Wenaxarü naxümatü ga Tupanaarü mugü 22:5 - Tupanaarü Ore

⁵ Rü ngẽma ngexü̃gü rü tama name nax yayatüchiruxü̃. Rü ngẽma iyatüxü̃ rü tama name nax yangexchiruxü̃. Rü Tupana rü tama namaxã nataãxẽ i ngẽma nacüma.

Wenaxarü naxümatü ga Tupanaarü mugü 22:5 Referans Kwoze

Wenaxarü naxümatü ga Tupanaarü mugü 18:12

Erü ya Tupana rü naxchi naxai i ngẽma duü̃xü̃gü i ngẽma nacümagügu maxẽxü̃. Rü ngẽmaca̱x nixĩ ya Cori ya perü Tupana i pepe̱xewa tá ínawoxü̃ãxü̃ i ngẽma nachixü̃anecüã̱xgü, erü nümagü rü ngẽma nacüma i chixexü̃gu nixĩ i namaxẽxü̃.

Wenaxarü naxümatü ga Tupanaarü mugü 22:4

Rü ngẽxguma texé nüxü̃ da̱u̱xgu i tümamücüarü woca rüe̱xna búru i naxwetamaxã namagu nguxü̃, rü tama name nax tanangexrümarexü̃. Rü name i norü yoraxü̃ tarüngü̃xẽxẽ nax inachixü̃ca̱x i norü búru.

Wenaxarü naxümatü ga Tupanaarü mugü 22:6

Rü ngẽxguma texé wüxi i naixtanüwa rüe̱xna waixü̃müanewa nüxü̃ da̱u̱xgu i wüxi i werichiaxü̃, rü ngẽma weri rü naxchiãü̃wa nangẽxmagu naxacügüxü̃ ínanaitanügu rüe̱xna nacharaü̃tanügu íyañuxgu rü tama name nax guxü̃ma i tümaémaxã tüxü̃ nadexü̃ i naxacügü.