Wenaxarü naxümatü ga Tupanaarü mugü 22:6 - Tupanaarü Ore

⁶ Rü ngẽxguma texé wüxi i naixtanüwa rüe̱xna waixü̃müanewa nüxü̃ da̱u̱xgu i wüxi i werichiaxü̃, rü ngẽma weri rü naxchiãü̃wa nangẽxmagu naxacügüxü̃ ínanaitanügu rüe̱xna nacharaü̃tanügu íyañuxgu rü tama name nax guxü̃ma i tümaémaxã tüxü̃ nadexü̃ i naxacügü.

Wenaxarü naxümatü ga Tupanaarü mugü 22:6 Referans Kwoze

Lebítanüxü̃arü puracüchiga 22:28

Rü tama name i ngẽmatama ngunexü̃gu peyama̱x i wüxi i woca i ngexü̃ naxacümaxã. Rü tama name i ngẽmatama i ngunexü̃gu peyama̱x i wüxi i carnéru i ngexü̃ naxacümaxã.

Ucu̱xẽgüchiga 12:10

Yimá yatü ya mexü̃gu rüxĩnücü, rü mea nüxna nadau i naxü̃nagü. Natürü ngẽma yatü i chixexü̃gu maxü̃xü̃, rü tama nüxü̃́ nangechaü̃tümüxü̃.

Ore i mexü̃ ga Luca ümatüxü̃ 12:6

¿Tama ẽ̱xna taxretachinü i diẽruxacügu namaxã petaxe i wüxime̱e̱xpü̱x i werixacügü? Natürü Tupana rü tama tüxü̃ inayarüngüma i bai i wüxi ya yíxema werixacügü.

Naanearü ügüchiga 8:17

¡Rü ngẽxgumarüxü̃ ta i guxü̃ma i naeü̃gü, rü naxü̃nagü, rü naeü̃gü ga ixãxpe̱xatüxü̃, rü ngẽma naxtanecamaxã waixü̃mügu ixĩxü̃ i cumaxã ngẽxmagüxü̃, rü ínamuü̃ nax guxü̃wama naxĩxü̃ca̱x rü ngẽmaãcü nügü nax yamuxẽẽxü̃ca̱x rü napaxẽẽgüãxü̃ca̱x i naane! —ñanagürü.

Ochéa 10:14

Rü ñu̱xmax rü tá inaxügü i ngẽma dai rü ngẽmaca̱x nanaxĩ̱xãchiãẽgü i duü̃xü̃gü. Rü guxü̃ma ya yima ĩanearü poxeguxü̃tápü̱xgü rü tá niwa̱xgü. Rü yema ĩane ga Bex-abéwa ngupetüxü̃ ga yexguma ãẽ̱xgacü ga Charmáü̃ nadaixgurüxü̃ tá nixĩgü. Rü yexguma ga guxema mamagü rü tümanegümaxã tayue.

Naanearü ügüchiga 32:11

Rü ñu̱xma rü cuxna chaca rü chanaxwa̱xe i choxü̃ ícupoxü̃ nüxna ya chauenexẽ ya Echaú. Rü nüxü̃ chamuü̃ erü ngürüãchi nuxã toxü̃ nayadai rü ngẽmaãcü tüxü̃ nadai ya cho̱xma̱xgü rü chauxacügü.

Wenaxarü naxümatü ga Tupanaarü mugü 22:5

Rü ngẽma ngexü̃gü rü tama name nax yayatüchiruxü̃. Rü ngẽma iyatüxü̃ rü tama name nax yangexchiruxü̃. Rü Tupana rü tama namaxã nataãxẽ i ngẽma nacüma.