Wenaxarü naxümatü ga Tupanaarü mugü 23:8 - Tupanaarü Ore

⁸ Rü ngẽma Edóü̃tanüxü̃ rü Equítuanecüã̱xgü rü marü name nax nataagüxacügü rü Tupanaarü duü̃xü̃güarü ngutaque̱xegu nachocu.

Wenaxarü naxümatü ga Tupanaarü mugü 23:8 Referans Kwoze

Wenaxarü naxümatü ga Tupanaarü mugü 23:7

Natürü ngẽma Edóü̃tanüxü̃ rü tama name nax naxchi pexaiexü̃ erü nümagü rü petanüxü̃ nixĩgü. Rü ngẽxgumarüxü̃ ta i ngẽma Equítuanecüã̱xgü rü tama name nax naxchi pexaiexü̃, yerü pemax rü mucü ya taunecü nachixü̃anewa pemaxẽ.

Wenaxarü naxümatü ga Tupanaarü mugü 23:9

Rü ngẽxguma daiwa pexĩxgu rü wüxi i nachicagu peyapegügu, rü name i pegüna pedaugü nax tama penaxüxü̃ca̱x i ta̱xacürü chixexü̃ i Tupanape̱xewa tama mexü̃.

Naanearü ügüchiga 25:25

Rü gumá ngĩne ga nüxíra bucü rü nadauyáe rü naxãxta̱xaxü̃ne. Rü Echaúgu nanaxüégagü.

Naanearü ügüchiga 25:26

Rü yemawena nabu ga naenexẽ. Rü Echaúme̱xtü̱xügu yangĩãcüma nabu. Rü yemaca̱x Acóbugu nanaxüégagü. Rü ngẽma naéga rü Iyauxwa̱xexü̃, ñaxü̃chiga nixĩ. Rü nüma ga Ichaá rü 60 ga taunecü nüxü̃́ nayexma ga yexguma nabuegu ga gumá ngĩnegü ga Rebéca.

Ínachoxü̃xü̃chiga 22:20

Rü texé ya yíxema tupananetagüca̱xmare ínaguxe i tümaarü ãmaregü rü tama Cori ya Tupanaca̱xicatama ínaguxe, rü name nax yu namaxã pexueguxü̃.

Lebítanüxü̃arü puracüchiga 19:34

Rü ngẽma to i nachixü̃anecüã̱x rü mea namaxã ipecua̱x! ¡Rü nüxü̃ pengechaü̃, erü nüma rü wüxi i petanüxü̃rüü̃tama nixĩ! ¡Rü taxṹ i nüxü̃ perüngü̃ma nax pema rü ta rü to i nachixü̃anecüã̱xgü pixĩgüxü̃ ga Equítuanewa! Rü choma nixĩ i perü Cori ya Tupana chixĩxü̃.

Wenaxarü naxümatü ga Tupanaarü mugü 10:19

Rü ngẽmaca̱x i pema rü ta penaxwa̱xe nax tüxü̃ pengechaxü̃xü̃ ya yíxema to i nachixü̃anecüã̱x, yerü ga pemax rü ta to ga nachixü̃anecüã̱xgü pixĩgü ga Equítuanewa.

1 Chamué 30:11

Rü yema namagu nüxü̃ nangaugü ga wüxi ga yatü ga Equítuanecüã̱x rü Dabíxü̃tawa nanagagü. Rü nüxna nanaxã ga paũ rü nanangõ̱x. Rü nanaxaxexẽẽgü ga dexá.

Nüxíraxü̃xü̃ ga popera ga ãẽ̱xgacügüchiga 3:1

Rü Charomóü̃ rü Equítuanearü ãẽ̱xgacü ga Faraóü̃xacümaxã naxãxma̱x rü yemaacü Faraóü̃tanüxü̃ nügü nixĩxẽxẽ. Rü nüma ga Charomóü̃ rü Dabíarü Ĩane ga Yerucharéü̃wa yexmanewa ngĩxü̃ naga. Rü yéma ngĩxü̃ nayexmaxẽxẽ ñu̱xmata yangu ga guma ãẽ̱xgacüpata rü guma Tupanapata ga taxü̃ne rü ñu̱xũchi yema Yerucharéü̃arü poxeguxü̃.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Abdía 1:10

Rü pemax, Pa Edóü̃anecüã̱xgüx, chixri namaxã pechopetü ga petanüxü̃ ga Acóbutanüxü̃ rü penadai. Rü ngẽmaca̱x tá pexü̃ chaxãneexẽxẽ rü tá pexü̃ chadaixüchi.