Wenaxarü naxümatü ga Tupanaarü mugü 23:5 - Tupanaarü Ore

⁵ Rü yemaacü ga nüma ga Cori ya perü Tupana rü tama Balaáü̃ga naxĩnü, rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃, yerü pexü̃ nangechaü̃.

Wenaxarü naxümatü ga Tupanaarü mugü 23:5 Referans Kwoze

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Iraétanüxü̃arü muxchiga 24:9

Rü ngẽxguma ipecagügu nax pepeexü̃ca̱x rü ñoma wüxi i leóü̃ i pexü̃rüxü̃ pixĩgü rü taxúetama tügü ítarüpora nax pexü̃ ítaba̱i̱xgüxü̃ca̱x. ¡Rü mexü̃ tüxü̃ ngupetü ya yíxema mexü̃ pemaxã ueguxe, Pa Iraétanüxü̃x, rü chixexü̃ tüxü̃ ngupetü ya yíxema chixexü̃ pemaxã ueguxe! —ñanagürü ga Balaáü̃.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Romanos 11:28

Natürü i nüma i Yudíugü rü Tupanamaxã narüxuanügü erü tama nayaxõgü i ngẽma ore i mexü̃. Rü ngẽmaãcü naxüpetü nax pexü̃́ natauxchaxü̃ca̱x nax peyaxõgüxü̃ca̱x i pema i tama Yudíugü nax pixĩgüxü̃. Natürü nüma ya Tupana rü ngẽma Yudíugüxü̃ nangechaü̃ama yerü nũxcümaü̃güxü̃ ga norü o̱xigümaxã nüxü̃ nixu nax nüxü̃ tá nangü̃xẽẽxü̃.

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Yeremía 31:3

Rü nũxcüma nixĩ ga cha̱u̱xca̱x nangóxü̃ ga Cori ya Tupana, rü ñanagürü choxü̃: Wüxi i ngechaü̃ i taguma iyacuáxü̃maxã cuxü̃ changechaü̃. Rü ngẽmaca̱x i ñu̱xma rü ta cumaxã chamecüma.

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Ucu̱xẽgüchiga 26:2

Ngẽma weri i nu ne nañamarexü̃, rü ngẽma chiru i ngexchiãxü̃ rü taxuwama nangu erü nangechica. Rü ngẽxgumarüxü̃ ta taxũtáma tüxna nangu i ngẽma chixexü̃ i togü tamaxã ueguxü̃ ega taxuxü̃ma i chixexü̃ ixüxgu.

Wiyaegü 73:1

Tupana rü namaxã namecüma i ngẽma Iraétanüxü̃ i mexü̃gu rüxĩnüexü̃.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Iraétanüxü̃arü muxchiga 22:35

Natürü ga Tupanaarü orearü ngeruxü̃ i daxũcüã̱x rü nanangãxü̃ rü ñanagürü: —Marü name i nawe curüxũ i ngẽma yatügü, natürü ngẽma cumaxã nüxü̃ chixuxü̃xica tátama nixĩ i nüxü̃ quixuxü̃ —ñanagürü. Rü yemaca̱x ga Balaáü̃ rü nawe narüxũ ga yema ãẽ̱xgacügü ga Baláx yéma mugüxü̃.

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Wenaxarü naxümatü ga Tupanaarü mugü 4:37

Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.

Yochué 24:10

Natürü ga choma ya perü Tupana rü Balaáü̃na chanachu̱xu nax chixexü̃ pemaxã naxueguxü̃, rü yemaca̱x mexü̃ pemaxã nixueguchigüama. Rü yemaacü pexü̃ íchapoxü̃.

2 Chamué 16:12

Natürü ngẽxguma Cori ya Tupana choxü̃ da̱u̱xgu nax ngúxü̃ chingexü̃, rü bexmana mexü̃maxã tá choxü̃́ nanaxüchicüxü i ñaa chixexü̃ i ñu̱xma nüxü̃ chaxĩnüxü̃ —ñanagürü.

Neemía 13:2

Yerü nümagü ga Amóü̃tanüxü̃ rü Moátanüxü̃ rü tama mea Iraétanüxü̃xü̃ nayauxgü, rü tama õna rü axexü̃ nüxna naxãgü ga yexguma Equítuanewa ínachoxü̃gu. Rü naétü rü Baraáü̃axü̃́ nanaxütanügü nax chixexü̃ Iraétanüxü̃maxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ Iraétanüxü̃maxã naxueguxü̃ca̱x rü tama i chixexü̃.