Wenaxarü naxümatü ga Tupanaarü mugü 2:7 - Tupanaarü Ore

⁷ Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Wenaxarü naxümatü ga Tupanaarü mugü 2:7 Referans Kwoze

Ore i mexü̃ ga Luca ümatüxü̃ 22:35

Rü yexguma ga Ngechuchu rü norü ngúexü̃güna naca, rü ñanagürü: —Yexguma pexü̃ chimugügu ngearü chocaã̱xgüxemaxã rü ngearü diẽruã̱xgüxemaxã rü ngearü chapatuã̱xgüxemaxã, ¿rü ta̱xacü pexü̃́ taxuxü̃ ga yexguma? —ñanagürü. Rü nümagü nanangãxü̃gü rü ñanagürügü: —Taxuxü̃ma —ñanagürügü.

Neemía 9:21

Rü 40 ga taunecü õna nüxna cuxã ga yema chianexü̃wa. Rü taguma ta̱xacü nüxü̃́ nataxu, rü bai ga nax yangauxchiruxü̃ rü bai ga nax nachaecutüxü̃.

Wenaxarü naxümatü ga Tupanaarü mugü 29:5

Rü 40 ga taunecü yema chianexü̃gu pemaxã chixũ. Rü guxcüma ga gumá taunecügu rü taxuxü̃ma ga pexchiru rü perü chapatu pexü̃́ nangau.

Wiyaegü 31:7

Rü choma rü chataãẽxüchi erü choxü̃ cungechaü̃ rü chomaxã cumecüma. Erü cuma nüxü̃ cudau nax chanaxĩ̱xãchiãẽxü̃ rü nüxü̃ cucua̱x nax ngechaü̃ chingexü̃.

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Wiyaegü 90:17

Pa Cori Pa Torü Tupanax, tanaxwa̱xe i tomaxã cumecüma rü toxü̃ cungechaü̃. ¡Rü ẽcü toxü̃ rüngü̃xẽxẽ nax mea ínanguxuchixü̃ca̱x i ngẽma puracü i taxüxü̃! Rü tanaxwa̱xe i aixcüma ngẽmaãcü mea ínanguxuchi.

Naanearü ügüchiga 26:12

Rü gumá taunecügu ga Ichaá rü yema naanegu natoe. Rü namu ga norü o yerü Cori ya Tupana nüxü̃ narüngü̃xẽxẽ.

Naanearü ügüchiga 24:35

Rü Cori ya Tupana rü poraãcü nüxü̃ narüngü̃xẽxẽ ya chorü cori ya Abraáü̃, rü nanamuarü ngẽmaxü̃xã̱xẽxẽ. Rü ngẽmaca̱x nüxna nanaxã i muxũchixü̃ i norü carnérugü, rü wocagü rü caméyugü, rü búrugü, rü úirugü, rü diẽrugü, rü norü puracütanüxü̃ i yatüxü̃ rü ngexü̃.

Naanearü ügüchiga 12:2

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.

Naanearü ügüchiga 39:5

Rü yexguma Yúcheme̱xẽgu naxǘãgu ga napata rü norü yemaxü̃gü, rü Cori ya Tupana rü poraãcü Potifáxü̃ narüngü̃xẽxẽ ga napatawa rü naanewa rü naxü̃nagüwa.

Ore i mexü̃ ga Cuáü̃ ümatüxü̃ 10:27

Chorü carnérugü rü nüxü̃ nacua̱x i chauga, rü choma rü chorü carnérugüxü̃ chacua̱x, rü nüma rü chowe narüxĩ.

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Naanearü ügüchiga 30:27

Natürü nüma ga Labáü̃ rü nanangãxü̃ rü ñanagürü: —¿Taxũchima cuxü̃́ namexü̃ nax nua chauxü̃tawa cungexmaxü̃? Erü meama nüxü̃ chacua̱x nax cugagu yixĩxü̃ i Cori ya Tupana poraãcü choxü̃ rüngü̃xẽẽxü̃.

Iraétanüxü̃arü muxchiga 14:33

Rü penegü rü 40 ya taunecü tá ñaa chianexü̃wa nangẽxmagü rü nua naxü̃nagüarü dauruxü̃ tá nixĩgü. Rü ñu̱xma nax tama chauga pexĩnüexü̃ rü penegü rü tá nanaxütanügü i ngẽma perü chixexü̃ ñu̱xmatáta guxãma i pema rü nuxã chianexü̃gu peyue.

Iraétanüxü̃arü muxchiga 14:34

Rü pemax rü 40 ga ngunexü̃ pinge nax penangugügüxü̃ i ngẽma nachixü̃ane. Rü ngẽmaca̱x rü 40 ya taunecü tá nixĩ i ñaa chianexü̃gu ipexĩĩxü̃ nax ngẽmaãcü peyangutanüxẽẽxü̃ca̱x i perü poxcu. Rü ngẽma 40 i ngunexü̃ca̱x rü 40 ya taunecü tá nixĩ. Rü ngẽmawa tá nixĩ i nüxü̃ picua̱xãchitanü nax ta̱xacü tüxü̃ nangupetüxü̃ ya yíxema tama chauga ĩnüxe.

Iraétanüxü̃arü muxchiga 32:13

Rü yemaacü ga Cori ya Tupana rü yema Iraétanüxü̃maxã nanu, rü 40 ga taunecü chianexü̃wa nanayexmagüxẽxẽ, ñu̱xmata taxuxü̃ma i maxü̃xü̃ íyaxü ga yema Cori ya Tupanape̱xewa chixexü̃ ügüxü̃.

