Wenaxarü naxümatü ga Tupanaarü mugü 18:3 - Tupanaarü Ore

³ Rü ngẽxguma wüxi i Iraétanüxü̃ Tupanaca̱x yama̱xgu i wüxi i woca i yatüxü̃ rüe̱xna carnéru rü ngẽma chacherdótegüna üxü̃ nixĩ i ngẽma namachica̱xwe rü nachicüra rü guxü̃ma i naü̃nütagü.

Wenaxarü naxümatü ga Tupanaarü mugü 18:3 Referans Kwoze

Wenaxarü naxümatü ga Tupanaarü mugü 12:27

Rü ngẽma Tupanaarü ãmarearü guruü̃wa tá naxca̱x ípenagu i perü naxü̃nagü. Rü yimá nagü i ngẽma naxü̃nagü i Tupanana pexãxü̃ rü tá ngẽma ãmarearü guruü̃étügu penaba. Natürü i ngẽma namachi rü name nax penangṍxü̃.

Iraétanüxü̃arü muxchiga 18:11

Rü ngẽma ãmaregü i chorü ngüxmüxẽẽruü̃gü i Iraétanüxü̃ choxna ãgüxü̃ rü cuxna rü cunegüna rü cuxacügü i cupatawa ngẽxmagüxü̃na chanaxã. Rü ngẽma rü wüxi i mu i guxü̃gutáma pingu̱xẽẽxü̃ nixĩ. Rü ngexü̃rüüxü̃mare i cupatacüã̱x i chope̱xewa mearü maxü̃xã́xü̃ rü name nax nangõ̱xgüãxü̃ i ngẽma ãmaregü.

Iraétanüxü̃arü muxchiga 18:12

Rü ngẽxgumarüxü̃ ta cuxna chanaxã i ngẽma nanetügüarü o i nüxíraxü̃güxü̃ i wüxichigü ya taunecügu choxna naxãgüxü̃ i Iraétanüxü̃. Rü ngẽxgumarüxü̃ ta cuxna chanaxã i ngẽma chíxü̃ i rümemaexü̃ rü yimá bínu ya rümemaecü rü ñu̱xũchi ngẽma trigu i rümemaexü̃.

Ínachoxü̃xü̃chiga 29:27

Rü nüxrüguma tá cunanu i ngẽma naremümachi rü yima norü tügüneperema i ngẽma carnéru i namaxã tá choxna cunamugüxü̃ i Aróü̃ rü nanegü. Erü ngẽma carnérumachi i naremüwa üxü̃ rü yima norü tügüneperema rü Aróü̃arü rü nanegüarü tá nixĩ.

Ínachoxü̃xü̃chiga 29:28

Rü ngẽma namachi tá nixĩ i Aróü̃na rü nanegüna naxãgüxü̃ i Iraétanüxü̃ i ngẽxguma naxü̃na cha̱u̱xca̱x tá inamugügu nax nüxü̃́ nüxü̃ icharüngümaxü̃ca̱x i norü pecadugü. Rü ngẽma nixĩ i wüxi i mu i guxü̃gutáma Iraétanüxü̃ca̱x ixĩxü̃.

Lebítanüxü̃arü puracüchiga 22:7

Rü ngẽxguma yáuanecü üa̱xcü rüxücugu tá nixĩ i chope̱xewa namexü̃. Rü ngẽmawena rü marü name nax nangṍoxü̃ i ngẽma õna i üünexü̃ erü woetama ngẽma nixĩ i nawemü.