Wenaxarü naxümatü ga Tupanaarü mugü 20:6 - Tupanaarü Ore

⁶ Rü ngẽxguma texé tüxü̃́ nangẽxmagu i tümaarü úbanecü i taguma tabuxarü oóxü̃, rü name nax tümatapataca̱x tataeguxü̃, erü ngürüãchi nuxã daixgu tayu rü tá tomare i duü̃xü̃ nanabuxu i tümaarü úbagü.

Wenaxarü naxümatü ga Tupanaarü mugü 20:6 Referans Kwoze

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Yeremía 31:5

Rü Chamáriaanearü ngüchitaeruxü̃gügu tá wena úbamaxã petoegü. Rü yíxema úba itogüxe rü taãẽãcü tá tanangõ̱xgü i tümaarü úbagü.

Ichaía 65:22

Rü taxũtáma texé taxüpata nax togue nawa maxü̃xü̃ca̱x. Rü taxũtáma texé tatoxe nax togue nangṍxü̃ca̱x. Rü ngẽma chorü duü̃xü̃gü rü tá mucü ya taunecü namaxẽ ñoma wüxi i nairüxü̃. Rü tá nanangõ̱xgü i ngẽma nümatama naxca̱x napuracüexü̃.

1 Corintios 9:7

¿Ta̱xacü rü duü̃xü̃ i churarawa ũxü̃ i nügüxü̃tama naxütanüxü̃ i norü õna? ¿Rü ta̱xacürü duü̃xü̃ i úba itoxü̃ i tama namúxü̃ i norü o? ¿Rü ta̱xacürü duü̃xü̃ i carnérugüna dauxü̃ i tama nagünenixü̃ ne ixaxüxü̃?”

Wenaxarü naxümatü ga Tupanaarü mugü 20:5

Rü ngẽmawena rü ngẽma churaragüarü ãẽ̱xgacügü rü tá norü churaragüxü̃ ñanagürügü: “Rü ngẽxguma texé petanüwa naxü̱xgu ya wüxi ya tümapata ya ngexwacaxü̃ne ya taxũtáma nagu tapexü̃ne, rü name nax tümatapataca̱x tataeguxü̃, erü ngürüãchi nuxã daixgu tayu rü tá tomare i duü̃xü̃ nagu nape.

Wenaxarü naxümatü ga Tupanaarü mugü 20:7

Rü ngẽxguma texé ingĩxchaü̃gu, natürü taxũta itingĩxgu, rü name nax tümatapataca̱x tataeguxü̃, erü ngürüãchi nuxã daixgu tayu rü tá tomare i yatü ngĩmaxã ningĩ i ngẽma nge i ngĩmaxã taxãma̱xchaü̃cü”, ñanagürügü tá.