Wenaxarü naxümatü ga Tupanaarü mugü 32:8 - Tupanaarü Ore

^8-9 Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Wenaxarü naxümatü ga Tupanaarü mugü 32:8 Referans Kwoze

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.

Wiyaegü 115:16

Rü Cori ya Tupanaarü nixĩ i daxũguxü̃ i naane, natürü duü̃xü̃güna nanaxã i ñoma i naane.

Wiyaegü 92:8

Natürü i cumax, Pa Cori Pa Tupanax, rü guxü̃guma guxãétüwa cungexmaecha.

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Naanearü ügüchiga 10:25

Rü yixcamaxü̃ra ga Ébe rü taxre ga nane nüxü̃́ nayexma. Rü yema wüxi ga nane rü Pérex nixĩ ga naéga, yerü yexgumaü̃cüxü ga duü̃xü̃gü ga ñoma ga naanecüã̱xgü rü nügü nitoye. Rü Pérex naenexẽ rü Yoxtáü̃ nixĩ ga naéga.

Naanearü ügüchiga 10:15

Rü Canaáü̃ nixĩ ga nanatü ga Chidóü̃ ga nüxíraü̃cü ga nane. Rü nai ga nane nixĩ ga Éx. Rü Canaáü̃wa nangóe ga Yebuchéugü, rü Amoréutanüxü̃, rü Guerguechéugü, rü Ebéugü, rü Arachéugü, rü Chinéugü, rü Arbadéugü, rü Chemaréugü rü Amatéugü. Rü yixcama ga guxü̃ma ga yema Canaáü̃tanüxü̃ rü nügüna nixĩgü. Rü yema norü naane ga nawa nayexmagüxü̃ ga Canaáü̃tanüxü̃, rü ĩane ga Chidóü̃wa inaxügü rü Gueráxanemaxã nangau rü ñu̱xmata ĩane ga Gáchawa nangu. Rü yéma rü ĩanegü ga Chodóma, rü Gomóra, rü Axmá, rü Cheboíü̃wa nada rü ñu̱xmata ĩane ga Léchawa nangu.

Ngechuchuarü ngúexü̃gü ga yamugüxü̃arü puracüchiga 7:48

Natürü ya Tupana ya Guxãétüwa Ngẽxmacü rü tama duü̃xü̃gü üxü̃ne ya Tupanapatagümaxã naxãpata. Rü yemaca̱x ga Tupana rü nũxcüma ga norü orearü uruü̃wa rü ñanagürü:

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Ichaía 14:14

Rü ngẽma caixanexü̃arü yexeragu tá chaxĩnagü rü naxrüxü̃ tátama chixĩ ya yimá Tupana ya Guxãétüwa Ngẽxmacü”, ñacurügü i cugüãẽwa.

Wiyaegü 82:6

Rü choma rü marü pexü̃ chaxuxgu rü tupanagü pixĩgü erü chauxacügü pixĩgü i choma nax Guxãétüwa Changexmaxü̃.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Wiyaegü 7:17

Natürü i chomax rü Cori ya Tupanaxü̃ tá chicua̱xüxü̃ erü nüma rü aixcümacü nixĩ. Rü choma rü chorü wiyaemaxã tá nüxü̃ chicua̱xüxü̃ ya yimá Cori ya Tupana ya Guxãétüwa Ngẽxmacü.

Iraétanüxü̃arü muxchiga 23:9

Rü nua daa ma̱xpǘnechitaeruwa rü meama nüxü̃ chadau i ngẽma Iraétanüxü̃. Rü daa ma̱xpǘnetape̱xewa rü meama nüxü̃ chadawenü. Rü chanangugü rü duü̃xü̃gü i nügütanüxü̃xicatama ixãchiü̃güxü̃ nixĩgü. Rü tama togü i duü̃xü̃gümaxã nawüxigu erü tama togü i duü̃xü̃gümaxã nügü narüxücu.

Wenaxarü naxümatü ga Tupanaarü mugü 33:28

Rü pemax, Pa Iraétanüxü̃x, rü taxuxü̃táma pexü̃ nachixewe i perü naanewa. Rü petaagü rü taãẽãcüma tá nawa namaxẽ. Rü perü naanewa rü tá pexü̃́ nangẽxma i perü triguchitaü̃gü rü úbachitaxü̃gü. Rü tagutáma pexü̃́ nataxu ya pucü ya dauxü̃wa ne ũcü.

Wiyaegü 74:17

Rü cuma nixĩ ga cuxunetaxü̃ ga ngextá tá yacuáxü̃ ga naane. Rü cuma nixĩ ga cungo̱xẽẽxü̃ ga mucü rü taunecü.

Miquéa 2:5

—Natürü ngẽxguma nachixü̃aneca̱x nawoegu̱xgu i chorü duü̃xü̃gü rü pema i ñu̱xma diẽruã̱xgüxe rü tá pengearü naaneã̱x i natanüwa —ñanagürü ya Tupana.

Naanearü ügüchiga 10:5

Rü yema Yapéxtanüxü̃ nixĩ ga márpechinügügu ãpatagüxü̃. Rü wüxichigü ga natücumü rü nügümaxã nüxü̃́ nayexma ga noxrütama naane ga nagu naxãchiü̃güxü̃. Rü nagawachigütama nidexagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:18

Rü yemaca̱x Acóbumaxã nüxü̃ nixu rü ñanagürü nüxü̃: “Choma rü tá cuxna chanaxã i guxü̃ma i ñaa Canaáü̃ane nax guxü̃gutáma cuxrü rü cutaagüarü yixĩxü̃ca̱x”, ñanagürü.

Yox 15:19

Rü nümagü ga norü o̱xigü rü nüxicatama nixĩ ga nayauxgüãxü̃ ga ñoma ga naane, naxü̃pa nax togü ga duü̃xü̃gü ga tóxnamana ne ĩxü̃ nawa maxẽxü̃.