Wenaxarü naxümatü ga Tupanaarü mugü 24:1 - Tupanaarü Ore

¹ Rü ngẽxguma wüxi ya yatü rü wüxi i ngexü̃maxã naxãxma̱xgu, natürü yixcama chixexü̃xü̃ ngĩwa nada̱u̱xgu rü ngẽmaca̱x ngĩxü̃ ínayaxoãchi, rü tá ngĩxna nanaxã i wüxi i popera i nawa nüxü̃ yaxuxü̃ nax marü ngĩxü̃ ínatáxü̃. Rü ñu̱xũchi napatawa tá ngĩxü̃ ínamuxũchi.

Wenaxarü naxümatü ga Tupanaarü mugü 24:1 Referans Kwoze

Yeremía 3:8

Natürü woo nüxü̃ nadaugügu nax choma rü nüxü̃ chaxoxü̃ rü íchanawogüxü̃ ga yema Iraéanecüã̱xgü nagagu ga yema chixexü̃ ga naxügüxü̃, natürü nümagü ga yema Yudáanecüã̱xgü rü yema Iraéanecüã̱xgürüxü̃ chixexü̃ naxügü rü tama choxü̃ namuü̃e. Rü nümagü rü ta rü nagu namaxẽ ga yematama chixexü̃.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Wenaxarü naxümatü ga Tupanaarü mugü 22:29

rü nüma i ngẽma yatü rü nanaxwa̱xe nax ngĩnatüaxü̃́ naxütanüãxü̃ i 50 tachinü i diẽru. Rü ngẽma nax ngĩxü̃ yayauxãcümare ngĩmaxã namaxü̃xü̃gagu, rü nanaxwa̱xe nax ngĩmaxã naxãxma̱xü̃chixü̃. Rü tagutáma ngĩxü̃ ínata̱x rü ngĩma rü guxü̃gutáma naxma̱x iyixĩ.

Wenaxarü naxümatü ga Tupanaarü mugü 22:19

Rü ñu̱xũchi ngẽma ãẽ̱xgacügü rü tá ngẽma yatümaxã nanaxuegugü nax ngĩnatüaxü̃́ naxütanüãxü̃ca̱x i 100 tachinü i diẽru, nagagu nax ngĩxü̃ nachixechigaxẽẽxü̃ i ngẽma pacü ya Iraétanüxü̃ ixĩcü ya tagumachire̱x yatü ngĩxĩne cua̱xcü. Rü ngẽmaãcü i ngẽma yatü rü taxuacütáma ngĩxü̃ ínata̱x, rü ngĩma rü guxü̃gutáma naxma̱x iyaxĩ.

Wenaxarü naxümatü ga Tupanaarü mugü 22:13

Rü ngẽxguma wüxi i yatü rü ngĩmaxã yangĩxgu i wüxi i nge rü ngĩmaxã namaxü̱̃xgu, natürü ngẽmawena rü marü tama nangĩxwa̱xegu,

Wenaxarü naxümatü ga Tupanaarü mugü 24:3

Natürü ngẽxguma yimá nai ya ngĩte rü ta̱xacüca̱x ngĩxü̃ íyaxoãchigu, rü ngẽmaca̱x ngĩxna naxããgu i popera i nawa nüxü̃ yaxuxü̃ nax marü ngĩxü̃ nax ínatáxü̃ rü napatawa nax ngĩxü̃ ínamuxũchixü̃ rüe̱xna nayu̱xgu ya ngĩte, rü ngẽxguma ya yima nüxíraü̃cü ya ngĩte rü taxucürüwama wena ngĩmaxã naxãxma̱x. Erü ngĩma rü marü nai ya yatümaxã imaxü̃. Rü ngẽxguma wena ngĩmaxã naxãxma̱xgu rü Cori ya Tupanape̱xewa rü wüxi i taxü̃ i chixexü̃ nixĩ. Rü pemax rü tama name i penachixexẽxẽ i ngẽma naane i Cori ya Tupana pexna ãxü̃.

Ínachoxü̃xü̃chiga 21:10

Rü ngẽxguma ngĩrü cori ngĩmaxã naxãxma̱xgu rü nawena nai i ngexü̃maxã naxãxma̱xgu rü taxucürüwa ínanaxĩxẽxẽ i norü ngü̃xẽxẽ ngĩxca̱x i ngẽma ngĩxíraxü̃cü i naxma̱x, rü bai i õnawa rü bai i naxchiruwa rü bai i norü ngúchaü̃wa.

