Wenaxarü naxümatü ga Tupanaarü mugü 3:8 - Tupanaarü Ore

⁸ Rü yemaacü ga yema ngunexü̃gügu rü taxme̱xgu nayi ga norü naanegü ga yema taxre ga ãẽ̱xgacügü ga Amoréutanüxü̃ ga natü ga Yudáü̃arü éstewa maxẽxü̃. Rü yema naane ga ipuxü̃xü̃ rü natü ga Arnóü̃wa inaxügü rü ñu̱xmata ma̱xpǘne ga Ermóü̃wa nangu.

Wenaxarü naxümatü ga Tupanaarü mugü 3:8 Referans Kwoze

Yochué 12:1

Rü nüma ga Iraétanüxü̃ rü taxre ga ãẽ̱xgacügüxü̃ narüporamae ga natü ga Yudáü̃arü éstewaama. Rü ñaagü nixĩ ga norü naane ga napugüxü̃: Rü natü ga Arnóü̃wa inaxügü ñu̱xmata ma̱xpǘne ga Ermóü̃wa nangu. Rü namaxã nanangauxẽxẽ ga yema naane ga Yudáü̃arü doxonexü̃ ga éstewaama yexmaxü̃.

Yochué 13:8

Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Nüxíraxü̃xü̃ ga popera ga ãẽ̱xgacügüchiga 4:19

Rü Guebé ga Urí nane rü ãẽ̱xgacü nixĩ nawa ga Gáxarü naane ga nũxcüma Amoréugüarü ãẽ̱xgacü ga Chióü̃anearü ixĩxü̃ rü Óx ga Bacháü̃anearü ãẽ̱xgacüarü ixĩxü̃. Rü ñu̱xũchi yema 12 ga Iraéanearü ãẽ̱xgacügüétüwa nayexma ga wüxi ga namaxã icuáxü̃ ga guxü̃ma ga Iraéane.

Wiyaegü 42:6

Natürü i ñu̱xmax rü poraãcüxüchima íchayaxoõchi. Rü ngẽmaca̱x, Pa Tupanax, poraãcü cuxna chacua̱xãchi nawa i ñaa naane i natü i Yudáü̃ nawa dapetüxü̃ rü yima ma̱xpǘnegü ya Ermóü̃ rü Michá nawa ngẽxmagüne.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Wenaxarü naxümatü ga Tupanaarü mugü 4:47

Rü yema Iraétanüxü̃ rü nawa nangugü ga norü naane ga Bacháü̃arü ãẽ̱xgacü ga Óx. Rü yema taxre ga ãẽ̱xgacügü ga Amoréutanüxü̃ ga Chióü̃ rü Óx rü Yudáü̃arü ésteguama naxãchiü̃gü.

Wenaxarü naxümatü ga Tupanaarü mugü 4:48

Rü yema norü naanegü rü nataxüchi. Rü Aroéwa inaxügü ga natü ga Arnóü̃cutüwa rü ñu̱xmata ma̱xpǘne ga Chirióü̃wa nangu. Rü guma ma̱xpǘne rü to i naéga rü Ermóü̃ nixĩ. Rü norü naane rü guxü̃ma ga Arabáanewa nada ga Yudáü̃arü éstewaama ñu̱xmata Már i Ngearü Maxü̃ã́xü̃wa nangu ga ma̱xpǘne ga Picháarü tuãchiwa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:23

Rü yema ngãxü̃tücumü ga Manachétanüxü̃ rü namuxũchi. Rü yemaca̱x nawa namaxẽ ga yema naane ga Bacháü̃wa ixügüxü̃ rü ñu̱xmata Baá-emóü̃wa rü Cheníwa rü ma̱xpǘne ga Ermóü̃wa nangu.

Wiyaegü 42:7

Rü ñoma dexá i dauxü̃wa nagoxü̃chíüxü̃rüxü̃ chauétü nangu i guxü̃ma i ngẽma guxchaxü̃gü rü ngúxü̃gü i cha̱u̱xca̱x ícunguxẽẽxü̃. Rü ñoma wüxi ya yuape ya taxüchicürüxü̃ chauétüwa naxüpetü.