Wenaxarü naxümatü ga Tupanaarü mugü 20:1 - Tupanaarü Ore

¹ Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Wenaxarü naxümatü ga Tupanaarü mugü 20:1 Referans Kwoze

Wenaxarü naxümatü ga Tupanaarü mugü 31:8

Rü nümatama ya Cori ya Tupana rü cupe̱xegu tá nixũ, rü guxü̃gutáma nacuxü̃tagu. Rü tagutáma cuxna nixũgachi rü tagutáma cuxü̃ nangemücü. Rü ngẽmaca̱x tama name nax cumuü̃xü̃ rü naxcha̱xwa quiñaxü̃ —ñanagürü ga Moiché.

Wiyaegü 20:7

Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Wenaxarü naxümatü ga Tupanaarü mugü 31:6

Rü ngẽxguma ngẽma duü̃xü̃gümaxã pegü peda̱i̱xgu, ¡rü taxṹ i pemuü̃exü̃ rü peba̱i̱xãchiexü̃! ¡Rü pegü íperüporae! Erü nüma ya Cori ya perü Tupana rü tá petanüwa nangẽxma, rü nüma rü tagutáma pexna nixũgachi rü tagutáma pexü̃ ngéma nawogü —ñanagürü.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Yochué 1:5

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Wiyaegü 118:6

Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Norü taxre ga to ga popera ga ãẽ̱xgacügüchiga ümatüxü̃ 14:11

Rü naxü̃pa ga nax nügü nada̱i̱xü̃ rü nüma ga Achá rü nayumüxẽ rü Tupanamaxã nidexa rü ñanagürü: —Pa torü Tupanax, namaxã tá togü tadai i ñaa muxũchixü̃ i churaragü i torü uanü ixĩgüxü̃. Rü ngẽmaca̱x curü ngü̃xẽẽca̱x ítaca erü cuxü̃́ tayaxõgü. Rü nataxuma i to i cuxrüxü̃ nüxü̃ rüngü̃xẽẽxü̃ i ngẽma rüturamaexü̃ nax ngẽma rüporamaexü̃me̱xẽwa ínanguxuchixü̃ca̱x. Rü cuma nixĩ i torü Tupana quixĩxü̃. Rü nüxü̃ tacua̱x nax taxúema cuxü̃ rüporamaexü̃ —ñanagürü ga Achá.

Ãẽ̱xgacügü ga guxchaxü̃güarü mexẽxẽruü̃gü 6:12

Rü nüma ga Tupanaarü orearü ngeruxü̃ i daxũcüã̱x rü Yedeóü̃ca̱x nango̱x rü ñanagürü nüxü̃: —Cori ya Tupana rü cuxü̃tawa nangẽxma, Pa Yatü ya Poracü rü Tama Muü̃wa̱xecüx —ñanagürü.

Norü taxre ga to ga popera ga ãẽ̱xgacügüchiga ümatüxü̃ 20:12

Pa Torü Tupanax, ¿Ẽ̱xna taxũtáma cunapoxcue? Erü toma rü taxuacüma namaxã togü tadai erü ngẽma norü churaragü rü namuxũchi rü tama nüxü̃ tacua̱x nax ta̱xacü tá taxüxü̃. Rü ngẽmaca̱x curü ngü̃xẽẽca̱x ítaca —ñanagürü ga Yochapáx.

Yochué 11:9

Rü nüma ga Yochué rü nayanguxẽxẽ ga yema Cori ya Tupana namaxã nüxü̃ ixuxü̃. Rü inanapoepara ga norü uanüarü cowarugü rü ínanagu ga naweü̃gü.

Wenaxarü naxümatü ga Tupanaarü mugü 7:1

Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Wenaxarü naxümatü ga Tupanaarü mugü 2:7

Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Iraétanüxü̃arü muxchiga 23:21

Rü nüma ya Tupana rü tama nagu narüxĩnü i norü chixexü̃ i ngẽma duü̃xü̃gü i Iraétanüxü̃ i Acóbuarü duü̃xü̃gü ixĩgüxü̃. Rü nüma ya Cori ya norü Tupana rü natanüwa nangẽxma, rü tama chixexü̃ namaxã naxüxchaü̃. Rü nümagü rü norü ãẽ̱xgacüãcü nüxü̃ nacua̱xgü.

Wenaxarü naxümatü ga Tupanaarü mugü 7:18

¡Rü taxṹ i nüxü̃ pemuü̃exü̃! ¡Rü nüxna pecua̱xãchie ga yema Cori ya perü Tupana Faraóü̃maxã rü ñu̱xũchi guxü̃ma ga yema Equítuanecüã̱xmaxã naxüxü̃!

Wenaxarü naxümatü ga Tupanaarü mugü 20:2

Rü ngẽxguma nawa nanguxgu i ora nax perü uanügümaxã pegü pedaixü̃ rü nüma ya chacherdóte rü tá perü churaragütanüwa naxũ rü tá nayaxucu̱xẽ rü ñanarügü tá nüxü̃:

Wenaxarü naxümatü ga Tupanaarü mugü 20:3

“Pa Iraétanüxü̃, ¡Choxü̃́ iperüxĩnüe! Ñu̱xma rü tá perü uanügümaxã pegü pedai, natürü tama name i peyarümaãchitanü, rü pemuü̃e, rü naxcha̱xwa pidu̱xrue rü peba̱i̱xãchie.

