Wenaxarü naxümatü ga Tupanaarü mugü 2:15 - Tupanaarü Ore

¹⁵ Yerü natanügu nangu ga yema Cori ya Tupanaarü nu, ñu̱xmata guxü̃ma yue.

Wenaxarü naxümatü ga Tupanaarü mugü 2:15 Referans Kwoze

Wiyaegü 106:26

Rü yemaca̱x ga nüma ga Cori ya Tupana rü namaxã nanaxuegu rü tá nadaiaxü̃ yema ínachianexü̃gu.

1 Corintios 10:5

Natürü yema rümumaexü̃ ga duü̃xü̃gü rü tama Tupanaarü ngúchaü̃ naxügü. Rü yemaca̱x yexma nayue rü yéma nawogü ga naxü̃negü ga yema chianexü̃wa.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Wiyaegü 78:33

Rü yemaca̱x nixĩ ga Tupana ga poxcu ga ãũcümaxü̃chixü̃ naxca̱x ínangu̱xẽẽxü̃, rü noxtacüma nanadai ga muxü̃ma naxü̃pa ga nawa nax nanguxü̃ ga yema ngunexü̃ ga woechitama nagu nayuexü̃.

Wiyaegü 32:4

Rü chütacü rü ngunecü choxü̃ icurüwe̱xãchixẽxẽ, Pa Tupanax. Rü yema chorü pora rü ínaxũxũ ñoma putürachacu i üa̱xcü ipaxẽẽxü̃rüxü̃.

1 Chamué 7:13

Rü nüma ga Iraétanüxü̃ rü Firitéugüxü̃ narüporamae, rü taguma wena Iraétanüxü̃arü naanewa ínayaxüãchi. Rü yexguma namaxü̃gu ga Chamué rü Cori ya Tupana rü Firitéugümaxã narüxuanü.

1 Chamué 5:11

Rü guma ĩanewa rü guxü̃ma ga duü̃xü̃gü rü nanaxĩ̱xãchiãẽgü, yerü Tupana rü poraãcü nanapoxcue. Rü yemaca̱x ga yema ĩanecüã̱xgü rü guxü̃ma ga Firitéugüarü ãẽ̱xgacügüca̱x nangema rü ñanagürügü nüxü̃: —¡Nua torü ĩanewa ípenangexechi i ngẽma baú i Iraéanecüã̱xgüarü Tupanaarü mugüchixü̃, rü nachixü̃aneca̱xtama penataeguxẽxẽ nax tama toxü̃ nada̱i̱xü̃ca̱x i guxãma i tomax! —ñanagürügü.

1 Chamué 5:9

Natürü yexguma marü yéma nangegüãguwena, rü nüma ga Cori ya Tupana rü yema ĩanecüã̱xgüxü̃ nayaxĩ̱xãchiãẽxẽẽgü yerü taixnamaxã nayada̱xaweexẽxẽ ga guxü̃ma ga duü̃xü̃gü ga ibuxü̃ rü iyaxü̃.

1 Chamué 5:6

Natürü nüma ga Cori ya Tupana rü poraãcü nanapoxcue rü nanamuü̃exẽxẽ ga yema duü̃xü̃gü ga Adúxcüã̱x. Rü yema duü̃xü̃gü ga yema naanegu pegüxü̃ rü taixnamaxã nayada̱xaweexẽxẽ.

Ãẽ̱xgacügü ga guxchaxü̃güarü mexẽxẽruü̃gü 2:15

Rü yexguma Iraétanüxü̃ norü uanügümaxã nügü daixgu, rü nüma ga Cori ya Tupana rü nüxü̃́ nanaguxchaxẽxẽ, rü yemaca̱x chixri nüxü̃́ ínanguxuchi yema nümatama ga Cori namaxã naxueguxü̃rüxü̃. Natürü woo yema Iraétanüxü̃ca̱x ínananguxẽxẽ ga guxchaxü̃gü, natürü yemaétüwa rü nüma ga Tupana rü Iraétanüxü̃tanüwa nanangucuxẽxẽ ga ãẽ̱xgacügü nax yema ínapoxü̃güxü̃ca̱x norü uanügüna.

Popera ga Yúda ümatüxü̃ 1:5

Rü woo marü nüxü̃ nax pecuáxü̃, natürü chanaxwa̱xe nax pexna nüxü̃ chacua̱xãchixẽẽxü̃ ga yema nüxü̃ ngupetüxü̃ ga yema nũxcümaü̃güxü̃ ga Iraétanüxü̃ ga Moichéwe rüxĩxü̃. Rü nüma ga Cori ya Tupana rü Equítuanewa ínananguxü̃xẽxẽ, natürü yemawena rü nanadai ga yema tama nüxü̃́ yaxõgüchaü̃xü̃.

Iraétanüxü̃arü muxchiga 14:28

Rü ngẽmaca̱x i ngẽma duü̃xü̃gü i naxca̱x ícagüxü̃ nax nua ínachianexü̃gu nayuexü̃ ¡rü namaxã nüxü̃ yarüxu rü choma ya Cori ya Tupana rü ngẽma nümatama naxca̱x ínacagüxü̃ãcü tá naxca̱x chanaxü!