Wenaxarü naxümatü ga Tupanaarü mugü 19:10 - Tupanaarü Ore

¹⁰ Rü ngẽmaãcü i perü naane i Cori ya Tupana pexna ãxü̃wa rü taxũtáma nayama̱xgü i ngẽma máetacüraxü̃xü̃. Rü ñu̱xũchi i pema rü taxuca̱xma nipeguãchi.

Wenaxarü naxümatü ga Tupanaarü mugü 19:10 Referans Kwoze

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Ucu̱xẽgüchiga 6:17

Rü ñaagü nixĩ: yima naxetü ya nügü icua̱xü̃ne, rü yimá conü ya idoreta̱xácü, rü yima naxme̱x ya tüxü̃ imáxe ya duü̃xẽ ya taxuxü̃ma i chixexü̃ ǘxe, rü ngẽma naãxẽ i chixexü̃gu rüxĩnüxü̃, rü yima nacutügü ya paxa ixüãchine nax chixexü̃ naxügüxü̃ca̱x, rü ngẽma poxü̃ruxü̃neta i dorata̱xáxü̃, rü ngẽma daica̱x dauxü̃ i naenexẽgümaxã.

Yoná 1:14

Rü yexguma ga nümagü rü Cori ya Tupanana nacagüe rü ñanagürügü: —Pa Cori Pa Tupanax ¡Taxṹ i nuxã toxü̃ cuyuexẽxẽxü̃ nagagu i ñaa yatü! Rü ngẽxguma chi taxuxü̃ma i chixexü̃ naxü̱xgux rü ¡taxṹ i cuyatoguãchixẽxẽxü̃ nax nayuxü̃! Erü cumax, Pa Corix, Pa Tupanax, rü cunaxü i ta̱xacü i cuma cunaxwa̱xexü̃ãcüma —ñanagürügü.

Joel 3:19

Rü Equítuane rü tá nachixe, rü Edóü̃ane rü wüxi i naane i ngextá taxúema íxãpataxü̃warüxü̃ tá nixĩ. Yerü Yudáchixü̃aneca̱x ínayaxüãchi rü nanadai ga duü̃xü̃gü ga taxuxü̃ma chixexü̃ ügüxü̃.

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Nüxíraxü̃xü̃ ga popera ga ãẽ̱xgacügüchiga 2:31

Rü yexguma nüma ga ãẽ̱xgacü rü nanangãxü̃ rü ñanagürü: —¡Ẽcü, ngẽma nüma cumaxã nüxü̃ yaxuxü̃ãcütama naxü, rü ngẽxmatama yama̱x rü ngẽmawena rü nata̱x! Rü ngẽmaãcü i choma rü chaunatü rü tá nawa ítanguxü̃ ga yema guxchaxü̃ ga Yoá üxü̃ nax tüxü̃ nada̱i̱xü̃ ga ñuxre ga duü̃xẽgü ga taxuxü̃ma ga chixexü̃ ügüxe.

Wenaxarü naxümatü ga Tupanaarü mugü 19:13

Rü taxũtáma pexü̃́ nangechaü̃tümüxü̃ i ngẽma máetaxü̃ nax ngẽmaãcü Iraéanewa nataxuxü̃ca̱xma i duü̃xü̃ i taxuxü̃ma chixexü̃ naxüãcüma yuxü̃. Rü ngẽxguma ngẽmaãcü penaxü̱xgu, rü mea tá pexü̃́ ínanguxuchi i guxü̃ma i ngẽma pexüxü̃.

Iraétanüxü̃arü muxchiga 35:33

¡Rü taxṹ i máetamaxã penaxãũãchixẽxẽ i ngẽma nachixü̃ane i nawa tá pemaxẽxü̃! Erü ngẽma máeta rü poraãcü nanachixexẽxẽ i wüxi i nachixü̃ane. Rü nüma i máetaxü̃ rü ma̱xgu tá nayu. Rü taxucürüwa i ta̱xacü i tomaxã tanaxütanü i ngẽma máeta.

Wiyaegü 94:21

Erü ngẽma duü̃xü̃gü rü nügümaxã nagu narüxĩnüe nax tüxü̃ napoxcuexü̃ ya yíxema taxuxü̃ma i chixexü̃ ügüchiréxe. Rü tümamaxã nanaxuegugü nax tayuxü̃.

1 Chamué 19:5

¿Ẽ̱xna marü nüxü̃ curüngü̃ma ga yexguma norü maxü̃ ãũcümaxü̃wa nayexmaxẽẽgu ga Goriáxü̃ yama̱xgu, rü yemaacü ga Cori ya Tupana rü Iraéanecüã̱xgüxü̃ guxchaxü̃wa ínanguxü̃xẽxẽ? Cumax, Pa Ãẽ̱xgacüx, rü nüxü̃ cudau ga yema, rü cutaãxẽ. ¿Rü tü̱xcüü̃, Pa Ãẽ̱xgacüx, i cuyamáxchaü̃xü̃ i wüxi i duü̃xü̃ i taxuxü̃ma i chixexü̃ cumaxã üxü̃? ¿Rü ta̱xacüca̱x tá cuyama̱x ya Dabí? —ñanagürü.

Wenaxarü naxümatü ga Tupanaarü mugü 4:21

Natürü nüma ga Cori ya Tupana rü pegagu chomaxã nanu, rü chomaxã nanaxuegu nax taxũtáma chixüexü̃ i ngẽma natü i Yudáü̃ rü bai tá nagu chaxücuxü̃ i ngẽma naane i mexü̃ i nüma tá pexna naxãxü̃ nax pexrü yixĩxü̃ca̱x.

Wenaxarü naxümatü ga Tupanaarü mugü 26:1

Rü pema rü ngẽxguma nagu pechocugu rü nawa pengẽxmagügu i ngẽma naane i Cori ya Tupana tá pexna ãxü̃, rü ngẽma nüxíraxü̃xü̃ i penetü i peanegu petogüxü̃arü o rü tá wüxi i pechigu penanucu. Rü nawa tá cunana i ngẽma nachica i Cori ya Tupana nüxü̃ unetaxü̃ nax nawa nangẽxmaxü̃.