 10:39

Rü Martaaxü̃́ iyexma ga wüxi ga ngĩeya̱x ga Maríagu ãégacü. Rü ngĩma rü Ngechuchucutüxü̃tawa irüto nax inaxĩnüxü̃ca̱x ga Ngechuchuarü ore.

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Ngechuchuarü ngúexü̃gü ga yamugüxü̃arü puracüchiga 22:3

—Choma rü Yudíu chixĩ, rü Chiríchiaanearü ĩane ga Társugu chabu. Natürü daa ĩane ya Yerucharéü̃wa chaya, rü Gamarié nixĩ ga chorü ngu̱xẽẽruxü̃. Rü meama nawa changu̱x ga guxü̃ma ga mugü ga nũxcümaü̃güxü̃ ga tórü o̱xigü nagu ĩxü̃. Rü guxü̃guma naxca̱x chadau nax guxü̃ma i chorü ngúchaü̃maxã Tupanaaxü̃́ chapuracüxü̃, ngẽxgumarüxü̃ i guxãma i pemax i ñu̱xmax.

Ore i mexü̃ ga Luca ümatüxü̃ 8:35

Rü ga duü̃xü̃gü rü ínayadaugü ga yema ngupetüxü̃. Rü yexguma Ngechuchuxü̃tawa nangugügu, rü yéma nüxü̃ nadaugü ga gumá yatü ga ngo̱xoã̱xchirécü. Rü Ngechuchucutüxü̃tawa narüto, rü marü tama naxãũãẽ. Rü namuü̃e ga duü̃xü̃gü.

Ore i mexü̃ ga Luca ümatüxü̃ 2:46

Rü tomaepü̱x ga ngunexü̃guwena Ngechuchuxü̃ itayangaugü ga Tupanapata ga taxü̃negu. Rü yéma narüto natanüwa ga yema ngúexẽẽruü̃gü ga Tupanaarü mugüwa ngu̱xẽẽtaegüxü̃, rü inarüxĩnü ga norü ngu̱xẽẽtae, rü nüxna nicachigü.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Yeremía 32:40

Rü namaxã tá chanaxü i wüxi i uneta i guxü̃guca̱x ixĩxü̃ rü tagutáma nüxü̃ charüchau nax mexü̃ naxca̱x chaxüxü̃. Rü tá nüxna chanaxã i wüxi i ngúchaü̃ nax choxü̃ yacua̱xüü̃güxü̃ca̱x rü taguma choxna yaxĩgachixü̃ca̱x.

Yeremía 31:3

Rü nũxcüma nixĩ ga cha̱u̱xca̱x nangóxü̃ ga Cori ya Tupana, rü ñanagürü choxü̃: Wüxi i ngechaü̃ i taguma iyacuáxü̃maxã cuxü̃ changechaü̃. Rü ngẽmaca̱x i ñu̱xma rü ta cumaxã chamecüma.

Ucu̱xẽgüchiga 2:1

Pa Chaunex ¡naga naxĩnü i ñaa chorü ore, rü cugüãẽgu namaxã nanguxü̃ i chorü mugü!

Wiyaegü 50:5

Rü ñanagürü nüxü̃: —¡Penangutaque̱xexẽxẽ i ngẽma duü̃xü̃gü ga chomaxã ixunetagüxü̃ ga yexguma norü ãmaregü cha̱u̱xca̱x yagugügu! —ñanagürü.

Wiyaegü 47:4

Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.

Wiyaegü 31:15

Rü ñaa chorü maxü̃ rü cuxme̱xwa nangẽxma. Rü chanaxwa̱xe i naxme̱xwa choxü̃ ícunguxuchixẽxẽ i ngẽma chorü uanügü i chowe ingẽxü̃tanüxü̃.

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Wenaxarü naxümatü ga Tupanaarü mugü 14:2

Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 4:19

Rü yixema rü Tupanaxü̃ tangechaü̃gü, yerü nüma rü nüxíra tüxü̃ nangechaü̃.

1 Tesalonicenses 1:6

Rü pema rü meama nagu pexĩ ga yema pexü̃ tangúexẽẽxü̃ rü yema tüxü̃ nangúexẽẽxü̃ ga tórü Cori ya Ngechuchu. Rü ngẽma taãxẽ i Tupanaãxẽ ya Üünecü pexna ãxü̃maxã penayauxgü ga yema ore ga woo yemaca̱x poraãcü ngúxü̃ nax pingegüxü̃.

Ore i mexü̃ ga Matéu ümatüxü̃ 23:2

—Ngẽma ngúexẽẽruü̃gü i mugüwa ngu̱xẽẽtaegüxü̃ rü ngẽma Parichéugü, rü meama nüxü̃ nacua̱xgü ga Tupanaarü ore ga Moiché ümatüxü̃.

Wenaxarü naxümatü ga Tupanaarü mugü 4:37

Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.

Wenaxarü naxümatü ga Tupanaarü mugü 6:1

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.

Ngu̱xẽẽtaeruü̃arü ore 9:1

Poraãcü chaugü naxca̱x ichaxã nax nüxü̃ chacuáxü̃ca̱x i guxü̃ma i ngẽma Tupana üxü̃. Rü ngẽma namaxã icharüxũxü̃ nixĩ nax guxü̃ma i duü̃xü̃gü i mexü̃ ügüxü̃ rü ngẽma cua̱x nüxü̃́ ngẽxmagüxü̃ rü guxü̃ma i ngẽma naxügüxü̃ rü Tupaname̱xẽwa yixĩxü̃ i nangẽxmagüxü̃. Rü yima yatü rü tama nüxü̃ nacua̱x nax ta̱xacüchiga yixĩxü̃ nax yigü ingechaxü̃xü̃ rü yigüchi ixaiexü̃ woo naxetümaxã nüxü̃ nada̱u̱xgu.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.