Wenaxarü naxümatü ga Tupanaarü mugü 2:18 - Tupanaarü Ore

^18-19 “Ñu̱xmatatama nixĩ i nawa pechopetüxü̃ i ngẽma Moáarü üyeane, rü ñu̱xũchi Árwaama tá pexĩ. Natürü ngẽxguma tá namaxã ipeyarüxĩxgu i ngẽma Amóü̃tanüxü̃ i Loxtaagü ixĩgüxü̃, ¡rü taũtáma penachixewegü rü taũtáma penadai! Erü choma rü taxuxü̃táma bai i íxraxü̃ i norü naane tá pexna chaxã, erü choma nixĩ i Loxtaagüna chanaxãxü̃ i ngẽma naane nax noxrügüxü̃ yaxĩxü̃ca̱x”, ñanagürü ga Tupana.

Wenaxarü naxümatü ga Tupanaarü mugü 2:18 Referans Kwoze

Iraétanüxü̃arü muxchiga 21:23

Natürü ga Chióü̃ rü tama Iraétanüxü̃xü̃ norü naanewa nachopetüxẽẽchaü̃. Rü nüma ga Chióü̃ rü guxü̃ma ga norü churaragüxü̃ nanutaque̱xe, rü chianexü̃wa Iraétanüxü̃xü̃ narünguxẽxẽ. Rü yexguma ĩane ga Yaáchawa nangugügu ga Iraétanüxü̃ rü Chióü̃ rü yexma Iraétanüxü̃maxã nügü nadai.

Ichaía 15:1

Cori ya Tupanaarü ore i Moáchiga ixĩxü̃: Wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Ár. Rü yexgumarüxü̃ ta wüxitama ga chütaxü̃ nixĩ ga nadaiãcuãxü̃ ga guma Moáanearü ĩane ga Quíru.

Iraétanüxü̃arü muxchiga 21:15

Rü yema natüpechinügu taxĩ ñu̱xmata Áranewa tangugü. Rü yemaacü Moátanüxü̃arü naanearü üyeanewa tangugü —ñaxü̃.

Wenaxarü naxümatü ga Tupanaarü mugü 2:9

Rü yexguma ga Cori ya Tupana rü choxü̃ ñanagürü: “¡Taxṹ i penachixewexü̃ rü penadaixü̃ i ngẽma Moátanüxü̃, erü Loxtanüxü̃ nixĩgü! Rü choma rü bai i íxraxü̃ i norü naanegü tá pexna chaxã. Rü choma nixĩ ga Loxtanüxü̃na chanaxãxü̃ ga yema naane ga Ár”, ñanagürü.

Ãẽ̱xgacügü ga guxchaxü̃güarü mexẽxẽruü̃gü 11:18

Rü yemawena rü chianexü̃gu taxĩ rü Edóü̃tanüxü̃arü rü Moátanüxü̃arü naanexü̃ ítachoegu, rü ñu̱xmata Moátanüxü̃arü éstewaama tangugü. Rü natü i Arnóü̃arü to̱xma̱xtagu tapegü. Natürü tama yema natü tichoü̃ yerü yéma inaxügü ga Moátanüxü̃arü naane.

Iraétanüxü̃arü muxchiga 21:13

Rü moxü̃ãcü rü yéma inaxĩãchi rü inaxĩ. Rü natü i Arnóü̃arü tocutüguama nayapegü. Rü yema natü rü chianexü̃wa nayexma, rü Amoréutanüxü̃anewa ne nada. Rü yema natü nixĩ ga norü üyeane ga Moátanüxü̃ rü Amoréutanüxü̃.