Wenaxarü naxümatü ga Tupanaarü mugü 23:9 - Tupanaarü Ore

⁹ Rü ngẽxguma daiwa pexĩxgu rü wüxi i nachicagu peyapegügu, rü name i pegüna pedaugü nax tama penaxüxü̃ca̱x i ta̱xacürü chixexü̃ i Tupanape̱xewa tama mexü̃.

Wenaxarü naxümatü ga Tupanaarü mugü 23:9 Referans Kwoze

Yochué 6:18

¡Rü ñu̱xma i pemax rü pegüna pedaugü nax tama penayaxuxü̃ i ta̱xacü i norü ngẽmaxü̃ ya yimá ĩanewa ngẽxmaxü̃! Erü nüma ya Cori ya Tupana rü namaxã nanaxuegu ya daa ĩane nax peyanaxoxẽẽxü̃ca̱x rü penadaiãcuxü̃ca̱x. Rü ngẽxguma taxũtáma ngẽmaãcü penaxü̱xgux, rü nüma ya Tupana rü tá chixexü̃ tamaxã naxuegu rü tá chixexü̃ taxca̱x ínangu̱xẽxẽ.

Norü taxre ga to ga popera ga ãẽ̱xgacügüchiga ümatüxü̃ 19:4

Rü nüma ga Yochapáx rü Yerucharéü̃wa nixĩ ga nayexmaxü̃. Natürü nagu naxãcüma nax norü duü̃xü̃gütanügu naxũaneãxü̃ nax yemaacü Cori ya norü o̱xigüarü Tupanaca̱x nawoeguxẽẽãxü̃ca̱x. Rü Bechébawa inanaxügü rü ñu̱xmata Efraíü̃arü máxpü̱xanexü̃wa nangu.

Ãẽ̱xgacügü ga guxchaxü̃güarü mexẽxẽruü̃gü 20:26

Rü yemaca̱x ga Iraétanüxü̃ rü wenaxarü Betéca̱x nawoegu rü yéma nayaxauxe nape̱xewa ga Tupana. Rü yema ngunexü̃ rü tama nachibüeãcü yéma nayumüxẽgü ñu̱xmata nachüta. Rü yéma Tupanaca̱x ínanagugü ga naeü̃gü rü ãmaregü Tupanaarü ngüxmüxẽẽruxü̃.

Ore i mexü̃ ga Luca ümatüxü̃ 3:14

Rü ñuxre ga churaragü rü ta Cuáü̃na nacagüe, rü ñanagürügü: —¿Toma rü ta̱xacü nixĩ i mexü̃ nax tanaxüxü̃? —ñanagürügü. Rü nanangãxü̃ ga Cuáü̃ rü ñanagürü: —Tama name i texéxü̃ pexãxũneãcüma tümaarü ngẽmaxü̃gü pepuxü̃. Rü tama name i ta̱xacürü doraxü̃ tümachigaxü̃ pixu. Rü name nixĩ i ngẽma diẽru i ãẽ̱xgacü pexü̃́ ngĩmaxã naxütanücümaxã petaãẽgü rü tama yexeracüca̱x ípeca —ñanagürü.

Norü taxre ga to ga popera ga ãẽ̱xgacügüchiga ümatüxü̃ 31:20

Rü nüma ga Echequía rü guxü̃ ga Yudáanewa rü yemaacü nanaxü. Rü guxü̃ma ga yema naxüxü̃ rü Cori ya Tupanape̱xewa rü aixcüma name rü nawe̱xgu.

Wenaxarü naxümatü ga Tupanaarü mugü 23:8

Rü ngẽma Edóü̃tanüxü̃ rü Equítuanecüã̱xgü rü marü name nax nataagüxacügü rü Tupanaarü duü̃xü̃güarü ngutaque̱xegu nachocu.

Wenaxarü naxümatü ga Tupanaarü mugü 23:10

Rü ngẽxguma wüxíe chütacü tümaanegüwa ngúchaü̃ taxü̃netagu rü itabamügu rü taxãũãchi. Rü name nax ítaxũxũxü̃ i ngẽma ípepegüxü̃wa, rü ngẽma ngunexü̃ rü taxuacütáma tixücu.

Ichaía 56:3

Rü ngẽxguma wüxi i duü̃xü̃ i to i nachixü̃anecüã̱x chowe rüxũxgu rü taxuca̱xma ñanagürü: —Tupana rü tá norü duü̃xü̃gütanüwa choxü̃ ínamuxũchi —ñanagürü. Rü yimá yatü ya yauxpü̱xücharecü rü taxuca̱xma ñanagürü: —Choma rü ñoma nai i paxü̃rüü̃mare chixĩ —ñanagürü.