Wenaxarü naxümatü ga Tupanaarü mugü 26:5 - Tupanaarü Ore

⁵ Rü ngẽxguma i cuma rü Cori ya Tupanape̱xewa tá ñacurügü: “Chorü o̱xigü rü wüxitücumü ga duü̃xü̃gü ga Araméutanüxü̃ ga noxri noxretama ixĩgüxe. Rü tümagü rü nu ne tanaxĩmare rü Equítuanewa taxĩ rü yexma tayaxãpatagü. Rü yemawena rü timu, rü muxü̃ma ga duü̃xü̃gü ga poraexü̃ tixĩgü.

Wenaxarü naxümatü ga Tupanaarü mugü 26:5 Referans Kwoze

Wenaxarü naxümatü ga Tupanaarü mugü 10:22

Rü yexguma Equítuanewa nangugügu ga yema nũxcümaü̃güxü̃ ga perü o̱xigü, rü 70 icatama yema nangugü. Natürü i ñu̱xma i pemax rü perü Cori ya Tupana pexü̃ nimuxẽxẽ, rü ngẽmaca̱x ñoma ẽxtagü i daxũxü̃wa nüxü̃ idauxü̃rüxü̃ pemuxũchi.

Naanearü ügüchiga 46:27

Rü Yúche nane ga Equítuanegu buexü̃ rü taxre nixĩ. Rü yema Equítuanewa ngugüxü̃ ga Acóbutanüxü̃ rü guxü̃wama 70 ga duü̃xü̃gü nixĩ ga norü mu.

Naanearü ügüchiga 31:20

Rü nüma ga Acóbu rü tama na̱xtümaxã nüxü̃ nixu ga nax yaxũxchaü̃xü̃. Rü yemaacü nixĩ ga na̱xtü ga Labáü̃ ga Araméutanüxü̃ ixĩcüxü̃ nawomüxẽẽxü̃ ga Acóbu.

Naanearü ügüchiga 45:11

Rü nua rü tá õna pexna chaxã i cuma rü guxü̃ma i cutanüxü̃ nax taxuxü̃ma pexü̃́ taxuxü̃ca̱x. Erü 5 ya taunecüama ínayaxü nax taiya tá ngúxü̃’ ”, ñapegü tüxü̃ ya papa.

Naanearü ügüchiga 45:7

Natürü Tupana nixĩ ya pepe̱xegu choxü̃ imucü nax ngẽmaãcü tama taiyamaxã peyuexü̃ca̱x rü íyaxügüxü̃ca̱x i petaagü i ñoma i naanewa. Rü ngẽmaãcü tama nagu íperüxĩnüeyane rü Tupana chaugagu pexü̃ namaxẽxẽxẽ.

Naanearü ügüchiga 43:12

¡Rü ngẽma diẽru ga noxri yéma ngĩxü̃ pengecü rü wenaxarü ngéma ngĩxü̃ pinge, rü ngĩétü nai i ngẽxgumaepü̱x i diẽru ngĩxü̃ pinge nax nüxna ngĩxü̃ pexãxü̃ca̱x! Yerü ngürüãchi ínatüe rü yemaca̱x perü chacugügu ngĩxü̃ nanucucüraxü̃.

Naanearü ügüchiga 31:24

Natürü yema chütaxü̃gu rü Tupanagu naxãnegü ga Labáü̃ ga Araméutanüxü̃. Rü Tupana rü ñanagürü nüxü̃: —Dücax, ¡choxü̃́ irüxĩnü! Rü tama chanaxwa̱xe i nuãcü Acóbumaxã quidexa —ñanagürü.

Ngechuchuarü ngúexü̃gü ga yamugüxü̃arü puracüchiga 7:15

Rü yemaacü Equítuanewa naxũ ga Acóbu nax yexma yaxãchiü̃xü̃ca̱x. Rü yexma nayu ga nümax. Rü yexma nayue ta ga nanegü ga tórü o̱xigü.

Ochéa 12:12

Rü perü o̱xi ga Acóbu ga Iraé rü Aráü̃arü naanewa naña nax yexma yaxãmaxü̃ca̱x. Rü carnérugüarü dauruü̃wa napuracü.

