Wenaxarü naxümatü ga Tupanaarü mugü 20:10 - Tupanaarü Ore

¹⁰ Rü ngẽxguma marü nüxü̃ pingaicagu ya wüxi ya ĩane ya naxca̱x ípeyachoãchine, rü penaxwa̱xe nax mea namaxã pidexagüxíraxü̃ i ngẽma norü duü̃xü̃gü rü nüxna pecaxü̃ nax tama pegü namaxã pedaixü̃ca̱x.

Wenaxarü naxümatü ga Tupanaarü mugü 20:10 Referans Kwoze

Efesios 2:17

Rü yexguma Cristu núma ũxgu, rü taxca̱x núma nanange ga ore i mexü̃ ga marü yigümaxã rü Tupanamaxã nax rüngüxmüexü̃. Rü yema ore rü toxca̱x nixĩ i toma i Yudíugü ga toxíra Tupanaxü̃ nax tacuáxü̃. Rü yema ore rü pexca̱x rü ta nixĩ ga woo tama Tupanaxü̃ nax pecua̱xgüxü̃ ga noxrix.

2 Corintios 5:18

Rü guxü̃ma i ngẽma rü Tupana nixĩ ya naxücü rü Cristugagu nixĩ ga nügümaxã tüxü̃ iyanangüxmüexẽẽxü̃. Rü ñu̱xma rü toxü̃ namu nax duü̃xü̃gümaxã nüxü̃ tixuxü̃ nax nümagü rü ta Tupanamaxã inangüxmüẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Wenaxarü naxümatü ga Tupanaarü mugü 20:9

Rü ngẽxguma marü yagúegagügu i ngẽma churaragüerugü rü ñu̱xũchi ngẽma capitáü̃gü tá norü churaragüpe̱xegu nachigü rü ngẽmaãcü tá inaxĩãchi.

Wenaxarü naxümatü ga Tupanaarü mugü 20:11

Rü ngẽxguma ngẽma duü̃xü̃gü ya yima ĩanewa maxẽxü̃ rü nayauxgüã̱xgu i ngẽma namaxã nüxü̃ pixuxü̃, rü pexü̃ nachocuxẽẽgu, rü nümagü rü tá pexme̱xwa nangẽxmagü rü tá perü mugüruü̃gü nixĩgü.

Ãẽ̱xgacügü ga guxchaxü̃güarü mexẽxẽruü̃gü 21:13

Rü guxü̃ma ga yema Iraétanüxü̃ rü nanamu ga ñuxre ga orearü ngeruü̃gü nax yema Bẽyamíü̃tanüxü̃ ga nuta ga Rimóü̃wa yexmagüxü̃maxã nüxü̃ yanaxugüexü̃ca̱x rü marü namexü̃ nax nangüxmüexü̃.

Wenaxarü naxümatü ga Tupanaarü mugü 2:26

Rü yexguma chianexü̃ ga Caremóxwa íyexmaxü̃wa, rü choma ga Moiché rü chanamuãchitanü ga ñuxre ga orearü ngeruü̃gü nax mea Ebóü̃arü ãẽ̱xgacü ga Chióü̃maxã yanadexagüxü̃ca̱x rü namaxã nüxü̃ yanaxugüexü̃ca̱x ga chorü ore ga ñaxü̃: “Nagu charüxĩnü nax curü naanewa tachopetüxü̃. Rü nagu tá taxĩ i ngẽma taxü̃ i nama i curü naanewa dapetüxü̃ rü taxũtáma nüxna ítachocu i ngẽma namaarü tügünecüwawa rü bai i norü to̱xwecüwawa.

Ãẽ̱xgacügü ga guxchaxü̃güarü mexẽxẽruü̃gü 11:12

Rü yemawena rü nüma ga Yeté rü orearü ngeruü̃gü inamuãchitanü nax Amóü̃tanüxü̃arü ãẽ̱xgacüxü̃tawa naxĩxü̃ca̱x nax nüxü̃ yanaxugüexü̃ca̱x ga ore ga ñaxü̃: —¿Ta̱xacürü chixexü̃ cumaxã chaxü, rü ngẽmaca̱x i ñu̱xma rü chorü naaneca̱x ícuyagoõchixü̃? —ñaxü̃.