Wenaxarü naxümatü ga Tupanaarü mugü 24:16 - Tupanaarü Ore

¹⁶ Rü yíxema papagü rü taxucürüwama ngẽma tümane ügüxü̃ i pecadugagu tüxü̃ nima̱xgü. Rü ngẽxgumarüxü̃ ta i ngẽma tümanegü rü taxucürüwama nanatügü üxü̃ i pecadugagu nanadai. Rü wüxichigü rü noxrütama pecadugagu tá nayu.

Wenaxarü naxümatü ga Tupanaarü mugü 24:16 Referans Kwoze

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Norü taxre ga to ga popera ga ãẽ̱xgacügüchiga ümatüxü̃ 25:4

Natürü tama nanadai ga yema nanegü ga yema nanatüxü̃ ima̱xgüxü̃. Yerü naga naxĩnü ga yema Moichéarü mugüwa ümatüxü̃ ga ñaxü̃: —Yíxema papagü rü taxũtáma tapoxcue naxca̱x i ngẽma chixexü̃ i tümanegü ügüxü̃, rü yíxema nanegü rü taxũtáma tapoxcue naxca̱x i ngẽma chixexü̃ i tümanatügü ügüxü̃. Natürü wüxíechigü rü tá tayu naxca̱x i ngẽma tümaarütama chixexü̃ —ñaxü̃.

Iraétanüxü̃arü muxchiga 26:11

Natürü ga Coré nanegü rü tama nayue.

Danié 6:24

Rü yemawena ga nüma ga ãẽ̱xgacü rü norü duü̃xü̃güxü̃ namu nax yéma nagagüãxü̃ca̱x ga yema yatügü ga Daniéxü̃ íxuaxü̃güxü̃. Rü wüxigu naxma̱xgümaxã rü naxacügümaxã leóü̃tanügu nanawocu. Rü taxũtáma mea nangucuyane rü nüma ga leóü̃gü rü marü naxca̱x nibuxmü, rü nüxna nayu̱xgu rü nagu nawagüe.

1 Chamué 22:16

Natürü nüma ga ãẽ̱xgacü ga Chaú rü ñanagürüama: —¡Cumaxã nüxü̃ chixu, Pa Aimérex, rü cuma rü guxü̃ma i cutanüxü̃ rü aixcüma tá pexü̃ chadai! —ñanagürü.

Echequié 18:4

Rü guxü̃ma i duü̃xü̃güarü maxü̃ rü cho̱xme̱xwa nangẽxma woo papagü rü woo nanegü. Rü yíxema chixexü̃ ǘxe rü tümaarü chixexü̃gagu tátama tayu.