1 Chamué 17:32

Rü yexguma ga Dabí rü Chaúxü̃ ñanagürü: —Tama name nax texé oegaãẽxü̃ nagagu i ñaa Firitéu, erü chomax i cuxü̃́ puracüxe nax chixĩxü̃, Pa Ãẽ̱xgacüx, rü ngéma tá chaxũ rü namaxã tá togü tadai —ñanagürü.

Norü taxre ga to ga popera ga ãẽ̱xgacügüchiga ümatüxü̃ 20:15

—Pa Ãẽ̱xgacü Pa Yochapáx, rü Pa Yudáanecüã̱xgü rü Pa Yerucharéü̃cüã̱xgüx, ¡rü mea iperüxĩnüe i ñaa ore i pemaxã tá nüxü̃ chixuxü̃! Rü Tupana rü ñanagürü pexü̃: “¡Taxṹ i pemuü̃exü̃ rü peba̱i̱xãchiexü̃ nape̱xewa i ngẽma muxũchixü̃ i churaragü! Rü ngẽma dai rü taxũtáma pemaxã nixĩ erü choma tá nixĩ i togü namaxã tadaixü̃.

Wiyaegü 23:4

Rü woo ãũcümaxü̃ i namagüwa chaxüpetügu, rü taxuca̱xma chamuü̃ erü cumax, Pa Cori Pa Tupanax, rü chauxü̃tawa cungexma. Rü yima curü naixmena̱xã ya carnéruarü axü̃tanüruxü̃maxã choxü̃ ícupoxü̃ rü choxü̃ cutaãẽxẽxẽ.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Iraétanüxü̃arü muxchiga 10:9

Rü ngẽxguma perü uanügü perü naanewa pexca̱x íyaxü̃ãchigu, rü pema rü naxca̱x peyayixgu nax namaxã pegü pedaixü̃ca̱x, rü name i peyacue ya yima cornétagü rü ñu̱xũchi tagaãcü aixta pexüe. Rü ngẽmaãcü i choma ya Cori ya perü Tupana nax chixĩxü̃, rü tá pexna chacua̱xãchi rü tá pexü̃ íchapoxü̃ i perü uanügüme̱xẽwa.

Wenaxarü naxümatü ga Tupanaarü mugü 1:29

Rü yexguma ga choma rü pexü̃ changãxü̃ rü ñachagürü: “¡Taxṹ i pexoegaãxẽgüxü̃ rü nüxü̃ pemuü̃exü̃!

Wenaxarü naxümatü ga Tupanaarü mugü 7:21

¡Rü ngẽmaca̱x taxṹ i nüxü̃ pemuü̃exü̃! Erü yimá perü Cori ya Tupana rü Tupana ya poraxüchicü rü ãũcümaxü̃chicü nixĩ, rü nüma rü petanüwa nangẽxma.

Wenaxarü naxümatü ga Tupanaarü mugü 9:3

Rü ñu̱xma i pema rü marü nüxü̃ pecua̱x nax tórü Cori ya Tupana yixĩxü̃ ga gumá pepe̱xegu ixũcü, rü nüma rü ñoma üxüema i tüxü̃ imáxü̃rüxü̃ tá pepe̱xegu nada̱i̱xü̃ rü iyanamaãchitanüxẽẽxü̃ i ngẽma duü̃xü̃gütücumügü. Pemax rü noxtacüma ngẽxgumatátama ípenawoxü̃ rü penadai, yema Cori ya Tupana pemaxã nüxü̃ ixuxü̃rüxü̃.

Ãẽ̱xgacügü ga guxchaxü̃güarü mexẽxẽruü̃gü 6:16

Rü nüma ga Cori ya Tupana rü nanangãxü̃ rü ñanagürü: —Choma ya Tupana rü cuxü̃tawa tá changexma. Rü tauxchaãcü tá cunadai i ngẽma Madiáü̃tanüxü̃ ñoma wüxitama i yatü quimáxü̃rüxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 14:10

Rü yexguma nüma ga Achá rü inaxũachi namaxã ga norü churaragü. Rü Marecháarü ngaicamawa yexmaxü̃ ga Chepátaarü doxonexü̃wa nangugü. Rü yexma nügü ininu nax yexma nügü nada̱i̱xü̃ca̱x.

Wiyaegü 46:8

¡Rü nua ípeyada̱u̱x i ngẽma taxü̃ i ãũcümaxü̃ i Cori ya Tupana ñoma i naanewa üxü̃!

Yeremía 16:14

Rü nüma ya Cori ya Tupana rü nüxü̃ nixu rü ñanagürü: —Rü tá ínangugü i ngunexü̃gü i taxũtáma nagu ñapegügüxü̃: “¡Namaxü̃ ya Cori ya Tupana ga Equítuanewa Iraétanüxü̃xü̃gü ígaxü̃cü!” ñapegügüxü̃.

Chacaría 10:5

Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.