Wenaxarü naxümatü ga Tupanaarü mugü 2:10 - Tupanaarü Ore

¹⁰ (Rü nũxcüma ga yema naane rü Éntanüxü̃ nawa namaxẽxü̃. Rü yema duü̃xü̃gü rü nitaxü̃ne rü namuxũchi. Rü nimáchane yema Anáxtanüxü̃rüxü̃.

Wenaxarü naxümatü ga Tupanaarü mugü 2:10 Referans Kwoze

Naanearü ügüchiga 14:5

Rü gumá taunecüwena rü nüma ga Queduraúme, rü ñu̱xũchi yema ãẽ̱xgacügü ga nawa ügüxü̃, rü Atarú Canaíü̃anewa naxĩ. Rü yexma nayadai ga Refátanüxü̃. Rü ñu̱xũchi Ámgu nayadai ga Chúxtanüxü̃ rü Chabé-quiriataíü̃gu nayadai ga Éntanüxü̃.

Wenaxarü naxümatü ga Tupanaarü mugü 2:11

Rü duü̃xü̃gü nagu rüxĩnüegu nax Refátanüxü̃ yaxĩgüxü̃, natürü ga Moátanüxü̃ rü Éntanüxü̃maxã nanaxugü.

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Wenaxarü naxümatü ga Tupanaarü mugü 1:28

Rü ñaperügügü ta: “Rü ñu̱xma ¿rü ngextá tá taxĩ? Rü tatanüxü̃ i ngugüwa ĩxü̃ rü nüxü̃ nixugügü rü ngéma nax nangemaxü̃ i duü̃xü̃gü i tüxü̃ rüporamaegüxü̃ rü tüxü̃ rümáchanemaegüxü̃, rü nangẽxmaxü̃ ya ĩanegü ya itaxü̃ne ya imáchanearü poxeguã̱xgüne, rü nüxü̃ nadaugüxü̃ ga Anáxtanüxü̃ ga imáchanexü̃chixü̃. Rü guxü̃ma ga yema nixĩ ga toxü̃ íyaxoetanüãchixẽẽxü̃”, ñaperügügü.

2 Chamué 21:16

Rü yemaca̱x wüxi ga Firitéu ga máchanexü̃ ga Ibí-benoxgu ãégaxü̃ rü Dabíxü̃ nimáxchaü̃. Rü guma naxne ga wocae rü 3 quíruarü yexera naya. Rü nacüwawa irütu ga norü tara ga yexwaca̱xü̃cü.