Wenaxarü naxümatü ga Tupanaarü mugü 24:3 - Tupanaarü Ore

^3-4 Natürü ngẽxguma yimá nai ya ngĩte rü ta̱xacüca̱x ngĩxü̃ íyaxoãchigu, rü ngẽmaca̱x ngĩxna naxããgu i popera i nawa nüxü̃ yaxuxü̃ nax marü ngĩxü̃ nax ínatáxü̃ rü napatawa nax ngĩxü̃ ínamuxũchixü̃ rüe̱xna nayu̱xgu ya ngĩte, rü ngẽxguma ya yima nüxíraü̃cü ya ngĩte rü taxucürüwama wena ngĩmaxã naxãxma̱x. Erü ngĩma rü marü nai ya yatümaxã imaxü̃. Rü ngẽxguma wena ngĩmaxã naxãxma̱xgu rü Cori ya Tupanape̱xewa rü wüxi i taxü̃ i chixexü̃ nixĩ. Rü pemax rü tama name i penachixexẽxẽ i ngẽma naane i Cori ya Tupana pexna ãxü̃.

Wenaxarü naxümatü ga Tupanaarü mugü 24:3 Referans Kwoze

Ore i mexü̃ ga Matéu ümatüxü̃ 5:31

Moiché rü ü̃pa nüxü̃ nixu rü yíxema tümama̱xü̃ ítáxe, rü tanaxwa̱xe i ngĩxna tanaxã i wüxi i popera i nawa nüxü̃ tixuxü̃ nax marü ngĩxü̃ ítatáxü̃.

Ore i mexü̃ ga Márcu ümatüxü̃ 10:4

Rü nümagü nanangãxü̃gü, rü ñanagürügü: —Moiché nüxü̃ nixu nax tama nachu̱xuxü̃ nax wüxi ya yatü rü ínatámaxü̃, ega wüxi i popera i ta̱xgüpane ngĩxna naxãxgu —ñanagürügü.

Wenaxarü naxümatü ga Tupanaarü mugü 24:2

Rü nawena nax yima yatüpatawa ínaxũxũxü̃, rü marü name nax nai ya yatümaxã naxãtexü̃.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Yeremía 3:8

Natürü woo nüxü̃ nadaugügu nax choma rü nüxü̃ chaxoxü̃ rü íchanawogüxü̃ ga yema Iraéanecüã̱xgü nagagu ga yema chixexü̃ ga naxügüxü̃, natürü nümagü ga yema Yudáanecüã̱xgü rü yema Iraéanecüã̱xgürüxü̃ chixexü̃ naxügü rü tama choxü̃ namuü̃e. Rü nümagü rü ta rü nagu namaxẽ ga yematama chixexü̃.

Wenaxarü naxümatü ga Tupanaarü mugü 24:1

Rü ngẽxguma wüxi ya yatü rü wüxi i ngexü̃maxã naxãxma̱xgu, natürü yixcama chixexü̃xü̃ ngĩwa nada̱u̱xgu rü ngẽmaca̱x ngĩxü̃ ínayaxoãchi, rü tá ngĩxna nanaxã i wüxi i popera i nawa nüxü̃ yaxuxü̃ nax marü ngĩxü̃ ínatáxü̃. Rü ñu̱xũchi napatawa tá ngĩxü̃ ínamuxũchi.