Wenaxarü naxümatü ga Tupanaarü mugü 3:10 - Tupanaarü Ore

¹⁰ Rü yemaacü taxme̱xgu nayi ga guxü̃nema ga guma ĩanegü ga ãẽ̱xgacü ga Óx namaxã icuáxü̃ne ga ma̱xpǘnearü doxonexü̃chitaeruwa yexmagüne rü Garaáxanewa yexmagüne rü Bacháü̃anewa yexmagüne rü ñu̱xmata Chacáwa rü Edréiwa nangu.

Wenaxarü naxümatü ga Tupanaarü mugü 3:10 Referans Kwoze

Iraétanüxü̃arü muxchiga 21:33

Rü yemawena ga Iraétanüxü̃ rü nügü Bacháü̃anewaama naxĩ. Natürü ga Óx ga Bacháü̃anearü ãẽ̱xgacü rü guxü̃ma ga norü churaragümaxã Edréiwa naxũ nax yexma Iraétanüxü̃maxã nügü nada̱i̱xü̃ca̱x.

Wenaxarü naxümatü ga Tupanaarü mugü 4:43

Rü daagü nixĩ ga guma ĩanegü ga cu̱xchicaxü̃ruxü̃ ixĩgüne: Rü wüxi nixĩ ga guma ĩane ga Rubéü̃tanüxü̃ca̱x ixĩxü̃ne. Rü guma nixĩ ga Béche ga chianexü̃arü metachinüxü̃wa yexmane. Rü nai nixĩ ga guma ĩane ga Gáxtanüxü̃ca̱x ixĩxü̃ne, Rü guma nixĩ ga Ramóx ga Garaáxanewa yexmane. Rü nai nixĩ ga guma ĩane ga ngãxü̃tücumü ga Manachétanüxü̃ca̱x ixĩxü̃ne. Rü guma nixĩ ga Goráü̃ ga Bacháü̃anewa yexmane.

Yochué 13:16

Rü yema norü naane rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nanangauxẽxẽ ga guma ĩane ga yema doxonexü̃arü ngãxü̃wa yexmane. Rü yema naane rü nawa nada ga yema doxonexü̃ ga ĩane ga Medebá nawa yexmaxü̃ ñu̱xmata ĩane ga Ebóü̃wa nangu. Rü namaxã nanangauxẽxẽ ga guxü̃nema ga guma ĩanegü ga yema doxonexü̃wa yexmagüne ga Dibóü̃, rü Bamóx-baá, rü Bex-baá-meóü̃,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:11

Rü yema Gáxtanüxü̃ rü Bacháü̃anewa namaxẽ. Rü norü üyeane rü Rubéü̃tanüxü̃arü to̱xma̱xtawa inaxügü rü ñu̱xmata ĩane ga Chacáwa nangu. Rü nüxíraxü̃ ga norü ãẽ̱xgacü rü Yoé nixĩ. Rü yemawena ga Chapáü̃, rü nawena ga Yaanái, rü nawena ga Chapáx.

Yochué 13:30

Rü yema naane ga nüxna üxü̃ ga yema ngãxü̃ ga Manachétücumü, rü yema nixĩ ga naane ga ü̃pa Bacháü̃arü ãẽ̱xgacü ga Óxarü ixĩxü̃. Rü yema nixĩ ga guxü̃ma ga Bacháü̃ane ga Maanaíü̃wa ixügüxü̃. Rü namaxã nanangauxẽxẽ ga guma 60 ga ĩanegü ga Yaíxme̱xẽwa yexmagüne, rü ngãxü̃ ga Garaáxane rü ñu̱xũchi guma ĩanegü ga Atarú rü Edréi. Rü guxü̃ma ga yema naanegü rü yema ngãxü̃tücumü ga Manaché nane ga Maquítaagüna nanaxã. Rü Moiché nüxü̃ nayanu nae̱xpü̱x ga ñuxre nax yixĩxü̃ ga natanüxü̃arü mu ga Maquí.

Nüxíraxü̃xü̃ ga popera ga ãẽ̱xgacügüchiga 4:13

Rü Ben-guébe rü ãẽ̱xgacü nixĩ ga ĩane ga Ramóx ga Garaáxanewa yexmane. Rü naxme̱xwa nayexmagü ga Garaáxarü ĩanexacügü ga Manaché nane ga Yaír namaxã icuáxü̃ne Rü yexgumarüxü̃ ta naxme̱xwa nayexma ta ga Argóx ga Bacháü̃anewa yexmaxü̃. Rü yéma nayexmagü ga 60 ga ĩanegü ga itaxü̃ne rü ípoxegugüne. Rü norü ĩã̱xgü rü bróũchenaxca̱x nixĩgü.