Wenaxarü naxümatü ga Tupanaarü mugü 32:4 - Tupanaarü Ore

⁴ Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Wenaxarü naxümatü ga Tupanaarü mugü 32:4 Referans Kwoze

Wiyaegü 92:15

Rü tá nüxü̃ nixugügü rü ñanagürügü tá: —Nüma ya Cori ya yimá chorü poxü̃ruxü̃ rü nixaixcüma rü nawa rü nataxuma i ta̱xacürü chixexü̃ —ñanagürügü tá.

Ichaía 26:4

¡Nüxü̃́ peyaxõ ya Cori ya Tupana, erü nüma nixĩ i guxü̃guma pexna nadauxü̃!

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Wiyaegü 100:5

Erü nüma ya Cori rü namecüma rü ngẽma norü ngechaü̃ rü guxü̃guma nangẽxmaecha. Rü ngẽma nax yaxaixcümaxü̃ rü taguma inayacua̱x.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

1 Corintios 10:4

Rü guxü̃ma ga yema duü̃xü̃gü nayaxaxgü ga yema dexá ga Cristu nüxna ãxü̃. Yerü Cristu rü yema duü̃xü̃güxü̃ ínixümücü ga yema ínaxĩxü̃wa, rü nüxna nanaxã ga yema dexá ga yaxaxgüxü̃.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Yeremía 9:24

Natürü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x nax choxü̃ tacuáxü̃. Rü ẽcü tügü ticua̱xüxü̃ naxca̱x nax nüxü̃ tacuáxü̃ nax choma nax tümaarü Cori ya Tupana chixĩxü̃ rü ñoma i naanewa nüxü̃ changechaü̃xü̃ i duü̃xü̃gü rü mea namaxã nax ichacuáxü̃ rü aixcüma nawe̱xguxü̃ i chorü ĩnü. Rü ngẽma nixĩ i namaxã chataãẽxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Romanos 3:5

Natürü duü̃xü̃gü rü ínatüe erü ñanagürügü: “Rü nüetama nixĩ nax chixexü̃ ixügüxü̃ erü ngẽmaãcü nango̱x nax namecümaxü̃ ya Tupana”, ñanagürügü. Rü ñanagürügü ta: “Rü ngẽxguma chi tórü chixexü̃gagu nango̱xgu nax aixcüma namecümaxü̃ ya Tupana, rü tama name ya Tupana ega tórü chixexü̃ca̱x tüxü̃ napoxcuegu”, ñanagürügü.

Romanos 2:2

Rü nüxü̃ tacua̱x rü Tupana tama inatü i ngẽxguma poxcu namaxã naxueguxgu i ngẽma duü̃xü̃gü i ngẽma chixexü̃ ügüxü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ichaía 25:1

Pa Corix, cuma nixĩ i chorü Tupana quixĩxü̃. Rü choma rü cuxü̃ chicua̱xüxü̃ rü mexü̃maxã cuxü̃ chixuchiga, erü ngẽma nũxcümacürüwatama nagu curüxĩnüxü̃ rü aixcüma cuyanguxẽxẽ rü taguma cunaxüchicüxü i ngẽma nüxü̃ quixuxü̃.

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Ore i mexü̃ ga Cuáü̃ ümatüxü̃ 5:22

Rü tama Nanatü nixĩ ya duü̃xü̃güxü̃ icagücü i norü maxü̃chiga. Natürü Nanexü̃ nixĩ i namuxü̃ nax duü̃xü̃güxü̃ yacagüxü̃, nax Nanexü̃ yacua̱xüü̃güxü̃ca̱x i duü̃xü̃gü, ngẽma Nanatüxü̃ nax yacua̱xüü̃güxü̃rüxü̃. Rü yíxema tama Nanexü̃ icua̱xüxü̃́xẽ, rü tama nüxü̃ ticua̱xüxü̃ ta ya Nanatü ya Nanexü̃ nua mucü.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Wiyaegü 97:2

Rü pamüemaxü̃ i caixanexü̃maxã ínaxümaeguãchi. Rü nüma nixĩ i ãẽ̱xgacü i aixcüma mea nangugüxü̃ i wüxichigü i duü̃xü̃güarü maxü̃. Rü aixcüma nawe̱xgu i ngẽma namaxã naxueguxü̃ i wüxichigü.

Yox 34:10

Natürü pemax, Pa Chomücügüx nax Peãẽxü̃ Pecuáxü̃x ¡rü choxü̃ iperüxĩnüe! ¡Rü taxṹ i nagu perüxĩnüexü̃ ya yimá Tupana ya Guxãétüwa Ngẽxmacü rü chixexü̃ naxüxü̃ rüe̱xna ínatüxü̃ i ngẽxguma texéxü̃ iyanawe̱xãchixẽẽgu!

