Wenaxarü naxümatü ga Tupanaarü mugü 2:8 - Tupanaarü Ore

⁸ Rü nüxü̃ ítachoeguãchi ga Cheíane ga nawa namaxẽxü̃ ga tatanüxü̃ ga Echaútanüxü̃. Rü nagu taxĩ ga yema nama ga Arabáwa, rü Eráxwa, rü Echióü̃-guébewa daxü̃. Rü ñu̱xũchi nagu taxĩ ga yema nama ga Moáarü chianexü̃wa nadaxü̃.

Wenaxarü naxümatü ga Tupanaarü mugü 2:8 Referans Kwoze

Nüxíraxü̃xü̃ ga popera ga ãẽ̱xgacügüchiga 9:26

Rü Charomóü̃ rü wapurugü naxü nawa ga guma ĩane ga Echióü̃-guébewa. Rü guma ĩane rü Eráxarü ĩanearü ngaixcamana nayexma ga Már i Dauchíüxü̃cutüwa ga Edóü̃arü naanewa.

Norü taxre ga popera ga ãẽ̱xgacügüchiga 16:6

Rü yexgumaü̃cüxü ga nüma ga Edóü̃arü ãẽ̱xgacü rü nachixü̃aneca̱x nanatáeguxẽxẽ ga ĩane ga Eráx. Rü yema Edóü̃cüã̱xgü rü guma ĩanewa nangugü rü Yudáanecüã̱xgüxü̃ yéma ínawoxü̃. Rü yemawena ga yema Edóü̃cüã̱xgü rü guma ĩanewa namaxẽ. Rü ñu̱xma rü ta ngématama nangẽxmagüecha.

Ãẽ̱xgacügü ga guxchaxü̃güarü mexẽxẽruü̃gü 11:18

Rü yemawena rü chianexü̃gu taxĩ rü Edóü̃tanüxü̃arü rü Moátanüxü̃arü naanexü̃ ítachoegu, rü ñu̱xmata Moátanüxü̃arü éstewaama tangugü. Rü natü i Arnóü̃arü to̱xma̱xtagu tapegü. Natürü tama yema natü tichoü̃ yerü yéma inaxügü ga Moátanüxü̃arü naane.

Norü taxre ga popera ga ãẽ̱xgacügüchiga 14:22

Rü nüma ga Acharía rü nanatü yuxguwena nanapu ga ĩane ga Eráx nax wenaxarü Yudáanearü yixĩxü̃ca̱x. Rü ñu̱xũchi nanamexẽxẽ.

Wenaxarü naxümatü ga Tupanaarü mugü 1:1

Rü ñaagü nixĩ ga yema ore ga Moiché nüxü̃ ixuxü̃ namaxã ga guxü̃ma ga Iraétanüxü̃ ga yexguma Arabáarü chianexü̃wa nayexmagügu ga natü ga Yudáü̃arü éstewa ga Chúxarü to̱xma̱xtawa. Rü yema Arabáarü chianexü̃ rü nachicagü ga Paráü̃ rü Tópere rü Labáü̃ rü Acheróx rü Dichaáarü ngãxü̃wa nayexma.

Iraétanüxü̃arü muxchiga 33:35

Rü Abrunáwa inaxĩãchi rü Echióü̃-guébewa nangugü. Rü yexma narücho.

Naanearü ügüchiga 25:23

Rü Tupana rü ngĩxü̃ nangãxü̃ rü ñanagürü: —Nataxree̱xpü̱x nixĩ i ngẽma cunegü i cuanüwa ngẽxmagüxü̃. Rü nüma i taxre rü wüxichigü tá nachixü̃anemaxã inacua̱x. Rü naxü̃pa nax nabuexü̃ rü nügü nadai. Rü wüxi tá nixĩ i rüporamaexü̃. Rü ngẽma rübumaexü̃ rü ngẽma rüyamaexü̃arü yexera tá nixĩ —ñanagürü.

Iraétanüxü̃arü muxchiga 21:4

Rü nüma ga Iraétanüxü̃ rü ínachoxü̃ nawa ga guma ma̱xpǘne ga Ór, rü Már ga Dauchíüxü̃waama naxĩ. Rü yexma ínayachoegu nax tama Edóü̃anewaama nachopetüxü̃ca̱x. Rü yexguma namagu naxĩyane ga duü̃xü̃gü rü marü tama yáxna naxĩnüe ga nax yapaexü̃ rü nataiyaexü̃.