Wenaxarü naxümatü ga Tupanaarü mugü 3:12 - Tupanaarü Ore

¹² Rü yema naane ga Amoréugüna ipuxü̃xü̃wa, rü ĩane ga Aroé ga natü ga Arnóü̃pechinüwa yexmanewa inaxügü rü ñu̱xmata Garaáxarü ma̱xpǘanexü̃arü ngãxü̃gu yacuáx, rü Rubéü̃tanüxü̃na, rü Gáxtanüxü̃na chanaxã, guxü̃nema ga norü ĩanegümaxã.

Wenaxarü naxümatü ga Tupanaarü mugü 3:12 Referans Kwoze

Wenaxarü naxümatü ga Tupanaarü mugü 2:36

Rü guma ĩane ga Aroé ga natü ga Arnóü̃cutüwa yexmanewa rü ñu̱xũchi guma ĩane ga doxonexü̃wa yexmanewa itanaxügü nax napuxü̃xü̃ ñu̱xmata Garaáxgu yacuá. Rü nataxuma ga ĩane ga tüxü̃ rüporamaene. Yerü nüma ga Cori ya tórü Tupana rü taxme̱xgu nanayixẽxẽ ga guxü̃nema ga guma ĩanegü.

Norü taxre ga popera ga ãẽ̱xgacügüchiga 10:33

Rü natü ga Yudáü̃arü éstewa yexmagüxü̃ ga naanegüwa inanaxügü ga nax nagu nachocuxü̃. Rü Achaé rü guxü̃ma ga Garaáxane, rü Gáxtanüxü̃ane, rü Rubéü̃tanüxü̃ane, rü Manachétanüxü̃ane nügüxü̃́ nanayaxu. Rü yema naane ga nayaxuxü̃ rü Aroéwa inaxügü rü ñu̱xmata ngate ga Arnóü̃wa nangu. Rü yemaacü namaxã nanangauxẽxẽ ga guxü̃ma ga Garáane rü Bacháü̃ane nax nügüxü̃́ naya̱u̱xãxü̃.

Wenaxarü naxümatü ga Tupanaarü mugü 4:48

Rü yema norü naanegü rü nataxüchi. Rü Aroéwa inaxügü ga natü ga Arnóü̃cutüwa rü ñu̱xmata ma̱xpǘne ga Chirióü̃wa nangu. Rü guma ma̱xpǘne rü to i naéga rü Ermóü̃ nixĩ. Rü norü naane rü guxü̃ma ga Arabáanewa nada ga Yudáü̃arü éstewaama ñu̱xmata Már i Ngearü Maxü̃ã́xü̃wa nangu ga ma̱xpǘne ga Picháarü tuãchiwa.

Iraétanüxü̃arü muxchiga 32:40

Rü yemaca̱x ga nüma ga Moiché rü Maquítanüxü̃na nanaxã ga yema Garaáxane. Rü yemaacü ga nümagü rü yexma naxãchiü̃gü.

Wenaxarü naxümatü ga Tupanaarü mugü 3:13

Rü yema Garaáxane ga íyaxüxü̃, rü guxü̃ma ga yema Bacháü̃ane ga ãẽ̱xgacü ga Óx namaxã icuáxü̃, rü ñu̱xũchi guxü̃ma ga yema Argóxane ga Refátanüxü̃anemaxã naxugüxü̃, rü yema ngãxü̃tücumü ga Manachétanüxü̃na chanaxã.

Wenaxarü naxümatü ga Tupanaarü mugü 29:8

Rü yema norü naanegü rü tanapu rü nüxna tanaxã ga Rubéü̃tanü̃xü̃, rü Gáxtanüxü̃ rü ngãxü̃tücumü ga Manachétanüxü̃.

Wenaxarü naxümatü ga Tupanaarü mugü 29:7

Rü yexguma ñaa naanewa ingugügu rü nüma ga Chióü̃ ga ĩane ga Ebóü̃arü ãẽ̱xgacü rü Óx ga Bacháü̃anearü ãẽ̱xgacü taxca̱x nayayi nax tüxü̃ nada̱i̱xü̃ca̱x, natürü ga yixema rü tanadaiama.