Wenaxarü naxümatü ga Tupanaarü mugü 32:2 - Tupanaarü Ore

² Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Wenaxarü naxümatü ga Tupanaarü mugü 32:2 Referans Kwoze

Wiyaegü 72:6

Rü chanaxwa̱xe nax yimá ãẽ̱xgacü rü meama norü duü̃xü̃güxü̃ nangü̃xẽẽxü̃ ñoma pucü i nanetügü meama iwainecüxẽẽcürüxü̃.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Ochéa 6:4

Rü nüma ya Cori ya Tupana rü ñanagürü: —¿Ta̱xacü tá pemaxã chaxü Pa Efraíü̃tanüxü̃x? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma nax choxü̃ pengechaxü̃xü̃ rü ñoma caixanexü̃ i ẽxü̃wa paxaãchi ngóxü̃rüxü̃ nixĩ, rü yima cherena ya ngunetüxü̃ paxaãchi rüngucürüxü̃ nixĩ.

Popera ga Yudíugü ga yaxõgüxü̃ca̱x ümatüxü̃ 6:7

Rü wüxi i naane i pucü mea nagu nguxü̃ rü meama nanetü nawa nayae tümaca̱x ya yíxema nagu üanexe, rü Tupanaarü ngü̃xẽẽgagu nixĩ i ngẽma.

Chacaría 10:1

¡Ngẽxguma yapaanegu rü Cori ya Tupanana peca nax pexca̱x napuxẽẽãxü̃ca̱x! Rü nüma ya Cori ya nango̱xẽẽcü i ba̱i̱xbeane rü tacü ya pucü tá pexca̱x ínanguxẽxẽ. Rü peanewa rü tá nanaxüxẽxẽ ya maxẽ.

Ochéa 14:5

Rü ñu̱xma i choma rü tá nüxü̃ charüngü̃xẽxẽxü̃ i ngẽma Iraéanecüã̱xgü ñoma cherena ya nanetügüxü̃ iwaixẽẽcürüxü̃. Rü ngẽma Iraéanecüã̱xgü rü tá nataãẽgü ñoma putüra i líriu meama ixãchacuxü̃rüxü̃. Rü yima ma̱xpǘne ya Líbanuarü ocayiwagü ya guxü̃guma ngẽxmaechanerüxü̃ tá nixĩ i ngẽma Iraéanecüã̱xgü nax guxü̃gutáma nachixü̃anewa nangẽxmagüxü̃.

Wiyaegü 65:10

Rü cuma rü cuyamegütanü i ngẽma nanetü i aimüanexü̃gu togüxü̃. Rü ngẽma ngüchitaerugüxü̃ rü cuyanawe̱xãchianexẽxẽ. Rü pucümaxã cunangomüanexẽxẽ rü ngẽmaãcü duü̃xü̃güaxü̃́ cunamuarü oõxẽxẽ i nanetügü.

Ucu̱xẽgüchiga 4:2

Choma rü pexna chanaxã i mexü̃ i ngu̱xẽẽtaegü rü ngẽmaca̱x tama name i nüxü̃ perüngümae i chorü ucu̱xẽgü.

Amúx 7:16

Rü ngẽmaca̱x ¡írüxĩnü i ngẽma Cori ya Tupanaarü ore! Rü cuma rü ñacurügü choxü̃: “¡Taxṹ i Tupanaégagu poxcu namaxã cuxuegu i ngẽma Iraétanüxü̃, rü bai i ta̱xacürü chixexü̃xü̃ quixu nachiga i ngẽma Ichaátaagü!” ñacurügü.

Miquéa 5:6

Rü nümagü tá nixĩ i norü taramaxã Nimróxchixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanearü üyexü̃ chopetüxü̃ nax tüxna napugüãxü̃ca̱x i tórü naane.