Wenaxarü naxümatü ga Tupanaarü mugü 26:7 - Tupanaarü Ore

⁷ Rü yexguma ga toma rü poraãcü Cori ya torü o̱xigüarü Tupanana taca nax toxü̃ nangüxẽẽxü̃ca̱x. Rü nüma rü toxü̃ naxĩnü ga yema nüxna naxca̱x tacaxü̃. Rü nüxü̃ nadau ga yema taxü̃ ga guxchaxü̃ ga nawa tayexmagüxü̃ rü yema taxü̃ ga puracü ga toétüwa yexmaxü̃. Rü toxü̃ nadau nax taxü̃ ga guxchaxü̃ toxü̃ yangegüxẽẽxü̃.

Wenaxarü naxümatü ga Tupanaarü mugü 26:7 Referans Kwoze

Ínachoxü̃xü̃chiga 2:23

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Yeremía 33:2

—Choma ya Cori ya Tupana ga nango̱xẽẽcü i ñaa naane, rü nachicagu naxücü nax tama ngéma yaxũgachixü̃ca̱x, rü choma nixĩ i cuxü̃ ñachaxü̃:

Wiyaegü 119:132

¡Rü choxü̃ nadawenü rü cuxü̃́ changechaü̃tümüxü̃, ngẽma cuxü̃ ngechaü̃güxü̃ca̱x cuxüxü̃rüxü̃!

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Ínachoxü̃xü̃chiga 6:5

Rü ñu̱xma nax nüxü̃ chacuáxü̃ nax ñuxãcü ngẽma Iraétanüxü̃ rü ngúxü̃ yangegüxü̃ rü ñuxãcü ngẽma Equítuanecüã̱xgü poraãcü namuxü̃ nax napuracüexü̃ca̱x rü ngẽmaca̱x nüxna chacua̱xãchi ga yema chorü uneta ga perü o̱xigümaxã nüxü̃ chixuxü̃.

Ínachoxü̃xü̃chiga 4:31

Rü nüma ga duü̃xü̃gü rü aixcüma nayaxõgü. Rü yexguma nüxü̃ yacua̱xãchitanügu nax Cori ya Tupana rü nüxü̃́ nüxü̃ naxĩnüxü̃ ga norü yumüxẽ rü nüxü̃ nax nadauxü̃ ga ñuxãcü ngúxü̃ nax yangegüxü̃, rü yemaca̱x nüma ga duü̃xü̃gü rü nataãẽgü. Rü ñaxtüanegu nanangücuchitanü, rü Tupanaxü̃ nicua̱xüü̃gü.

2 Chamué 16:12

Natürü ngẽxguma Cori ya Tupana choxü̃ da̱u̱xgu nax ngúxü̃ chingexü̃, rü bexmana mexü̃maxã tá choxü̃́ nanaxüchicüxü i ñaa chixexü̃ i ñu̱xma nüxü̃ chaxĩnüxü̃ —ñanagürü.

Naanearü ügüchiga 21:17

Natürü ga Tupana rü nüxü̃ naxĩnü ga gumá bucü nax naxaxuxü̃. Rü wüxi ga daxũcüã̱x i orearü ngeruxü̃ rü daxũwa Agána nacagü rü ñanagürü: —¿Ta̱xacü cuxü̃ nangupetü, Pa Agáx? ¡Taxṹ i cumuü̃xü̃! Erü Tupana rü marü nüxü̃ naxĩnü i norü axu ya yimá curü bucü i ngéma ínaxaxuxü̃wa.

Naanearü ügüchiga 29:32

Rü yemaacü ga Léa rü Acóbuaxü̃́ ixãxacü, rü Rubéü̃gu inaxüéga. Rü yemagu inaxüéga yerü ñaxü̃gu irüxĩnü: —Tupana choxü̃ nadau nax changechaü̃xü̃, rü ñu̱xma ya yimá chaute rü tá choxü̃ nangechaü̃ —ngĩgürügü ga ngĩãẽwa.

Ínachoxü̃xü̃chiga 2:25

Rü Tupana nüxü̃ nadau ga ñuxãcü ngúxü̃ nax yangegüxü̃ ga yema Iraétanüxü̃, rü yemaca̱x nüxü̃́ nangechaxü̃tüxmüxü̃.

Wiyaegü 31:8

Cuma rü taxũtáma chorü uanüme̱xẽgu choxü̃ cunguxẽxẽ. Rü cha̱u̱xca̱x cunamexẽxẽ i wüxi i nachica i taxucürüwama nawa choxna nangugüxü̃.