Wenaxarü naxümatü ga Tupanaarü mugü 32:3 - Tupanaarü Ore

³ Rü choma rü tá nüxü̃ chixuchiga i naéga ya Cori ya Tupana. ¡Rü norü poraca̱x nüxü̃ picua̱xüü̃gü ya tórü Cori ya Tupana!

Wenaxarü naxümatü ga Tupanaarü mugü 32:3 Referans Kwoze

Yeremía 10:6

Rü nüma ga Yeremía rü ñanagürü: —Pa Corix, nataxuma i to i cumaxã wüxiguxü̃. Cuma rü cupora rü ngẽma cuéga rü natachiga rü napora.

Wiyaegü 150:2

¡Rü nüxü̃ picua̱xüü̃gü naxca̱x i ngẽma mexü̃ i norü poramaxã naxüxü̃! ¡Rü nüxü̃ picua̱xüü̃gü erü guxü̃guma nangẽxmaecha rü nataxuma i norü ügü rü norü gu̱x!

Efesios 1:19

Rü ngẽxgumarüxü̃ ta nüxna naxca̱x chaca nax pexü̃ nüxü̃ nacua̱xẽẽxü̃ca̱x nax ñuxãcü naporaxüchixü̃ i norü pora i tawa ngẽxmaxü̃. Rü ngẽma poramaxã nixĩ ga yuwa Cristuxü̃ ínadaxẽẽxü̃ rü daxũguxü̃ ga naanewa nagaãxü̃ rü nügüarü tügünecüwawa yanatoxẽẽãxü̃.

Wenaxarü naxümatü ga Tupanaarü mugü 5:24

Rü ñaperügügü choxü̃: “Rü aixcümaxü̃chi ya Cori ya tórü Tupana rü tüxü̃ nanawe̱x i norü üüne rü norü pora, rü ñu̱xũchi nüxü̃ taxĩnüe ga naga ga guma üxüemaarü ngãxü̃wa inaxũxü̃. Rü ñu̱xmawaxix nixĩ i nüxü̃ tacuáxü̃ nax tama nayuxü̃ i wüxi i duü̃xü̃ ega Tupana namaxã idexagu.

Ore i mexü̃ ga Cuáü̃ ümatüxü̃ 17:26

Rü ngẽma choxna cumugüxü̃maxã marü cuxü̃ chixu nax texé quixĩxü̃. Rü guxü̃gutáma namaxã cuxü̃ chixuecha nax ngẽma ngechaü̃ i namaxã choxü̃ cungechaxü̃xü̃ rü nawa nangẽxmaxü̃ca̱x rü choma rü nawa nax changexmaxü̃ca̱x —ñanagürü ga Ngechuchu.

Ore i mexü̃ ga Cuáü̃ ümatüxü̃ 17:6

Rü yema duü̃xü̃gü ga cuma quidexechixü̃ ga ñoma ga naanewa nax choxna cumugüxü̃ca̱x rü marü namaxã nüxü̃ chixu nax texé quixĩxü̃ i cumax. Rü ngẽma duü̃xü̃gü rü woetama cuxrügü nixĩgü rü cuma nixĩ ga choxna cunamugüxü̃. Rü nüma rü marü naga naxĩnüe i curü ore.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Ínachoxü̃xü̃chiga 33:19

Natürü nüma ga Cori ya Tupana rü Moichéxü̃ nangãxü̃ rü ñanagürü: —Ñu̱xma rü tá cuxü̃ chanawe̱x nax ñuxãcü chamecümaxü̃chixü̃ rü cupe̱xewa tá nüxü̃ chixu nax ta̱xacü yixĩxü̃ i chauéga. Rü choma rü tá choxü̃́ tangechaü̃tümüü̃gü ya yíxema woetama choxü̃́ ngechaü̃tümüxü̃güxe. Rü tá choxü̃́ taxãũãchitümüxü̃ ya yíxema woetama choxü̃́ auxãchitümüxü̃güxe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:19

Pa Corix, cuma rü curü ngúchaü̃maxã cunaxü i guxü̃ma i ngẽma mexü̃gü i curü duü̃ca̱x cuxüxü̃ erü choxü̃ cungechaxü̃. Rü marü icunawe̱x i curü pora nax duü̃xü̃gü nüxü̃ cua̱xgüxü̃ca̱x i ñuxãcü guxü̃étüwa cungexmaxü̃.

Ínachoxü̃xü̃chiga 20:24

Rü ngẽma ãmarearü guruxü̃ i cha̱u̱xca̱x pexüxü̃ rü chanaxwa̱xe nax waixü̃münaxca̱x nax yixĩxü̃. Rü ngẽmawa tá nixĩ i penaguxü̃ i ngẽma pexü̃nagü i perü ãmare i cha̱u̱xca̱x pedaixü̃ nax pexü̃́ nüxü̃ charüngümaxü̃ca̱x i perü chixexü̃gü. Rü ngẽma wüxichigü i nachica i marü pexca̱x nüxü̃ ichaxunetaxü̃wa rü chanaxwa̱xe i choxna picua̱xãchie. Rü choma rü tá ngéma chaxũ rü tá pexü̃ charüngü̃xẽẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:13

Rü ngẽmaca̱x, Pa Torü Tupanax, i ñu̱xmax rü moxẽ cuxna taxãxü̃ rü cuxü̃ ticua̱xüü̃güxü̃ erü cuxüüne.