Wenaxarü naxümatü ga Tupanaarü mugü 2:25 - Tupanaarü Ore

²⁵ Rü ñu̱xmawena rü tá muü̃ naxca̱x íchanguxẽxẽ i guxü̃ i nachixü̃anecüã̱x i ñoma i naanewa ngẽxmagüxü̃ nax pexü̃ namuü̃exü̃ca̱x. Rü ngẽxguma pechigaxü̃ naxĩnüegu rü muü̃maxã tá nidu̱xruxe rü tá poraãcü nanaxĩ̱xãchiãẽgü”, ñanagürü.

Wenaxarü naxümatü ga Tupanaarü mugü 2:25 Referans Kwoze

Wenaxarü naxümatü ga Tupanaarü mugü 11:25

Rü taxúetama texé pexü̃ ítayachaxãchigüxẽxẽ. Rü yimá Cori ya perü Tupanagagu rü tá pexü̃ namuü̃e i guxü̃ma i ngẽma duü̃xü̃gü i ngextá ípechopetüetanüxü̃wa, ngẽma nüma pemaxã nüxü̃ yaxuxü̃rüxü̃.

Wenaxarü naxümatü ga Tupanaarü mugü 28:10

Rü ngẽxguma i guxü̃ma i togü i nachixü̃anecüã̱xgü i ñoma i naanewa ngẽxmagüxü̃ rü tá nüxü̃ nadaugü nax pemax rü aixcüma Cori ya Tupanaarü duü̃xü̃gü pixĩgüxü̃, rü ngẽmaca̱x tá pexü̃ namuü̃e.

Ínachoxü̃xü̃chiga 23:27

Rü ngẽma nachixü̃anegü i nawa pechopetüetanüxü̃ rü choma rü tá muü̃ natanüwa íchanguxẽxẽ nax pexü̃ namuü̃exü̃ca̱x rü pexcha̱xwa yabuxmüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Wiyaegü 105:38

Rü nümagü ga Equítuanecüã̱xgü rü nataãẽgü ga yexguma nüxü̃ nadaugügu ga nax inaxĩãchixü̃, yerü poraãcü naxcha̱xwa namuü̃e.

Yochué 9:24

Rü nümagü rü Yochuéxü̃ nangãxü̃gü rü ñanagürügü: —Rü ngẽmaãcü pemaxã nüxü̃ tixu erü poraãcü pexü̃ tamuü̃e erü nagu tarüxĩnüe nax toxü̃ pedaixü̃. Yerü nüxü̃ tacuáchigagü ya yimá perü Cori ya Tupana rü norü duü̃ ga Moichéxü̃ namu nax pexna naxããxü̃ i guxü̃ma i ñaa naane rü nadaiaxü̃ i guxü̃ma i duü̃xü̃gü i ñaa naanegu ãchiü̃güxü̃.

Yeremía 33:9

Rü Yerucharéü̃ rü tá choxü̃ nataãxẽxẽxẽ rü tá choxü̃ natachigaxẽxẽ rü tá choxü̃ nicua̱xüxü̃ nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü ngẽxguma ngẽma nachixü̃anegü nüxü̃ cuáchigagügu i guxü̃ma i ngẽma ngü̃xẽẽgü i Yerucharéü̃arü duü̃xü̃güca̱x íchanguxẽẽxü̃ rü ngẽma mexü̃gü i nüxna chaxãxü̃, rü ngẽma nachixü̃anegü rü norü muü̃maxã tá nidu̱xruxe’ ” —ñanagürü.

Naanearü ügüchiga 35:5

Rü yexguma inaxĩãchigu ga Betéwa nax naxĩxü̃ca̱x, rü Tupana rü nanamuü̃xẽxẽ ga guxü̃ma ga yema ĩanegücüã̱x ga Chiquéü̃arü ngaicamana yexmagüxü̃ nax tama Acóbu nanegüwe nangegüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:17

Rü yemaacü guxü̃ ga nachixü̃anegüwa nanguchiga ga Dabí. Rü nüma ga Cori ya Tupana rü yemaacü nanaxü nax yemaacü guxü̃ i nachixü̃anegücüã̱xgü nüxü̃ muü̃exü̃ca̱x.

Iraétanüxü̃arü muxchiga 22:3

Rü yexgumarüxü̃ ta ga yema norü duü̃xü̃gü ga Moáanecüã̱xgü, rü namuü̃e ga yexguma yema Iraétanüxü̃xü̃ nadaugügu ga nax namuxũchixü̃.