Wenaxarü naxümatü ga Tupanaarü mugü 3:4 - Tupanaarü Ore

⁴ Rü tanapuxü̃ ta ga guxü̃nema ga norü ĩanegü, rü bai ga wüxi ga íyaxüxü̃ne ga tama tapuxü̃ne. Rü guxü̃wama rü 60 ga ĩanegü nixĩ ga guma tapuxü̃ne. Rü yemaacü tanapuxü̃ ga guxü̃nema ga ĩanegü ga Argóxanewa yexmagüne ga Óxme̱xẽwa yexmagüne ga Bacháü̃anewa.

Wenaxarü naxümatü ga Tupanaarü mugü 3:4 Referans Kwoze

Nüxíraxü̃xü̃ ga popera ga ãẽ̱xgacügüchiga 4:13

Rü Ben-guébe rü ãẽ̱xgacü nixĩ ga ĩane ga Ramóx ga Garaáxanewa yexmane. Rü naxme̱xwa nayexmagü ga Garaáxarü ĩanexacügü ga Manaché nane ga Yaír namaxã icuáxü̃ne Rü yexgumarüxü̃ ta naxme̱xwa nayexma ta ga Argóx ga Bacháü̃anewa yexmaxü̃. Rü yéma nayexmagü ga 60 ga ĩanegü ga itaxü̃ne rü ípoxegugüne. Rü norü ĩã̱xgü rü bróũchenaxca̱x nixĩgü.

Yochué 12:4

Rü yema to ga ãẽ̱xgacü rü Óx ga Bacháü̃arü ãẽ̱xgacü nixĩ rü nüxicatama nixĩ ga Refátanüxü̃wa íyaxüxü̃. Nüma rü namaxã inacua̱x ga ĩane ga Atarú rü Edréi.

Iraétanüxü̃arü muxchiga 21:35

Rü yemaacü nixĩ ga Iraétanüxü̃ ga Óxü̃ yama̱xgüxü̃ rü nanegüxü̃ nada̱i̱xü̃ rü guxü̃ma ga norü churaragüxü̃ nada̱i̱xü̃. Rü taxuxü̃ma ga Óxarü duü̃xü̃gü namaxẽ. Rü yema Iraétanüxü̃ rü Óxarü naane rü nügüaxü̃́ nanayauxgü.

Wenaxarü naxümatü ga Tupanaarü mugü 3:3

Rü yemaacü nixĩ ga Cori ya Tupana rü toxme̱xgu nangu̱xẽẽãxü̃ ga Bacháü̃anearü ãẽ̱xgacü ga Óx rü ñu̱xũchi guxü̃ma ga norü churaragü. Rü guxü̃xü̃ma tadai rü taxuxü̃ma ga maxü̃xü̃ ítayaxüxẽxẽ.

Wenaxarü naxümatü ga Tupanaarü mugü 3:5

Rü guxü̃nema ga guma ĩanegü ga tapuxü̃ne rü meama ínipoxegugü, rü nima̱xtapü̱x ga norü poxeguxü̃, rü naxĩ̱ã̱xgüã̱x, rü ñu̱xũchi natotaruü̃ã̱xgü. Rü naétü nayexma ga muxü̃ma ga naigü ga ĩanexacügü ga tama ípoxegugüne.

Wenaxarü naxümatü ga Tupanaarü mugü 3:13

Rü yema Garaáxane ga íyaxüxü̃, rü guxü̃ma ga yema Bacháü̃ane ga ãẽ̱xgacü ga Óx namaxã icuáxü̃, rü ñu̱xũchi guxü̃ma ga yema Argóxane ga Refátanüxü̃anemaxã naxugüxü̃, rü yema ngãxü̃tücumü ga Manachétanüxü̃na chanaxã.

Wenaxarü naxümatü ga Tupanaarü mugü 3:14

Rü Yaí ga Manachétaxa rü nanayaxu ga guxü̃ma ga Argóxane rü ñu̱xmata Guechúxarü üyeanewa rü Maacáarü üyeanewa nangu. Rü yema naane ga noxri Bacháü̃gu ãégaxü̃ rü nüma ga Yaí rü nügüégagu nanaxüéga, rü Abóx-yaígu nanaxüéga. Rü woo i ñu̱xma rü ngẽmatama nixĩ i naéga.

Wenaxarü naxümatü ga Tupanaarü mugü 4:47

Rü yema Iraétanüxü̃ rü nawa nangugü ga norü naane ga Bacháü̃arü ãẽ̱xgacü ga Óx. Rü yema taxre ga ãẽ̱xgacügü ga Amoréutanüxü̃ ga Chióü̃ rü Óx rü Yudáü̃arü ésteguama naxãchiü̃gü.