Wenaxarü naxümatü ga Tupanaarü mugü 32:1 - Tupanaarü Ore

¹ —¡Nüxü̃ naxĩnü, Pa Daxũguxü̃ i Naanex, erü choma rü tá chidexa! ¡Rü mea choxü̃́ irüxĩnü, Pa Ñoma i Naanex, i chorü ore i tá nüxü̃ chixuxü̃!

Wenaxarü naxümatü ga Tupanaarü mugü 32:1 Referans Kwoze

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Wenaxarü naxümatü ga Tupanaarü mugü 4:26

Rü ngẽxguma ngẽma chixexü̃ pexü̱xgu, rü choma rü daxũguxü̃ i naanepe̱xewa rü ñoma i naanepe̱xewa pemaxã nüxü̃ chixu rü paxa tá ipeyarüxo nawa i ngẽma naane i nagu tá pechocuxü̃ i Yudáü̃arü tocutüwa ngẽxmaxü̃. Rü taxũtáma mucü ya taunecü nawa pemaxẽ i ngẽma naane rü noxtacüma tá ipeyarüxo.

Yeremía 22:29

¡Pa Ñoma i Naanex, Pa Ñoma i Naanex, Pa Ñoma i Naanex! ¡Nüxü̃ naxĩnü i ngẽma Cori ya Tupanaarü ore!

Wiyaegü 49:1

¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!

Yeremía 6:19

¡Pa Duü̃xü̃gü i Ñoma i Naanewa Maxẽxü̃x rü nüxü̃ pexĩnüe i ñaa ore! Rü ñaa chorü duü̃xü̃güca̱x tá íchananguxẽxẽ i wüxi i taxü̃ i guxchaxü̃ i ãũcümaxü̃, nagagu i ngẽma chixexü̃ i nagu naxĩnüexü̃. Erü tama naga naxĩnüechaü̃ i chorü ucu̱xẽgü. Rü ñu̱xũchi nüxü̃ naxoe i ngẽma chorü mugü.

Wiyaegü 50:4

Rü Tupana naxca̱x nangema i dauxü̃wa ngẽxmaxü̃ i naane rü ñoma i naane nax nüxü̃ nadaugüxü̃ca̱x i ngẽxguma norü duü̃xü̃gü i Iraécüã̱xgüxü̃ yacagügu.

Wenaxarü naxümatü ga Tupanaarü mugü 31:28

¡Rü ñu̱xma rü nua penagagü i guxü̃ma i perü ãẽ̱xgacügü i yaxguã̱xgü rü petücumüarü ãẽ̱xgacügü nax namaxã nüxü̃ chixuxü̃ca̱x nachiga i ñaa Cori ya Tupanaarü mugü! Rü daxũguxü̃ i naane rü ñoma i naane rü nüxü̃ nacua̱xgü nax aixcüma yixĩxü̃ i ngẽma tá nüxü̃ chixuxü̃.

Wenaxarü naxümatü ga Tupanaarü mugü 30:19

Rü ñoma i ngunexü̃gu rü Tupanape̱xewa rü duü̃xü̃güpe̱xewa pexna chaca nax pematama nüxü̃ pixuxü̃ca̱x i ngexü̃rüüxü̃ tá yixĩxü̃ i penaxwa̱xexü̃, rü ngẽma maxü̃ rüe̱xna ngẽma yu. ¿Rü tá penaxwa̱xe i Tupanaarü ngü̃xẽxẽ rüe̱xna norü poxcu? ¡Ẽcü penayaxu i maxü̃ nax pema rü petaagü rü ta namaxẽxü̃ca̱x!

Yeremía 2:12

¡Pa Daxũguxü̃ i Naanex, namaxã naba̱i̱xãchi i ngẽma naxca̱x ínguxü̃ i ngẽma duü̃xü̃gü! ¡Rü idu̱xrux naxcha̱xwa i ngẽma ãũcümaxü̃ i naxca̱x ínguxü̃! Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Wenaxarü naxümatü ga Tupanaarü mugü 31:30

Rü yexguma ga Moiché rü guxü̃ma ga yema Iraétanüxü̃ ga yexma ngutaque̱xegüxü̃pe̱xewa nüxü̃ nixu ga ñaa wiyae. Rü norü ügüwa inanaxügü rü ñu̱xmata norü gu̱xwa nangu nax namaxã nüxü̃ yaxuxü̃, rü ñanagürü:

Ichaía 34:1

¡Pa Guxü̃ma i Nachixü̃anecüã̱x, dücax, nua pexĩ rü iperüxĩnüe i ngẽma tá pemaxã nüxü̃ chixuxü̃! ¡Rü nüxü̃ naxĩnü i ñoma i naane rü guxü̃ma i nawa ngẽxmagüxü̃! ¡Rü nüxü̃ naxĩnü i guxü̃ma i naane rü guxü̃ma i ngẽma nawa yaexü̃!

Wenaxarü naxümatü ga Tupanaarü mugü 31:19

Rü ñu̱xma rü chanaxwa̱xe nax cuma rü Yochué penaxümatüxü̃ i ñaa wiyae, rü ñu̱xũchi Iraétanüxü̃xü̃ namaxã penangúexẽẽxü̃ nax nagu nawiyaegüxü̃ca̱x rü ngẽmawa nüxna nacua̱xãchiexü̃ca̱x i ngẽma choma pemaxã nüxü̃ chixuxü̃.