Wenaxarü naxümatü ga Tupanaarü mugü 23:4 - Tupanaarü Ore

⁴ Yerü nümagü ga Amóü̃tanüxü̃ rü Moátanüxü̃ rü tama pexü̃ nayauxgü õnamaxã rü axexü̃maxã ga yexguma Equítuanewa ípechoxü̃gu. Rü nümagü rü naétü nüxü̃́ nanaxütanügü ga Balaáü̃ ga Beúx nane ga Mechopotámiaarü ĩane ga Petúxwa ne ũcü nax chixexü̃ pemaxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃.

Wenaxarü naxümatü ga Tupanaarü mugü 23:4 Referans Kwoze

Neemía 13:2

Yerü nümagü ga Amóü̃tanüxü̃ rü Moátanüxü̃ rü tama mea Iraétanüxü̃xü̃ nayauxgü, rü tama õna rü axexü̃ nüxna naxãgü ga yexguma Equítuanewa ínachoxü̃gu. Rü naétü rü Baraáü̃axü̃́ nanaxütanügü nax chixexü̃ Iraétanüxü̃maxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ Iraétanüxü̃maxã naxueguxü̃ca̱x rü tama i chixexü̃.

Norü taxre ga popera ga Pedru ümatüxü̃ 2:15

Rü ngẽma ngu̱xẽẽruü̃netagü rü tama nagu naxĩ i ngẽma Tupana nüxü̃́ naxwa̱xexü̃, rü ngẽmaca̱x inayarütauxe. Rü nagu naxĩ ga yema chixexü̃ ga nagu yaxũxü̃ ga nũxcümaü̃xü̃ ga Balaáü̃ ga Bochú nane ga chixexü̃gu diẽru ngĩxü̃ yauxchaü̃xü̃.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Chacaría 2:8

Rü Tupana ya Guxãétüwa Ngẽxmacü nixĩ ya nua choxü̃ mucü nax nüxü̃ chixuxü̃ca̱x i norü ore nachiga i ngẽma nachixü̃anegü ga pexü̃ ígagüxü̃ perü yemaxü̃gümaxã. Rü Tupana rü ñanagürü: —Yíxema texé chorü duü̃xü̃güxü̃ dauxe, rü ñoma chauxetügu tarüxuxü̃rüxü̃ tixĩ. Rü ngẽmaca̱x i choma rü tá chanapoxcue i guxü̃ma i ngẽma nachixü̃anegü. Rü choma rü tá ngẽma norü mugüruü̃xü̃ chamu nax naxca̱x nangĩ̱xgüxü̃ca̱x i ngẽma nachixü̃anegüarü ngẽmaxü̃gü —ñanagürü ya Tupana. Rü ngẽmaãcü ya Tupana ya Guxãétüwa Ngẽxmacü rü tá inanawe̱x i norü pora. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Nüxíraxü̃xü̃ ga popera ga ãẽ̱xgacügüchiga 18:4

Rü nüma ga Adía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acáx naxma̱x ga Yechabé nadaixchaü̃gu. Rü nüma ga Adía rü taxretücumü ga 50 gu nayatoye rü ñu̱xũchi taxre ga ãxmaxü̃gu nayacu̱xgü rü yéma nayaxüwemüaxü̃.

1 Chamué 25:11

¿Ẽ̱xna tá nüxna chanayaxuxü̃ i ngẽma õna rü axexü̃ rü namachi i chorü yoü̃ta̱xaruü̃güca̱x chaxüxü̃, nax nüxna chanaxãxü̃ca̱x i duü̃xü̃gü i tama nüxü̃ chacuáxü̃ nax ngextá ne naxĩxü̃? —ñanagürü.

Iraétanüxü̃arü muxchiga 23:7

Rü nüma ga Balaáü̃ rü nüxü̃ nixu ga ñaa ore rü ñanagürü: —Yeama yáxü̃wa ínama̱xpǘneanexü̃wa i Aráü̃wa choxü̃ ne naxũxẽxẽ ya Baláx ya Moáanecüã̱xgüarü ãẽ̱xgacü. Rü ñanagürü choxü̃: “¡Nua naxũ rü chixexü̃ namaxã naxuegu i ngẽma Iraétanüxü̃ nax ngẽmaãcü chixexü̃ namaxã ngupetüxü̃ca̱x i Acóbutanüxü̃!” ñanagürü choxü̃.

Iraétanüxü̃arü muxchiga 22:17

Rü choma rü poraãcü cumaxã chataãxẽ rü mea tá cuxü̃ chayaxu. Rü tá cuxna chanaxã i guxü̃ma i ta̱xacü i naxca̱x ícuca̱xaxü̃. ¡Ẽcü nua naxũ rü choxü̃ rüngü̃xẽxẽ nax chixexü̃ namaxã cuxueguxü̃ca̱x i ñaa Iraétanüxü̃!” ñanagürü ga Baláx —ñanagürügü.

Ngechuchuarü ngúexü̃gü ga yamugüxü̃arü puracüchiga 9:4

Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Yochué 24:9

Rü nüma ga Baláx ga Chipóx nane ga gumá Moáanearü ãẽ̱xgacü rü pemaxã nügü nadai. Rü naxca̱x nangema ga Balaáü̃ ga Beúx nane nax chixexü̃ pemaxã naxueguxü̃ca̱x.

Yeremía 49:1

Ñaa nixĩ i Cori ya Tupanaarü ore i Amóü̃chiga. Rü yema Gáxarü naane, rü Iraétanüxü̃arüchire̱x nixĩ, natürü yema Iraétanüxü̃ rü tama chauga naxĩnüe. Rü ngẽmaca̱x i ngẽma naane rü ñu̱xma naxme̱xwa nangẽxma i ngẽma Amóü̃tanüxü̃ i tupananeta i Milcóü̃xü̃ icua̱xüü̃güxü̃.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Auxexü̃chiga 1:10

Rü nüma ga yema uanügü rü nügüaxü̃́ nanade ga guxü̃ma ga yema yemaxü̃gü ga Yerucharéü̃wa yexmagüxü̃. Rü yema Yerucharéü̃cüã̱xgü rü nüxü̃ nadaugü, Pa Tupanax, nax cupatagu nachocuxü̃ ga yema togü ga nachixü̃anecüã̱xgü i tama yaxõgüxü̃, woo cuma nüxü̃ quixu nax tama namexü̃ nax ngexerüxemare nagu ücuxü̃ ya yima cupata.

Echequié 44:9

Rü ngẽmaca̱x i choma i Cori ya Tupana rü ñachagürü: Rü taxuxü̃táma to i nachixü̃anecüã̱x i duü̃xü̃ i tama íwiecha̱xmüü̃pe̱xechiraü̃xü̃ rü tama chorü mugügu maxü̃xü̃ tá chopatagu naxücu, woo Iraétanügu naxãpatagu.