Wenaxarü naxümatü ga Tupanaarü mugü 18:6 - Tupanaarü Ore

⁶ Rü ngẽxguma ngexnerüxünemare i perü ĩanegü i Iraéanewa ngẽxmagünewa wüxi i Lebítanüxü̃ nüxü̃́ ngúchaü̃gu nax Tupanapatawa naxũxü̃ nax ngéma napuracüxü̃ca̱x, rü tama name i nüxna penachu̱xu.

Wenaxarü naxümatü ga Tupanaarü mugü 18:6 Referans Kwoze

Wenaxarü naxümatü ga Tupanaarü mugü 12:5

Rü Tupana rü petanüwa tá nüxü̃ naxuneta i wüxi i nachica nax nawa namaxü̃xü̃ca̱x. Rü pema rü tá ngẽma nachicawa pexĩ nax ngéma nüxü̃ picua̱xüü̃güxü̃ca̱x.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:1

Rü pemaxã nüxü̃ chixuxchaü̃ i wüxi i ore i aixcüma ixĩxü̃. Rü ngẽxguma chi texé naxwa̱xegu nax yaxõgüxü̃arü ãẽ̱xgacü tixĩxü̃, rü mexü̃ i puracü nixĩ i naxca̱x tadauxü̃.

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Wiyaegü 84:5

Rü tataãẽgü ya yíxema cuxü̃tagu tümaarü ngü̃xẽẽxü̃ iyanga̱u̱xe rü yíxema yáxü̃wa ne ĩxẽ nax yima curü ma̱xpǘnewa cuxü̃ tayarücua̱xüü̃güxü̃ca̱x.

Wiyaegü 27:4

Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Wiyaegü 26:8

Pa Corix, choma nüxü̃ changechaü̃ ya yima cupata, rü nüxü̃ changechaü̃ i ngẽma nachica i nawa nangẽxmaxü̃ ya curü üüne.

Wenaxarü naxümatü ga Tupanaarü mugü 16:2

Rü Üpetüchigagu rü tá Tupanaca̱x peyama̱x rü peyagu i wocagü rü carnérugü nagu i ngẽma nachica i nüma nüxü̃ naxunetaxü̃ nax nagu naxãpataxü̃.

Wenaxarü naxümatü ga Tupanaarü mugü 12:11

Rü ngẽxguma ngẽma naanewa pengẽxmagügu rü nüma ya Cori ya Tupana rü tá nüxü̃ naxuneta i wüxi i nachica i nüma tá nawa nangẽxmaxü̃. Rü ngéma tá naxca̱x peyadai rü ípenagu i perü ãmaregü i naxü̃nagü. Rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma perü nanetüarü o i rümemaegüxü̃ i pexueguxü̃ nax Tupanana penaxãxü̃.

Wenaxarü naxümatü ga Tupanaarü mugü 18:7

Rü narümemae nax nüxü̃ perüngü̃xẽẽxü̃ nax ngẽmaãcü ngéma nanguxü̃ca̱x rü yanguxẽẽãxü̃ca̱x i Tupanapataarü puracü naxrüxü̃ i ngẽma togü i namücügü i ngéma Tupanaaxü̃́ puracüexü̃.

Iraétanüxü̃arü muxchiga 35:5

Rü guxü̃ma i nacüwagü i ngẽma naane rü tá nawüxigumare. Rü ngẽma wüxicüwawachigü rü 900 metru tá nixĩ i norü ma̱x. Rü éstewaama, rü oéstewaama, rü nórtewaama, rü súrwaama rü tá nawüxigumare i ngẽma norü ma̱x. Rü nüma ya yimá ĩane rü ngẽma wocachitaü̃güarü ngãxü̃wa tá nangẽxma. Rü ngẽma wocachitaü̃gümaxã tá ínaxümaeguãchi.

Wenaxarü naxümatü ga Tupanaarü mugü 12:14

Rü wüxitücumüarü naanewa rü Tupana tá nüxü̃ naxuneta i wüxi i nachica nax ngéma naxca̱x ãmaregü piguxü̃ca̱x. Rü ngéma tá nixĩ i penaxüxü̃ i guxü̃ma i ngẽma pexü̃ chamuxü̃.