Wenaxarü naxümatü ga Tupanaarü mugü 19:4 - Tupanaarü Ore

⁴ Rü ngẽma máetaxü̃ rü ngẽxguma aixcüma yixĩxgu nax tama nagu naxĩnüãcüma rü tama tümachi naxaiãcüma tüxü̃ yama̱xcüraxü̃xü̃, rü marü name i ngexnerüne ya yima ĩanegu yanacúxü̃ca̱x nax ngẽmaãcü tama yama̱xgüãxü̃ca̱x i ngẽma natanüxü̃ i ngẽma duü̃xü̃ i yuxü̃.

Wenaxarü naxümatü ga Tupanaarü mugü 19:4 Referans Kwoze

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:2

Natürü woo yexguma tórü ãẽ̱xgacü yixĩxgu ga Chaú, natürü cuma nixĩ ga Iraéanearü churaragümaxã icucuáxü̃ ga yexguma tórü uanügümaxã nügü nadaixgu. Rü ñu̱xũchi nüma ya Cori ya curü Tupana rü cumaxã inaxuneta nax cuma yixĩxü̃ i tomaxã icucuáxü̃ nax torü ãẽ̱xgacü quixĩxü̃ca̱x —ñanagürügü.

Yochué 3:4

Rü ngẽmaãcü tá nüxü̃ pecua̱x nax ngextáama pexĩxü̃ yerü ga ü̃pa rü taguma texé i petanüwa nagu tixũ i ngẽma nama. ¡Natürü taxúetama nüxna tangaicama i ngẽma baú! ¡Rü guxü̃gutáma wüxi i quirumétru tá nixĩ i nüxna peyáxü̃guxü̃! —ñanagürügü.

Wenaxarü naxümatü ga Tupanaarü mugü 19:6

Rü tama name nax nügüna nayaxü̃xü̃ ya yima ĩanegü ya cu̱xchicaxü̃gü, erü ngẽxguma chi nayáxü̃gu, rü ngürüãchi wüxi i natanüxü̃ i ngẽma yuxü̃ rü norü numaxã tá nawe nangẽ nax yamáãxü̃ca̱x, rü ngürüãchi namagu tá nüxü̃ nayangau rü tá nayama̱x woo i ngẽma yama̱xcüraxü̃xü̃maxã rü taguma nügü chi naxaiegu.

Naanearü ügüchiga 31:2

Rü yexgumarüxü̃ ta ga Acóbu, rü nüxü̃ nacua̱xama rü Labáü̃ rü tama noxrigurüxü̃ namaxã nataãxẽ.

Iraétanüxü̃arü muxchiga 35:9

Rü nüma ya Cori ya Tupana rü Moichéxü̃ ñanagürü:

Iraétanüxü̃arü muxchiga 35:12

Rü ngẽxma tá nixĩ i tayarücúxü̃ ya yíxema máetacüraxü̃xe naxcha̱xwa i ngẽma yuxü̃tanüxü̃ i ütanüchaü̃güxü̃. Rü taxũtáma yaxtacüma tüxü̃ nima̱xgü naxü̃pa nax duü̃xü̃güpe̱xewa tüxü̃ nagagüxü̃ nax mea tüxna nacagüxü̃ca̱x rü nüxü̃ tixuxü̃ca̱x nax tama woetama tayamáxü̃.

Wenaxarü naxümatü ga Tupanaarü mugü 19:5

Rü ngẽxgumarüxü̃ chi wüxi i duü̃xü̃ namücümaxã naixnecüwa üxüwa naxĩxgu, rü ngürüãchi íyachexnecüüyane ítangoxochigu ya norü yuema rü ngẽma namücüeruwa taña rü nayu, rü marü name nax wüxi ya yima ĩanegüwa nañaxü̃ nax ngẽxma yanacúxü̃ca̱x rü ngẽmaãcü tama yama̱xgüãxü̃ca̱x i ngẽma natanüxü̃ i ngẽma duü̃xü̃ i yuxü̃.

2 Chamué 14:11

Natürü ga ngĩma rü nüxna iyacachigüama rü ngĩgürügü: —Cuxna naxca̱x chaca, Pa Ãẽ̱xgacüx, nax curü Cori ya Tupanana cucaxü̃ nax tama chaunexü̃ yamáxü̃ i ngẽma chautanüxü̃ i naxütanüchaü̃xü̃ ya yimá chaune ya yucü. Erü ngẽxguma yamáagu ya yimá nai ya chaune rü tá nayexera i ngẽma guxchaxü̃ —ngĩgürügü. Rü nüma ga ãẽ̱xgacü rü aixcüma ngĩmaxã nüxü̃ nixu rü ñanagürü: —Cori ya Tupanape̱xewa cumaxã nüxü̃ chixu rü bai tá i wüxi i nayae i waixü̃mügu nguxü̃ ya yima cune —ñanagürü.