Wenaxarü naxümatü ga Tupanaarü mugü 23:7 - Tupanaarü Ore

⁷ Natürü ngẽma Edóü̃tanüxü̃ rü tama name nax naxchi pexaiexü̃ erü nümagü rü petanüxü̃ nixĩgü. Rü ngẽxgumarüxü̃ ta i ngẽma Equítuanecüã̱xgü rü tama name nax naxchi pexaiexü̃, yerü pemax rü mucü ya taunecü nachixü̃anewa pemaxẽ.

Wenaxarü naxümatü ga Tupanaarü mugü 23:7 Referans Kwoze

Wenaxarü naxümatü ga Tupanaarü mugü 10:19

Rü ngẽmaca̱x i pema rü ta penaxwa̱xe nax tüxü̃ pengechaxü̃xü̃ ya yíxema to i nachixü̃anecüã̱x, yerü ga pemax rü ta to ga nachixü̃anecüã̱xgü pixĩgü ga Equítuanewa.

Ínachoxü̃xü̃chiga 22:21

Rü taxũtáma chixeãcü namaxã icucua̱x i ngẽma to i nachixü̃anecüã̱x i duü̃xü̃. Yerü pema rü ta rü Equítuanewa to i nachixü̃anecüã̱xgü pixĩgü.

Lebítanüxü̃arü puracüchiga 19:34

Rü ngẽma to i nachixü̃anecüã̱x rü mea namaxã ipecua̱x! ¡Rü nüxü̃ pengechaü̃, erü nüma rü wüxi i petanüxü̃rüü̃tama nixĩ! ¡Rü taxṹ i nüxü̃ perüngü̃ma nax pema rü ta rü to i nachixü̃anecüã̱xgü pixĩgüxü̃ ga Equítuanewa! Rü choma nixĩ i perü Cori ya Tupana chixĩxü̃.

Ínachoxü̃xü̃chiga 23:9

Rü taxũtáma chixri namaxã icucua̱x i ngẽma to i nachixü̃anecüã̱x i duü̃xü̃. Yerü pema rü Equítuanewa rü to ga nachixü̃anecüã̱xgü pixĩgü, rü meama nüxü̃ picua̱x nax ñuxãcü yixĩxü̃ ga yexguma to ga nachixü̃anewa peyexmagügu.

Iraétanüxü̃arü muxchiga 20:14

Rü Moiché rü Cadéwa inanamuãchitanü ga ñuxre ga duü̃xü̃gü nax Edóü̃anearü ãẽ̱xgacümaxã nüxü̃ yanaxugüexü̃ca̱x ga ore ga ñaxü̃: —Cuenexẽgü i Iraétanüxü̃ rü ñaa ore cuxca̱x nua namugü: “Cuma rü meama nüxü̃ cucua̱x i ngẽma guxchaxü̃gü i nawa tachopetüxü̃.

Naanearü ügüchiga 25:30

Rü Acóbuxü̃ ñanagürü: —¿Taxũchima cuxü̃́ namexü̃ i chomaxã cungauxgu i ngẽma curü õna i dautanüxü̃? Erü ngẽmatama taiyamaxã chayu —ñanagürü. (Echaú rü Edóü̃maxã rü ta nanaxugü yerü norü me nixĩ ga yema õna ga dautanüxü̃.)

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Wiyaegü 105:23

Rü yemawena rü Equítuanewa nangu ga Acóbu ga Tupana Iraégu naxüégacü. Rü yexma Equítuanegu naxãchiü̃. Rü yemaacü Canaáü̃anewa nayexma, natürü guxü̃guma nagu narüxĩnü nax noxrütama naaneca̱x nawoeguxü̃ ga nataagü.

Naanearü ügüchiga 47:27

Rü yema Iraétanüxü̃ rü yéma Equítuanewatama namaxẽ. Rü Gochéü̃anewa nayexmagü rü yéma nimu.

Naanearü ügüchiga 47:12

Rü nüma ga Yúche rü nanatüna rü guxü̃ma ga naenexẽgüna nanaxã ga õna. Rü yema ñuxre nax nüxü̃́ itauxchigüxü̃ãcü nüxna nanaxã ga wüxichigü.

Naanearü ügüchiga 47:6

Rü ñaa Equítuane rü noxrü nixĩ. ¡Ẽcü, nüxna naxã i ngẽma Gochéü̃ane! Erü ngẽma nixĩ i rümemaexü̃ i naane i nua Equítuanewa nax ngẽmagu naxãchiü̃güxü̃ca̱x. Rü ngẽxguma cunangugügügu nax ngẽmatanüwa nangẽxmagüxü̃ i yatügü i aixcüma carnérugüarü dauxü̃ cua̱xgüxü̃, rü chanaxwa̱xe i chauxü̃nagümaxã rü ta inacua̱xgü —ñanagürü.

Wenaxarü naxümatü ga Tupanaarü mugü 23:8

Rü ngẽma Edóü̃tanüxü̃ rü Equítuanecüã̱xgü rü marü name nax nataagüxacügü rü Tupanaarü duü̃xü̃güarü ngutaque̱xegu nachocu.

Nüxíraxü̃xü̃ ga popera ga ãẽ̱xgacügüchiga 11:25

Rü yexguma Charomóü̃ maxü̃gu rü nüma ga Rechóü̃ rü Iraéarü duü̃xü̃gümaxã narüxuanü yerü Iraéchi naxai rü wüxigu Adáxmaxã Charumóü̃arü uanü nixĩ. Rü nüma ga Rechóü̃ rü düxwa Chíriaanearü ãẽ̱xgacüwa nangu.

Édra 9:12

Rü yexgumarüxü̃ ta tomaxã nüxü̃ quixu nax tama toxü̃́ cunaxwa̱xexü̃ nax toxocügü rü nanegümaxã yaxãtegüxü̃, rü woo i naxacügü rü tama cunaxwa̱xe nax tonegümaxã yaxãtegüxü̃. Rü nüxü̃ quixu nax tagutáma namaxã tarüngüxmüexü̃ rü tagutáma taãẽwa tanayexmagüxẽẽxü̃ ga yema duü̃xü̃gü nax yemaacü togü itarüporaexü̃ca̱x rü yemaacü tanangṍxü̃ca̱x ga yema naanewa yexmaxü̃ rü ñu̱xũchi towena rü guxü̃guma totaagüna naxüxü̃ca̱x ga yema naane.