Naanearü ügüchiga 25:20

Rü nüma ga Ichaá rü 40 ga taunecü nüxü̃́ nayexma ga yexguma naxãxma̱xgu ngĩmaxã ga Rebéca ga Betuéacü ga Labáü̃eya̱x. Rü nümagü rü Araméutanüxü̃ nixĩgü rü Padáü̃-aráü̃anegu naxãchiü̃gü.

Naanearü ügüchiga 24:4

Natürü chanaxwa̱xe i yea chauchixü̃anewa cuxũ nax ngẽxma chautanüxü̃tanügu ngĩxca̱x cuyadauxü̃ i wüxi i nge nax ngẽmamaxã naxãmaxü̃ca̱x ya chaune ya Ichaá —ñanagürü.

Wenaxarü naxümatü ga Tupanaarü mugü 7:7

Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.

Ínachoxü̃xü̃chiga 1:12

Natürü yexguma yexeraãcü chixriãcü namugüã̱xgu, rü yexeraãcü nimuetanüama ga Iraétanüxü̃. Rü yemaca̱x nixĩ ga Equítuanecüã̱xgü ga poraãcü nüxü̃ namuü̃exü̃.

Ínachoxü̃xü̃chiga 1:7

Natürü ga yema Iraétanüxü̃ rü nimuxacü. Rü yemaacü paxãma nimu, rü pora nüxü̃́ nayexma yerü namuxũchi. Rü nanapáxẽẽgü ga guxü̃ma ga Equítuanewa yexmaxü̃.

Ínachoxü̃xü̃chiga 1:5

Rü guxü̃ma ga yema Acóbutanüxü̃ ga Equítuanewa ngugüxü̃ rü 70 nixĩ. Rü nüma ga Yúche rü woetama marü Equítuanewa nayexma.

Naanearü ügüchiga 47:27

Rü yema Iraétanüxü̃ rü yéma Equítuanewatama namaxẽ. Rü Gochéü̃anewa nayexmagü rü yéma nimu.

Naanearü ügüchiga 31:40

Rü ngunecü rü naianexü̃ choxü̃́ nangu̱x rü chütacü rü deyuanemaxã chayuéga, rü yemacha̱xwa taguma mea chape.

Naanearü ügüchiga 28:5

Rü yemaacü ga Ichaá rü nane ga Acóbuxü̃ Padáü̃-aráü̃wa namu. Rü nüma ga Acóbu rü yéma naxũ, rü nata ga Labáü̃xü̃tawa nangu. Rü nüma ga Labáü̃ rü Betué ga Araméutanüxü̃ nane nixĩ. Rü Rebéca ga Acóbu rü Echaú naé rü Labáü̃eya̱x iyixĩ.

Naanearü ügüchiga 27:41

Rü yexgumacürüwa ga Echaú rü Acóbuchi naxai naxca̱x ga yema mexü̃ ga Acóbumaxã taxueguxü̃ ga nanatü. Rü nüma ga Echaú rü ñaxü̃gu narüxĩnü: —Papa rü paxa tá tayu, rü tümawena rü tá chayama̱x ya chauenexẽ ya Acóbu —ñaxü̃gu narüxĩnü.

Naanearü ügüchiga 12:2

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.

Naanearü ügüchiga 47:4

Rü ñu̱xma rü nua taxĩ nax nuxã ñaa nachixü̃anegu taxãchiü̃güxü̃ca̱x, erü poraãcü taiya nangu̱x i Canaáü̃anewa. Rü nataxuma ya maxẽ naxca̱x i torü carnérugü. Rü ñu̱xma, Pa Ãẽ̱xgacüx ¿rü taxũchima cuxü̃́ namexü̃ nax Gochéü̃anegu taxãchiü̃güxü̃? —ñanagürügü.

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Wenaxarü naxümatü ga Tupanaarü mugü 26:4

Rü nüma i chacherdóte rü tá cuxna nanayaxu ya yimá pexchi, rü Cori ya curü Tupanaarü ãmarearü guruü̃pe̱xegu tá nayaxǘ.

Ochéa 12:13

Rü Tupana rü wüxi ga norü orearü uruü̃maxã Equítuanewa ínananguxü̃xẽxẽ ga norü duü̃xü̃gü. Rü Tupana rü yema orearü uruü̃maxã nüxna nadau ga yema Iraétanüxü̃.