Ore i mexü̃ ga Luca ümatüxü̃ 16:18

Ngẽxguma wüxi ya yatü ítáma̱xgu rü nai i ngexü̃maxã naxãxma̱xgu rü Tupanape̱xewa pecadu naxü. Rü texé ya yíxema ngĩmaxã ãmaxe i wüxi i nge i ngĩte ngĩxü̃ íta̱xcü, rü Tupanape̱xewa pecadu taxü.

Ore i mexü̃ ga Matéu ümatüxü̃ 1:19

Rü Yúche ga María ngĩtechaü̃ ixĩcü rü wüxi ga yatü ga aixcümacü nixĩ. Rü yemaca̱x tama nanango̱xẽẽchaü̃ ga yema nax naxãxacüxü̃ ga María. Rü nagu narüxĩnü ga bexmamare ngĩxü̃ nax ínatáxü̃.

Maraquía 2:16

Rü nüma ya Cori ya Iraétanüxü̃arü Tupana ya Guxãétüwa Ngẽxmacü rü ñanagürü: —¡Nüxna peda̱u̱x i perü maxü̃! Rü tama name nax pexma̱xẽchita chixri pemaxẽxü̃. Rü choma rü tama namaxã chataãxẽ i ngẽma yatü i naxma̱xü̃ ítáxü̃ rü ngẽmaãcü nachixexẽẽxü̃ i norü maxü̃ —ñanagürü.

Wenaxarü naxümatü ga Tupanaarü mugü 21:15

Rü ngẽxguma wüxi ya yatü rü nataxrema̱xgu, natürü wüxíexü̃tama nangechaü̃ rü yíxema togue rü tama tüxü̃ nangechaü̃. Natürü ngẽxguma yíxema taxre ya naxma̱xwa rü naxãnegu, rü yíxema naxma̱x ya tama tüxü̃ nangechaü̃xewa nabuxgu ya yimá nane ya nüxíraü̃cü,

Iraétanüxü̃arü muxchiga 5:12

—¡Rü namaxã nüxü̃ ixu i Iraétanüxü̃ rü ngẽxguma chi wüxi i nge rü ngĩtena chixri maxü̱̃xgu rü to i yatümaxã namaxü̱̃xgu natürü ngĩte tama nüxü̃ cua̱xgu nax chixexü̃ naxüxü̃ rü taxúema ngĩxü̃ da̱u̱xgu nax naxüaxü̃ i ngẽma guxchaxü̃, natürü ya yimá ngĩte rü ngĩxü̃ nacua̱xtügu nax nüxna nangeãẽxü̃ rüe̱xna woo tama chixexü̃ naxü̱xgu i ngĩma rü ngĩxü̃ nacua̱xtümaregu nax chixexü̃ naxüxü̃, rü ñaãcü tá penamexẽxẽ i ngẽma guxchaxü̃!

Iraétanüxü̃arü muxchiga 5:28

Natürü ngẽxguma ngĩma rü tama ngĩtexü̃ iwomüxẽẽgu rü taxuxü̃táma ngĩxü̃ nangupetü rü wena tá ixãxãcü.

Wenaxarü naxümatü ga Tupanaarü mugü 24:2

Rü nawena nax yima yatüpatawa ínaxũxũxü̃, rü marü name nax nai ya yatümaxã naxãtexü̃.

Yeremía 3:1

Cori ya Tupana rü ñanagürü: —Rü ngẽxguma wüxi i yatü rü naxma̱xü̃ ínata̱xgu, rü ngẽxguma marü nüxna tixũgachigu i tüma rü to i yatümaxã taxãtegu, rü nüma i ngẽma tüxü̃ ítáxü̃ rü marü taxũtáma wena tümamaxã naxãxma̱x. Rü ngẽma rü wüxi i taxü̃ i chixexü̃ tá nixĩ naxca̱x i ngẽma nachixü̃ane. Natürü i pemax, Pa Yudátanüxü̃x, rü mucü ga tupananetachicüna̱xãgüwe perüxĩ. ¿Rü ñuxãcü nagu perüxĩnüe nax cha̱u̱xca̱x pewoeguxü̃? Rü choma ya Cori ya Tupana nixĩ i pemaxã nüxü̃ chixuxü̃ i ngẽma.