Wenaxarü naxümatü ga Tupanaarü mugü 20:4 - Tupanaarü Ore

⁴ Erü nüma ya perü Cori ya Tupana rü pexü̃tawa nangẽxma, rü nüma tá nixĩ i nadaiaxü̃ i ngẽma perü uanügü, rü tá nüxü̃ pexü̃ narüporamaegüxẽxẽ”, ñanagürü tá.

Wenaxarü naxümatü ga Tupanaarü mugü 20:4 Referans Kwoze

Ínachoxü̃xü̃chiga 14:14

Rü pema rü taxuca̱xma pexoegaãẽgü. Erü nüma ya Cori ya Tupana rü tá pexü̃ ínapoxü̃ —ñanagürü.

Wenaxarü naxümatü ga Tupanaarü mugü 3:22

¡Rü taxṹ i nüxü̃ cumuü̃xü̃! Erü nüma ya Cori ya curü Tupana tátama pexü̃ naxümücü nax nüxü̃ perüporamaegüxü̃ca̱x i perü uanügü”, ñachagürü nüxü̃.

Yochué 23:10

Rü wüxíetama i pema rü pexü̃́ natauxcha nax 1,000 i duü̃xü̃güxü̃ pixüxẽẽxü̃, erü Cori ya perü Tupana rü peétüwa naxǘ rü pexca̱x nügü namaxã nadai, yema nümatama pemaxã inaxunetaxü̃rüxü̃.

Wenaxarü naxümatü ga Tupanaarü mugü 1:30

Rü yimá tórü Cori ya Tupana rü tá pepe̱xegu nixũ. Rü nüma rü pexca̱x tá perü uanügümaxã nügü nadai, yema Equítuanewa pexca̱x naxüxü̃rüxü̃.

Wenaxarü naxümatü ga Tupanaarü mugü 11:25

Rü taxúetama texé pexü̃ ítayachaxãchigüxẽxẽ. Rü yimá Cori ya perü Tupanagagu rü tá pexü̃ namuü̃e i guxü̃ma i ngẽma duü̃xü̃gü i ngextá ípechopetüetanüxü̃wa, ngẽma nüma pemaxã nüxü̃ yaxuxü̃rüxü̃.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 13:12

¡Rü nagu perüxĩnüe rü tope̱xewa nangẽxmaxü̃ ya Cori ya Tupana! Rü ñu̱xũchi norü chacherdótegü rü marü ínamemaregü nax yacuegüãxü̃ca̱x ya norü cornétagü nax ngẽmaãcü inaxügüxü̃ca̱x nax pemaxã togü tadaixü̃. Rü ngẽmaca̱x, Pa Iraétanüxü̃x, ¡rü taxṹ i namaxã pegü pedaixü̃ ya yima Cori ya nũxcümaü̃güxü̃ i perü o̱xigüarü Tupana ixĩcü! Erü taxũtáma nüxü̃ perüyexeramae —ñanagürü ga Abiáü̃.

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Wenaxarü naxümatü ga Tupanaarü mugü 31:6

Rü ngẽxguma ngẽma duü̃xü̃gümaxã pegü peda̱i̱xgu, ¡rü taxṹ i pemuü̃exü̃ rü peba̱i̱xãchiexü̃! ¡Rü pegü íperüporae! Erü nüma ya Cori ya perü Tupana rü tá petanüwa nangẽxma, rü nüma rü tagutáma pexna nixũgachi rü tagutáma pexü̃ ngéma nawogü —ñanagürü.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

1 Chamué 14:23

Rü yema nügü nax nada̱i̱xü̃ rü ñu̱xmata Bex-abéü̃wa nangu. Rü nüma ya Cori ya Tupana rü yema ngunexü̃gu Iraétanüxü̃xü̃ ínanguxü̃xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:15

Rü ngẽxguma naixtanüwa nüxü̃ cuxĩnügu i churaragücutüga ¡rü naxca̱x íyagoõchi erü ngẽma nixĩ i cua̱xruxü̃ nax choma rü cupe̱xegu chixũxü̃ nax chanadaixü̃ca̱x i ngẽma Firitéugüarü churaragü! —ñanagürü.