Wenaxarü naxümatü ga Tupanaarü mugü 1:19

Rü nüma ga Moiché rü ñanagürü: —Yexguma ma̱xpǘne ga Oréxwa ixĩãchigu, rü guma ma̱xpǘnegü ga Amoréutanüxü̃ nagu ãchiü̃günewaama taxĩ, yerü yemaacü nixĩ ga tórü Cori ya Tupana tüxü̃ muxü̃. Rü nagu taxĩ ga yema chianexü̃ ga taxü̃ rü ãũcümaxü̃ ga pema marü nüxü̃ pedauxü̃, rü ñu̱xmata nawa tangugü ga Cadé-banéa.

Wenaxarü naxümatü ga Tupanaarü mugü 1:46

Rü yemaca̱x ga pema rü muxü̃ma ga ngunexü̃gü Cadéanewa peyexmagü —ñanagürü ga Moiché.

Wenaxarü naxümatü ga Tupanaarü mugü 2:6

Pemax rü nüxna tá naxca̱x pecagü nax pexü̃ namaxã nataxegüxü̃ca̱x i õnagü i penaxwa̱xexü̃. Rü nüxü̃́ tá penaxütanügü. Rü woo ngẽma dexá i perü axeruü̃gü rü nüxü̃́ tá penaxütanü”, ñanagürü.

Wenaxarü naxümatü ga Tupanaarü mugü 2:14

Rü yema ngunexü̃ ga Cadé-banéawa nagu ixĩãchixü̃gu rü ñu̱xmata yema ngunexü̃ ga natüacü ga Chérexwa nagu ichoü̃xü̃gu rü 38 ga taunecü marü ningu. Rü gumá 38 ga taunecügügu nixĩ ga yoxni nayuexü̃ ga guxü̃ma ga yema yatügü ga daiwa imexü̃, yema Cori ya Tupana namaxã naxueguxü̃rüxü̃.

Yochué 5:6

Yema Iraétanüxü̃ ga Equítuanewa íchoxü̃xü̃ rü 40 ga taunecü nixĩ ga yema ínachianexü̃gu naxĩxü̃. Rü guxü̃ma ga yema iyatüxü̃ ga marü churarawa imexü̃ ga yexguma Equítuanewa ínachoxü̃gu rü namagu nixĩ ga nayuexü̃. Rü yema duü̃xü̃gü rü tama Cori ya Tupanaga naxĩnüechaü̃, rü yemaca̱x nüma ga Tupana rü namaxã nanaxuegu nax taxũtáma nüxü̃ nadaugüxü̃ ga yema naane ga norü o̱xigümaxã naxueguxü̃ i ngextá lechi rü berure taguma ítaxuxü̃wa ñoma dexá iyaxü̃rüxü̃.

Wiyaegü 107:4

Rü nümagü rü ínachianexü̃wa ga ngextá taxúema íxãpataxü̃wa nachopetü nax naxca̱x nadaugüxü̃ca̱x ga wüxi ga ĩane ga nagu naxãchiü̃güne. Natürü ínatüe rü tama nüxü̃ inayangaugü ga nama ga wüxi ga ĩanewa nadaxü̃.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Ochéa 13:5

Rü choma nixĩ ga pexna chadauxü̃ ga yexguma yema chianexü̃wa peyexmagügu.

Amúx 2:10

Rü choma nixĩ ga Equítuanewa pexü̃ íchagaxü̃xü̃, rü 40 ga taunecü ínachianexü̃gu pexü̃ chigagü nax pexna chanaxãxü̃ca̱x ga Amoréutanüxü̃arü naane.

Naanearü ügüchiga 39:3

Rü yema norü cori rü nüxü̃ nicua̱xãchi nax Yúchexü̃tawa nayexmaxü̃ ga Tupana, yerü guxü̃ma ga yema naxüxü̃, rü meama inixũ.

Ínachoxü̃xü̃chiga 16:35

Rü 40 ga taunecü nixĩ ga Iraétanüxü̃ ga manámaxã naxãwemügüxü̃ ñu̱xmata yema naane ga togü ga duü̃xü̃gü nawa yexmagüxü̃wa nangugü. Rü yemaacü manámaxã naxãwemügüxü̃ ñu̱xmata yema Canaáü̃anearü üyewa nangugü.

Iraétanüxü̃arü muxchiga 1:1

Rü yexguma norü taxre ga taunecüwa nanguxgu nax Equítuanewa ínachoxü̃xü̃, rü gumáarü taxre ga tauemacügu nixĩ ga Tupana ga Moichémaxã yadexaxü̃ nawa ga guma norü tügümüne ga napata ga Chinaíarü chianexü̃wa yexmane.

Iraétanüxü̃arü muxchiga 22:12

Rü nüma ga Tupana rü Balaáü̃maxã nüxü̃ nixu rü ñanagürü: —Tama chanaxwa̱xe i nawe curüxũ rü chixexü̃ namaxã cuxuegu i ngẽma Iraétanüxü̃, erü ngẽma duü̃xü̃gü rü chomatama marü mexü̃ namaxã chaxuegu —ñanagürü.

Wenaxarü naxümatü ga Tupanaarü mugü 29:4

Natürü woo i ñu̱xma ya Cori ya Tupana rü tama pexü̃ nüxü̃ nacua̱xẽxẽ rü tama pexca̱x nanango̱xẽxẽ nax ta̱xacüca̱x yixĩxü̃ nax naxüaxü̃ ga guxü̃ma ga yema.