Wenaxarü naxümatü ga Tupanaarü mugü 18:4 - Tupanaarü Ore

⁴ Rü ngẽxgumarüxü̃ ta ngẽma chacherdótegüna tá naxǘ i ngẽma nüxíraxü̃güxü̃ i norü o i duü̃xü̃güarü trigu, rü nüxíraxü̃xü̃ i bínugü rü chíxü̃gü. Rü ngẽxgumarüxü̃ ta nüxna naxǘ i ngẽma nüxíra iyoxü̃ i carnéruta̱xa.

Wenaxarü naxümatü ga Tupanaarü mugü 18:4 Referans Kwoze

Lebítanüxü̃arü puracüchiga 23:17

Rü pepatawa tá ne penange i taxre i paũ i ngẽma rümemaexü̃ i trigute̱xewa üxü̃ i pu̱xẽẽruü̃ã́xü̃. Rü 4 quíru naguxü̃ tá nixĩ i wüxichigü i ngẽma paũ, rü chope̱xewa tá peyachü̱xacüüxẽxẽ. Rü ngẽma rü wüxi i ãmare i nüxíra pebuxuxü̃ i perü tríguarü owa üxü̃ tá nixĩ.

Lebítanüxü̃arü puracüchiga 23:10

—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!

Ínachoxü̃xü̃chiga 22:29

Rü ngẽma penetügüarü o i choxna üxü̃, rü name nixĩ i paxa choxna penaxã. Rü ngẽxgumarüxü̃ ta i perü úbachiüwa rü chanaxwa̱xe i paxa choxna penaxã i ngẽma choxna üxü̃. Rü yimá nüxíraü̃cü ya pene ya woetama choxna ücü, rü name nixĩ i chopatawa naxca̱x penaxütanü i ngẽma choma nagu chaxunetaxü̃.

Yox 21:20

Rü nümatátama nixĩ i naya̱u̱xãxü̃ ya Tupana ya Guxãétüwa Ngẽxmacüarü poxcu i nagu nguxü̃.

Romanos 8:23

Rü tama ñaa naanexicatama nixĩ i ngúxü̃ ingexü̃ i ñu̱xma, natürü yixema i tüxü̃́ ngẽxmaxü̃ i Tupanaãxẽ ya Üünexü̃ rü ta ngúxü̃ tingegü. Rü ñu̱xma nax tüxü̃́ nangẽxmaxü̃ i Naãxẽ ya Üünexü̃ ya Tupana tüxna muxü̃, rü ngẽma nixĩ i norü ügü i ngẽma mexü̃gü ya Tupana tüxna ãxchaü̃xü̃ i daxũguxü̃ i naanewa. Rü ñu̱xma rü ítanangu̱xẽxẽ nax Tupana tüxü̃ dexü̃ rü ngexwaca̱xü̃xü̃ i taxü̃negü tüxna naxãxü̃.