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Popera ga Chantiágu ümatüxü̃ 4:12

Tupanaxicatama nixĩ ya tüxna naxãcü i norü mugü, rü ñu̱xũchi nümatama nixĩ i cagüruxü̃ yixĩxü̃. Rü nümatama nixĩ i nüxü̃́ nangẽxmaxü̃ i pora nax tüxü̃ namaxẽxẽẽxü̃ rü ẽ̱xna tüxü̃ napoxcuexü̃. ¿Rü texé quixĩxü̃ i cumax rü ngẽmaca̱x cunangugüxü̃ nax ñuxãcü namaxü̃xü̃ i cumücü?

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Romanos 1:32

Rü nümagü i ngẽma duü̃xü̃gü rü meama nüxü̃ nacua̱xgüchire̱x rü Tupana rü marü namaxã nanaxuegu nax noxtacüma nayuexü̃ i ngẽma duü̃xü̃gü i ngẽmaãcü maxẽxü̃. Natürü woo meama nüxü̃ nacua̱xgüchire̱x i guxü̃ma i ngẽma, natürü nanaxügüama i ngẽma chixexü̃, rü nataãẽgü ega togü naxü̱xgu.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Ichaía 32:2

Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.

Ngu̱xẽẽtaeruü̃arü ore 3:14

Rü naétü nüxü̃ chacua̱x rü guxü̃ma i ta̱xacü ya Tupana üxü̃ rü guxü̃gutáma nangẽxmaecha. Rü taxucürüwa texé tanaxüétü i ngẽma Tupana üxü̃, rü taxucürüwa itanaxoxẽxẽ i ngẽma nüma naxüxü̃. Rü Tupana rü ngẽmaãcü nanaxü nax guxü̃ma nüxü̃ muü̃exü̃ca̱x rü nüxü̃ nangechaü̃güxü̃ca̱x.

Wiyaegü 146:6

Rü nüma ya Cori ya Tupana nixĩ i naxüaxü̃ i daxũguxü̃ i naane rü ñoma i naane, rü ngẽma már, rü guxü̃ma i ta̱xacü i nawa ingẽxmachigüxü̃. Rü nüma rü guxü̃guma nayanguxẽxẽ i ngẽma nüxü̃ yaxuxü̃.

Wiyaegü 138:8

Rü nüma ya Cori ya Tupana rü aixcüma chauxca̱x tá nayanguxẽxẽ i ngẽma nagu naxĩnüxü̃. Erü cumax, Pa Corix, rü taguma inayagu̱x nax choxü̃ cungechaü̃xü̃ rü chomaxã cumecümaxü̃. ¡Rü taxṹ i choxü̃ ícutáxü̃, Pa Cori Pa Tupanax! Erü cumatama nixĩ i choxü̃ cungo̱xẽẽxü̃.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Wiyaegü 98:3

Erü nüma rü tüxü̃ nangechaü̃ rü tama nüxü̃ narüngüma ga norü uneta ga Iraétanüxü̃maxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.

Wiyaegü 31:5

Rü cuxme̱xwa chanange̱x i chorü maxü̃. ¡Rü choxü̃ ínanguxuchixẽxẽ, Pa Corix, Pa Tupana ya Ixaixcümacüx!

Wiyaegü 19:7

Rü Cori ya Tupanaarü ore rü aixcüma nawe̱xgu rü ngexwaca̱xü̃xü̃ i pora tüxna naxã. Rü Cori ya Tupanaarü mugü rü aixcümaxü̃ nixu rü cua̱xwa nananguxẽxẽ ya yimá yatü ya ímemarecü nax nayauxãxü̃ i ucu̱xẽgü.

Wiyaegü 18:46

¡Namaxü̃ ya Cori ya Tupana! ¡Rü namecüma ya yimá chorü poxü̃ruxü̃! ¡Rü name i nüxü̃ ticua̱xüü̃gü ya yimá chorü maxẽẽruxü̃ ya Tupanax!

Wiyaegü 9:16

Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

Yox 35:14

Rü woo tama Tupanaxü̃ cuda̱u̱xgu, ¡natürü íyangu̱xẽxẽ! Erü nüma rü marü nüxü̃ nacua̱x i ngẽma curü guxchaxü̃.

2 Chamué 23:3

Iraétanüxü̃güarü Tupana ya norü poxü̃ruxü̃ ixĩcü rü chomaxã nidexa rü ñanagürü: “Yimá ãẽ̱xgacü ya mea norü duü̃xü̃gümaxã icuácü rü mea Tupanaga ĩnücü, rü ñoma ngunexü̃arü dexemaxü̃ irügoxü̃rüxü̃ nixĩ. Rü ñoma üa̱xcü i pa̱xmama ngearü caixanexü̃wa ibáxichixü̃ rü pucüwena maxẽ naxügüxẽẽxü̃rüxü̃ nixĩ”, ñanagürü.

