Wenaxarü naxümatü ga Tupanaarü mugü 21:11 - Tupanaarü Ore

¹¹ rü ngẽxguma natanüwa wüxíe i petanüwa ngĩxü̃ tada̱u̱xgu rü tüxü̃́ nangúchaü̃gu i wüxi i nge i mechametücü rü ngĩmaxã taxãma̱xgu,

Wenaxarü naxümatü ga Tupanaarü mugü 21:11 Referans Kwoze

Ucu̱xẽgüchiga 31:30

Ngẽxguma napaxgu i wüxi i nge rü imechametü, rü ngẽmaca̱x yatügüaxü̃́ ingúchaü̃, natürü ngẽma ngĩrü pa rü paxaãchimare nixĩ. Natürü ngẽma nge i Tupanaga ĩnücü nixĩ i namexü̃ nax yexera ngĩxü̃ icua̱xüxü̃güxü̃.

Ucu̱xẽgüchiga 31:10

Tama natauxcha nax ngĩxü̃ iyarünga̱u̱xü̃ i wüxi i nge i aixcüma ngĩãẽxü̃ cua̱xcü. Ngĩma rü ñoma nutaacügü ya ngã̱xãẽruü̃arü yexera iyixĩ nax namexẽchixü̃.

Ucu̱xẽgüchiga 6:25

¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!

Iraétanüxü̃arü muxchiga 31:18

Natürü ngẽma paxü̃gü i taguma yatümaxã maxẽxü̃, rü ngexrüma nax penadaixü̃. ¡Rü pexü̃tawa nangẽxmagü! —ñanagürü.

Naanearü ügüchiga 34:8

Natürü nüma ga Amóx rü Acóbu nanegümaxã nidexa rü ñanagürü: —Yimá chaune ya Chiquéü̃ rü poraãcüma nangĩxwa̱xe rü ngĩxü̃ nangẽ̱xẽ i ngẽma peeya̱x. Rü pexü̃ chaca̱a̱xü̃ nax nüxna ngĩxü̃ pemuxü̃ca̱x nax ngĩmaxã naxãmaxü̃ca̱x.

Naanearü ügüchiga 34:3

Rü nüma ga Chiquéü̃ rü poraãcü ngĩxü̃ nangẽ̱xẽ rü nüxü̃́ ingúchaü̃ rü yemaca̱x ngĩmaxã namecüma.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Wenaxarü naxümatü ga Tupanaarü mugü 21:10

Rü ngẽxguma perü uanügümaxã pegü peda̱i̱xgu, rü perü Cori ya Tupana pexme̱xẽgu nayixẽẽgu nax ípenayauxü̃xü̃ca̱x i perü uanügü,

Wenaxarü naxümatü ga Tupanaarü mugü 21:12

rü name nax tümapatawa ngĩxü̃ tagaxü̃, rü tá ngĩxü̃ tamu nax ngĩgü yayoeruxü̃ rü ngĩgü ínayoü̃patüxü̃.