Wenaxarü naxümatü ga Tupanaarü mugü 2:9 - Tupanaarü Ore

⁹ Rü yexguma ga Cori ya Tupana rü choxü̃ ñanagürü: “¡Taxṹ i penachixewexü̃ rü penadaixü̃ i ngẽma Moátanüxü̃, erü Loxtanüxü̃ nixĩgü! Rü choma rü bai i íxraxü̃ i norü naanegü tá pexna chaxã. Rü choma nixĩ ga Loxtanüxü̃na chanaxãxü̃ ga yema naane ga Ár”, ñanagürü.

Wenaxarü naxümatü ga Tupanaarü mugü 2:9 Referans Kwoze

Iraétanüxü̃arü muxchiga 21:15

Rü yema natüpechinügu taxĩ ñu̱xmata Áranewa tangugü. Rü yemaacü Moátanüxü̃arü naanearü üyeanewa tangugü —ñaxü̃.

Iraétanüxü̃arü muxchiga 21:28

Rü Ebóü̃ ya Chióü̃arü ĩanewa inaxügü nax yayauraxü̃ ya üxü rü ñu̱xmata Moátanüxü̃arü ĩane ya Árwa nangu rü ñu̱xmata Arnóü̃arü ma̱xpǘnegüwa nangu.

Wiyaegü 83:8

Rü woo i ngẽma Achíriaanecüã̱xgü rü ngẽma Loxtanüxü̃ rü natanügu naxãgü.

Ãẽ̱xgacügü ga guxchaxü̃güarü mexẽxẽruü̃gü 11:17

Rü yexguma Edóü̃arü ãẽ̱xgacüxü̃tawa tanamugü ga orearü ngeruü̃gü nax nüxna yacagüxü̃ca̱x nax toxü̃ namupetütanüxü̃ca̱x ga norü naanewa, natürü nüma rü tama toxü̃ namupetütanü. Rü yemaca̱x Moáarü ãẽ̱xgacüna rü ta tacagüe, natürü nüma rü ta tama toxü̃ namupetütanü. Rü yemaca̱x Cadéwatama tayexmagü.

Iraétanüxü̃arü muxchiga 22:4

Rü yemaca̱x ga yema Moáanecüã̱xgü rü Madiáü̃anecüã̱xgüarü ãẽ̱xgacügümaxã nidexagü rü ñanagürügü nüxü̃: —Guxü̃ma i ñaa duü̃xü̃gü i Iraétanüxü̃ rü tá nanapáxẽxẽ i torü naane, ñoma wüxi i woca i maxẽ nagu̱xẽẽxü̃rüxü̃ —ñanagürügü. Rü yemaca̱x ga nüma ga Moáanearü ãẽ̱xgacü ga Baláx rü Tupanaarü orearü uruxü̃ ga Balaáü̃ ga Beúx naneca̱x nangema. Rü nüma ga Balaáü̃ rü ĩane ga Petúxcüã̱x nixĩ rü taxtü ga Eufrátearü ngaicamagu naxãchiü̃ ga Amáxchixü̃anewa. Rü nüma ga Baláx rü duü̃xü̃güxü̃ namu nax Balaáü̃xü̃ ñagüxü̃ca̱x: —Equítuanewa ne naxĩ i duü̃xü̃gü i chauchixü̃ane yapaxẽẽgüxü̃. Rü ñu̱xma rü marü chorü to̱xma̱xtawa nangugü.

Norü taxre ga to ga popera ga ãẽ̱xgacügüchiga ümatüxü̃ 20:10

Rü yexguma Equítuanewa ínachoxü̃gu ga torü o̱xigü ga Iraétanüxü̃, rü cuma rü tama cunaxwa̱xe nax Amóü̃anegu rüe̱xna Moáanegu rüe̱xna Cheíarü máxpü̱xanexü̃gu nachocuxü̃. Rü yemaca̱x tomare ga namagu cunaxĩxẽxẽ ga torü o̱xigü nax tama yema nachixü̃anecüã̱x ga duü̃xü̃güxü̃ nada̱i̱xü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 11:18

Rü yemawena rü chianexü̃gu taxĩ rü Edóü̃tanüxü̃arü rü Moátanüxü̃arü naanexü̃ ítachoegu, rü ñu̱xmata Moátanüxü̃arü éstewaama tangugü. Rü natü i Arnóü̃arü to̱xma̱xtagu tapegü. Natürü tama yema natü tichoü̃ yerü yéma inaxügü ga Moátanüxü̃arü naane.

Ichaía 15:1

Cori ya Tupanaarü ore i Moáchiga ixĩxü̃: Wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Ár. Rü yexgumarüxü̃ ta wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Quíru.