Wenaxarü naxümatü ga Tupanaarü mugü 22:1 - Tupanaarü Ore

¹ Rü ngẽxguma narütau̱xgu i tümamücüarü woca rüe̱xna carnéru rü ngẽxguma texé nüxü̃ da̱u̱xgu rü tama name nax tanangexrümarexü̃. Rü nanaxwa̱xe nax tümamücüxü̃tawa tanagaxü̃.

Wenaxarü naxümatü ga Tupanaarü mugü 22:1 Referans Kwoze

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.

Ichaía 58:7

Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.

Ucu̱xẽgüchiga 24:11

¡Rü tüxü̃ rüngü̃xẽxẽ ya yíxema yu tümamaxã uegugüxe! ¡Rü nawa tüxü̃ ínanguxü̃xẽxẽ ya yíxema yuwa ĩxẽ!

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

Ore i mexü̃ ga Matéu ümatüxü̃ 15:24

Rü yexguma ga Ngechuchu rü ñanagürü: —Tupana núma choxü̃ namu naxca̱x i ngẽma Iraétanüxü̃gü i rütauxexü̃ rü tama togüca̱x nixĩ i nua choxü̃ namuxü̃ —ñanagürü.

Ore i mexü̃ ga Matéu ümatüxü̃ 10:6

Natürü natanüwa pexĩ i ngẽma Iraétanüxü̃gü i ñoma carnérugürüxü̃ iyarütauxexü̃.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.

Ucu̱xẽgüchiga 28:27

Yíxema nüxü̃ rüngü̃xẽẽ́xẽ i ngẽma ngearü diẽruã̱xgüxü̃, rü tagutáma ta̱xacü tüxü̃́ nataxu. Natürü yíxema namaxã aüxe i ngẽma ngearü diẽruã̱xgüxü̃, rü duü̃xü̃gü rü tá poraãcü chixexü̃ tümamaxã naxuegugü.

Lebítanüxü̃arü puracüchiga 20:4

Rü ngẽxguma ngẽma duü̃xü̃gü ya yima ĩanewa maxẽxü̃ca̱x nataxuraxü̃maregu i norü chixexü̃ i ngẽma yatü i naxacü Molóxna tüxü̃ muxü̃, rü tama yama̱xgüãgu, rü choma rü tá ngẽma yatümaxã chanu rü guxü̃ma i napatacüã̱xmaxã chanu. Rü choma rü wüxicana tá Iraégütanüwa ichayanaxoxẽxẽ i ngẽma yatü wüxigu namaxã i guxü̃ma i ngẽma duü̃xü̃gü i naxrüxü̃ chixexü̃ ügüxü̃ rü Molóxü̃ icua̱xüxü̃güxü̃.

1 Corintios 9:9

Erü ngẽma ore i ümatüxü̃wa rü ñanagürü: “¡Ngẽma woca i tríguarü pute̱xewa puracüxü̃, rü taxũtáma cunawẽxnagu nax tama yimá triguwa nachibüxü̃ca̱x!” ñanagürü i ngẽma ore. Rü nüxü̃ tacua̱x nax tama wocagügu naxĩnüxü̃ ga Tupana ga yexguma yema ñaxgu.

Lebítanüxü̃arü puracüchiga 6:3

Rü ngẽxgumarüxü̃ ta ega texé wüxi i togüarü ngẽmaxü̃ iyarütaxuxü̃ itayangauxgux rü ñu̱xũchi tama nüxü̃ tixuxgu nax nüxü̃ itayangauxü̃, rü chixexü̃ taxü. Rü ngẽxgumarüxü̃ ta ega natüca̱xma tümamücümaxã itaxügagu natürü tama tayangu̱xẽẽgu i ngẽma nüxü̃ tixuxü̃, rü chixexü̃ taxü.

Wenaxarü naxümatü ga Tupanaarü mugü 22:2

Natürü ngẽxguma norü yora i ngẽma naxü̃na tama tümaarü ngaicamagu napexgu rüe̱xna tama nüxü̃ tacua̱xgu nax texéarü yixĩxü̃ i ngẽma naxü̃na, rü name nax tümapatawa tanagaxü̃ ñu̱xmatáta tümaxü̃tawa naxca̱x íyaca i ngẽma norü yora. Rü ngẽxguma i tüma rü name nax norü yoraáxü̃ tanatáeguxẽẽxü̃.

Ucu̱xẽgüchiga 27:10

¡Taxṹ i nüxna quixũgachixü̃ i cumücügü rüe̱xna cunatümücügü, rü tama name i curü guxchaxü̃gümaxã cuenexẽxü̃tawa cuxũ! Ngẽma cuenexẽ i cuxna yáxü̃guxü̃arü yexera cuxü̃́ name i ngẽma cumücü i curü ngaicamawa ngẽxmaxü̃.