2 Chamué 22:47

¡Namaxü̃ ya Cori ya Tupana! ¡Rü namecümaxüchi ya yimá chorü poxü̃ruxü̃! ¡Rü ngĩxã tanatachigaxẽxẽ ya Tupana ya chorü maxẽẽruxü̃ ya choxna daucü!

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

Wenaxarü naxümatü ga Tupanaarü mugü 10:18

Rü nüma rü tüxna nadau ya yíxema ta̱xcuxe rü yutexe. Rü tüxü̃ nangechaxü̃ ya yíxema to i nachixü̃anecüã̱x ya petanüwa ngẽxmaxe, rü tüxü̃ naxüwemü rü tüxü̃ naxüxchiru.

Wenaxarü naxümatü ga Tupanaarü mugü 7:9

Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.

Ínachoxü̃xü̃chiga 34:6

Rü Moichépe̱xewa naxüpetü rü tagaãcü ñanagürü: —Chomax rü Cori chixĩ. Chomax rü Cori chixĩ. Rü choma nixĩ ya Tupana ya mecümacü rü ngechaü̃wa̱xecü, rü yáxna ĩnüwa̱xecü, rü aixcüma ngechaü̃cü choxü̃́ ngẽxmacü rü aixcümaxü̃ ixucü chixĩ i chomax.

Naanearü ügüchiga 1:31

Rü Tupana nüxü̃ nadau nax namexẽchixü̃ ga guxü̃ma ga yema naxüxü̃. Rü yemaacü ningu ga norü 6 ga ngunexü̃.

Norü taxre ga to ga popera ga ãẽ̱xgacügüchiga ümatüxü̃ 19:7

Rü ngẽmaca̱x penaxwa̱xe nax aixcüma Cori ya Tupanaga pexĩnüexü̃. ¡Rü pexuãxẽgü i ngẽxguma guxchaxü̃gü pemexẽxẽgu! Erü nüma ya Cori ya Tupana rü tama yáxna pexuãẽgü namaxã naxĩnü i ta̱xacürü chixexü̃. Rü tama nanaxwa̱xe nax texé tümaétüwa üxü̃ ya yíxema chixexü̃ üxe, rü tama norü me nixĩ nax texé naxütanüxü̃ i guxchaxü̃arü mexẽxẽ —ñanagürü.

Yox 8:3

Rü Tupana ya Guxãétüwa Ngẽxmacü rü taguma ínayatoxẽxẽ i ngẽma aixcüma ixĩxü̃ rü guxü̃guma tüxna nanaxã i ngẽma tamaxã naxueguxü̃.

Yox 36:23

Rü taxúema tüxü̃́ nangẽxma i pora nax nüxü̃ tixuxü̃ca̱x nax nüma rü ínatüxü̃ rü nachixexü̃ i ngẽma nüma naxüxü̃.

Wiyaegü 90:16

¡Rü toxü̃ nüxü̃ nadauxẽxẽ i curü üüne rü wenaxarü toxca̱x naxü ga yema taxü̃gü ga mexü̃gü ga nũxcüma curü poramaxã cuxüxü̃ nax ngẽmaãcü i toma rü totaagü nüxü̃ daugüxü̃ca̱x!

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Abacú 1:12

Dücax, Pa Corix, Pa Chorü Tupanax ¿tama ẽ̱xna i cuma i guxü̃guma cungexmaechaxü̃? Erü cuma rü üünecü rü taguma yucü quixĩ. Pa Corix, Pa Chorü Poxü̃ruxü̃x, cuma nixĩ i pora nüxna cuxãxü̃ i ngẽma Cadéugü nax nawa cuyanguxẽẽxü̃ca̱x i ngẽma poxcu i tomaxã cuxueguxü̃.

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Neemía 9:8

Rü cuma nüxü̃ cucua̱x nax wüxi ga yatü ga aixcüma cuxü̃́ yaxõxü̃ nax yixĩxü̃. Rü wüxi ga uneta namaxã cuxü nax nataagüna tá cunaxãxü̃ ga yema naane ga nawa nayexmagüxü̃ ga Canaáü̃tanüxü̃, rü Itítanüxü̃, rü Amoréutanüxü̃, rü Ferechéutanüxü̃, rü Yebuchéutanüxü̃, rü Guerguechéutanüxü̃. Rü cuyanguxẽxẽ ga yema curü uneta, erü cuma rü guxü̃guma cuyanguxẽxẽ i ngẽma nüxü̃ quixuxü̃.

Wiyaegü 33:4

Rü ngẽma Cori ya Tupanaarü ore rü aixcüma nixĩ. Rü ngẽma naxüxü̃wa nango̱x nax nüma rü aixcüma yangu̱xẽẽãxü̃ i ngẽma nüxü̃ yaxuxü̃.

Wiyaegü 145:17

Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.