Wenaxarü naxümatü ga Tupanaarü mugü 18:11 - Tupanaarü Ore

¹¹ Rü tama name i naxca̱x tixũ nax duẽxẽgüxü̃ tatoṍẽxü̃, rü bai i naxü̃tawa taxũ nax nüxna tayacaxü̃ca̱x i ngẽma ẽxü̃guxü̃xü̃ cuáxü̃, rü bai i nüxna tayaca i ngẽma naãxẽgüca̱x ngẽmagüxü̃, rü bai i nüxna tayaca i ngẽma yuetaãẽca̱x ngẽmagüxü̃.

Wenaxarü naxümatü ga Tupanaarü mugü 18:11 Referans Kwoze

Lebítanüxü̃arü puracüchiga 19:31

¡Taxũtáma nüxna peyaca i ngẽma naãẽgü i yuuxü̃ namaxã puracüexü̃! ¡Rü taxũtáma nüxna peyaca i ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃! ¡Rü taxũtáma ngẽmaãcü pegü pixãũãchixẽxẽ! Rü choma nixĩ i perü Cori ya Tupana chixĩxü̃.

Ngechuchuarü ngúexü̃gü ga yamugüxü̃arü puracüchiga 16:16

Rü wüxi ga ngunexü̃gu ga yexguma yumüxẽwa taxĩxgu ga tomax, rü yexma ngĩxü̃ tayangau ga wüxi ga pacü ga ngo̱xo ngĩwa yexmacü. Rü yema pacü rü corigü ngĩxme̱xwa diẽru ngĩxü̃ nayauxgü, yerü ngĩma rü duü̃xü̃gümaxã nüxü̃ iyaxu nax ta̱xacü tá yixcüra nangupetüxü̃. Rü yemaca̱x ga duü̃xü̃gü rü diẽrumaxã ngĩxü̃́ nanaxütanü, rü yemagu poraãcü diẽru ngĩxü̃ iyaxu naxca̱x ga ngĩrü corigü.

Ínachoxü̃xü̃chiga 22:18

¡Rü ngẽma ngexü̃ i yuüexü̃ rü tá peyama̱x!

Lebítanüxü̃arü puracüchiga 20:27

Rü ngẽma yatüxü̃ rüe̱xna ngexü̃ i chixexü̃ i naãxẽmaxã puracüexü̃, rü ngẽma duü̃xü̃ i nüxü̃ cua̱xnetaxü̃ nax ngẽma ẽxü̃guxü̃ i yixcüra tá ngupetüxü̃, rü tá nutagümaxã ípenamuxũchiãcü penadai. Rü nümagü rü nagagutátama nayue” —ñanagürü ga Cori ya Tupana.

1 Chamué 28:8

Rü nüma ga Chaú rü nügü nanatoxchiruraü̃xẽxẽ, rü taxre ga namücügü ínigagü. Rü chütacü yema ngexü̃tawa naxũ, rü ñanagürü ngĩxü̃: —Namaxã chidexachaü̃ i wüxi i duü̃xü̃ i yuxü̃. ¿Rü cuxü̃́ natauxchaxü̃ i naãxẽca̱x nax cungemaxü̃? —ñanagürü.

Lebítanüxü̃arü puracüchiga 19:26

¡Rü taxũtáma penangõ̱x i namachi i ãgüxü̃. ¡Rü taxũtáma yuüca̱x pengúe, rü taxũtáma naxca̱x pengúe i ngẽma ẽxü̃guxü̃ i yixcüra tá ngupetüxü̃!

Lebítanüxü̃arü puracüchiga 20:6

Rü yíxema naxca̱x ixũxe i ngẽma chixexü̃ i naãẽgümaxã puracüexü̃ rü ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃, rü tügütama tachixexẽxẽ. Rü choma rü tá tümachi chaxai ya yíxema duü̃xẽ rü wüxicana tá tüxü̃ ichayarüxoxẽxẽ i duü̃xü̃gütanüwa.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?